ສຶກສາອົບຮົມກຸ່ມໄວລຸ້ນ 38 ຄົນ ໃຫ້ເຂົ້າໃຈເຖິງຜົນຮ້າຍ ແລະ ໄພອັນຕະລາຍຂອງການມົ້ວສຸມຢາເສບຕິດ ແລະ ຫຼິ້ນເກມອອນລາຍ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໄດ້ນຳເອົາກຸ່ມໄວລຸ້ນທີ່ມົ້ວສຸມຢາເສບຕິດ, ຫຼີ້ນເກມອອນລາຍ ( ອິນເຕີເນັດ ) ຈໍານວນ 38 ຄົນ, ຍິງ 1 ຄົນ ມາສຶກສາອົບຮົມເພື່ອໃຫ້ເຂົາໃຈເຖິງຜົນຮ້າຍ ແລະ ໄພອັນຕະລາຍ ຂອງການມົ້ວດັ່ງກ່າວ ໂດຍການເປັນປະທານຂອງ ພັທ ສົມຫວັງ ທອງປະດິດ ຮອງກອງບັນຊາການ ປກສ ເມືອງໄຊທານີ, ມີ ທ່ານ ຝົນ ທິລະກຸນ ຮອງຫົວໜ້າຫ້ອງວ່າການປົກຄອງເມືອງໄຊທານີ, ມີຮອງເລຂາຫົວໜ້າຫ້ອງການສຶກສາ ແລະ ກິລາເມືອງ, ຮອງເລຂາຊາວໜຸ່ມເມືອງ, ປກສ ກຸ່ມ, ການຈັດຕັ້ງ 10 ບ້ານເຂົ້າຮ່ວມ.

ພັທ ບຸນມີ ແກ້ວພົມມາ ຫົວໜ້າພະແນກຕຳຫຼວດ ກອງບັນຊາການ ປກສ ເມືອງໄຊທານີ ໃຫ້ຮູ້ວ່າ: ຕໍ່ກັບກຸ່ມມົ້ວສຸມຢາເສບຕິດ, ຫຼີ້ນເກມອອນລາຍ ( ອິນເຕີເນັດ ) ທີ່ນໍາມາສືກສາອົບຮົມນີ້ ແມ່ນສືບເນື່ອງມາຈາກ ເວລາ 17:00ໂມງ ຂອງວັນທີ 19 ມິຖຸນາ 2020 ເຈົ້າໜ້າທີ່ ປກສ ເມືອງໄຊທານີ ໄດ້ລົງກວດກາບັນດາຮ້ານອາຫານ, ຮ້ານກິນດື່ມ ທີ່ມີການມົ້ວສຸມສິ່ງທີ່ຜິດກົດໝາຍ ໄດ້ພົບເຫັນຮ້ານອິນເຕີເນັດຮ້ານໜື່ງ ທີ່ມີການມົ້ວສຸມຢາເສບຕິດ, ຫຼີ້ນເກມອອນລາຍ; ເຊິ່ງເປັນຮ້ານຂອງ ນ. ອາຫຼິງ ອາຍຸ 20 ປີ, ຢູ່ບ້ານສົມສະໄໝ, ເມືອງໄຊທານີ ນະຄອນຫຼວງວຽງຈັນ ຕັ້ງຢູ່ບ້ານດອນໜູນ ເມືອງໄຊທານີ ນະຄອນຫຼວງວຽງຈັນ. ຜ່ານການກວດກາພົບເຫັນ ຢາບ້າ ຈຳນວນ 11 ເມັດ, ເຄື່ອງຕື່ມເຊີເກມ ຈຳນວນ 1 ຊຸດ, ລົດຈັກ 29 ຄັນ, ລົດໃຫຍ່ 1 ຄັນ, ມີຜູ້ມົ້ວສຸມຢາເສບຕິດ, ຫຼີ້ນເກມອອນລາຍ ຈຳນວນ 38 ຄົນ, ຍິງ 1 ຄົນ ແລະ ເຈົ້າຂອງຮ້ານ 3 ຄົນ, ຍິງ 2 ຄົນ, ມາຮອດວັນທີ 23 ມິຖຸນາ 2020 ຈິ່ງໄດ້ນຳຜູ້ມົ້ວສຸມຢາເສບຕິດ, ມົ້ວສຸມຫຼີ້ນເກມອອນລາຍມາສຶກສາອົບຮົມ ເພື່ອໃຫ້ເຂົ້າໃຈ ເຖິງຜົນຮ້າຍ ແລະ ໄພອັນຕະລາຍຂອງການມົ້ວສຸມດັ່ງກ່າວ. ຕໍ່ກັບເຈົ້າຂອງຮ້ານ ແມ່ນໄດ້ມອບໃຫ້ໜ່ວຍງານສະເພາະກິດ ຂອງເມືອງໄຊທານີ ເປັນຜູ້ແກ້ໄຂ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໃນການສືກສາອົບຮົມ ຮອ ບົວລຳ ດວງປັນຍາ ຮອງຫົວໜ້າໜ່ວຍງານສະກັດກັ້ນ ແລະ ປາບປາມຢາເສບຕິດ ໄດ້ບັນລະຍາຍເຖິງຜົນຮ້າຍ ແລະ ໄພອັນຕະລາຍຂອງຢາເສບຕິດໃຫ້ຜູ້ທີ່ເຂົ້າຮ່ວມໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງເຖິງຜົນຮ້າຍ ແລະ ໄພອັນຕະລາຍຂອງຢາເສບຕິດອີກດ້ວຍ ເພື່ອເຮັດໃຫ້ກຸ່ມໄວລຸ້ນຈໍານວນນີ້ ປັບປ່ຽນພຶດຕິກໍາດັ່ງກ່າວແລ້ວກັນມາເຮັດສິ່ງທີ່ເກີດປະໂຫຍດທີ່ດີິຕໍ່ຕົນເອງ, ຄໍ່ພໍ່ແມ່, ຕໍ່ຄອບຄົວ ແລະ ຕໍ່ສັງຄົມລາວ.