ເປັນອີກເຫດການທີ່ສະເຫມືອນໃຈແກ່ປະຊາຊົນລາວ ທາງແຂວງບໍ່ແກ້ວກັບເຫດການໄພສັງຄົມປຸ້ນເຈົ້າເອົາຂອງ.
ຕາມລາຍງານຄວາມຄືບໜ້າ ເລື່ອງຍິງປຸ້ນເງິນທີ່ເມືອງຕົ້ນເຜີ້ງແຂວງບໍ່ແກ້ວໃນມື້ວານນີ້ (8 ກໍລະກົດ 2020) ທີ່ຄາຊີໂນໂຄງການຄີງໂຣມັນ ໃນເຂດເສດຖະກິດສາມຫຼ່ຽມຄຳ ເມືອງຕົ້ນເຜີ້ງ ແຂວງບໍ່ແກ້ວ ແມ່ນເຈົ້າໜ້າທີ່ສາມາດນຳຈັບຜູ້ປຸ້ນມາໄດ້ 1 ຄົນ ພ້ອມເງິນທີ່ປຸ້ນໄປ.
ເຫດການຄັ້ງນີ້ແມ່ນເຮັດໃຫ້ມີຜູ້ເສຍຊີວິດ 4 ຄົນ (ຍິງ 1) ເປັນຄົນຈີນ ທັ້ງໝົດ, ພວກກ່ຽວຂີ່ລົດຮອນດາຊີອາວີ ທະບຽນພາສາຈີນ A2FH96 ຖືກຍິງຈົນມຸ່ນ ຈາກນັ້ນຄົນຮ້າຍໄດ້ຊີງເງິນສົດທີ່ເປັນທະນະບັດໃບ 100 ຢວນນັບລ້ານຢວນໜີໄປ.
ຕາມຂ່າວຈາກຄາຊີໂນເອງແຈ້ງວ່າ ຜູ້ເສຍຊີວິດທັງ 4 ຄົນເປັນຄົນຈີນໝົດ ແລະຖືກສັງຫານຄາຫ້ອງພັກ ແລະຜູ້ກໍ່ເຫດກໍ່ເປັນຄົນຈີນ ຫຼັງກໍ່ເຫດໄດ້ຊີງເງິນໜີໄປພ້ອມລົດຮອນດາສີຂາວ ຫຼັງຈາກນັ້ນເຈົ້າໜ້າທີ່ໃນເມືອງຕົ້ນເຜິ້ງໄດ້ໄລ່ລ່າຕິດຕາມໄປທັນທີ່ບ້ານເກີ້ງໃຫຍ່ ຫ່າງຈາກບ່ອນຄາຊີໂນຄີງຣາມັນປະມານ 15 ກີໂລແມັດ ແລະສາມາດຈັບຄົນຮ້າຍມາໄດ້ 1 ຄົນ.
ຕາມສັນນິຖານໃນເບື້ອງຕົ້ນຄາດວ່າ ເຫດການສັງຫານໂຫດຄັ້ງນີ້ໜ້າຈະມາຈາກການຫຼິ້ນການພະນັນໃນວົງພະນັນ ແຕ່ຕອນນີ້ຄົນຮ້າຍໄດ້ຮັບບາດເຈັບ ແລະຖືກເຈົ້າໜ້າທີ່ທາງການລາວຈັບຕົວໄປສອບສວນແລ້ວ.
ພາບຈາກທີ່ເກີດເຫດ
ພາບຈາກທີ່ເກີດເຫດ
ພາບຈາກທີ່ເກີດເຫດ
ພາບຈາກທີ່ເກີດເຫດ
