ບໍ່ແກ້ວ: ເນື່ອງຈາກການລາຍງານ ຂອງທາງການ ມຽນມາ ພົບຄົນຕິດເຊື້ອ ໂຄວິດ-19 ທີ່ເປັນແຮງງານ ເດີນທາງຈາກ ປະເທດລາວ ໃນວັນທີ່ 24 ມິຖຸນາ 2020 ຜ່ານມາ.
ທາງຄະນະສະເພາະກິດຂັ້ນແຂວງ ໄດ້ເຮັດການກັກບໍລິເວນ ບຸກຄົນໃດ້ຊິດ ກັບແຮງງານຄົນດັ່ງກ່າວ ພ້ອມເກັບຕົວຢ່າງ ໄປກວດ, ຜົນລາຍງານ ການກວດຫາເຊື້ອ ໃນວັນທີ່ 7 ກໍລະກົດ 2020 ແມ່ນບໍ່ພົບເຊື້ອ.
ເຖິງຢ່າງໃດກໍ່ຕາມ ເພື່ອຄວາມປອດໄພໄວ້ກ່ອນ ທາງແຂວງບໍ່ແກ້ວ ຍັງຕິດຕາມອາການຂອງທຸກຄົນ ທີ່ກ່ຽວຂ້ອງກັບ ຜູ່ກວດພົບເຊື້ອຄົນດັ່ງກ່າວ.
ການລາຍງານທາງການ ວັນທີ່ 10 ກໍລະກົດ 2020 ເປັນມື້ ທີ່ 89 ທີ່ ສປປລາວ ບໍ່ມີຄົນຕິດເຊື້ອ ໂຄວິດ-19 ເພີ່ມ. ຍັງຢູ່ຕົວເລກເດີມ ຄື ຕິດເຊື້ອ 19 ຄົນ ປົວດີອອກໂຮງໝໍ ໝົດ ທັງ 19 ຄົນ.
ອ່ານລາຍງານແຂວງບໍ່ແກ້ວ
.
ຖະແຫຼງຂ່າວ ວັນທີ່ 10 ກໍລະກົດ 2020
