ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ການກໍ່ສ້າງເສັ້ນທາງເບຕົງຈາກການຮ່ວມມືຂອງປະຊາຊົນບ້ານນາວຽງຄຳ ຈະເປັນຕົວແບບໃຫ້ຫຼາຍບ້ານໃນ ນະຄອນ ຫຼວງພະບາງ

ການກໍ່ສ້າງເສັ້ນທາງເບຕົງ ພາຍໃນບ້ານນາວຽງຄຳ ໄດ້ເລີ້ມລົງມືປະຕິບັດມາແຕ່ທ້າຍເດືອນພດສະພາ ຫາ ທ້າຍເດືອນມິຖຸນານີ້ ໄດ້ສຳເລັດເກືອບ 100%.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ເຊີ່ງການກໍ່ສ້າງທັງໝົດ ແມ່ນໄດ້ຈາກການປະກອບສ່ວນ ດ້ານທືນຮອນຂອງປະຊາຊົນທີ່ຊົມໃຊ້ເສັ້ນທາງ, ລວມທັງການປະກອບສ່ວນຂອງນັກທຸລະກິດ ແລະການນຳ-ອາດິດການນຳ ທີ່ດຳລົງຊີວິດຢູ່ພາຍໃນບ້ານ ໃນນັ້ນ ມີທັງການປະກອບສ່ວນເປັນຈຳນວນເງີນ ແລະວັດຖຸ ລວມປະມານ 41 ລ້ານກ່ວາກີບ, ສ່ວນການປະກອບສ່ວນດ້ານພາຫະນະຂົນສົ່ງແຫ່-ຊາຍ ແລະແຮງງານ ແມ່ນບໍ່ໄດ້ຄິດໄລ່ເປັນມູນຄ່າ, ພິເສດແມ່ນອົງການປົກຄອງ ນະຄອນ ຫຼວງພະບາງ ປະກອບສ່ວນຊີມັງຈຳນວນ 30 ໂຕ່ນ.

ທ່ານ ຈັນສຸກ ພັນໂດລັກ ເຈົ້ານະຄອນ ຫຼວງພະບາງ ໄດ້ໃຫ້ສຳພາດວ່າ: ການກໍ່ສ້າງເສັ້ນທາງເບຕົງ ພາຍໃນບ້ານນາວຽງຄຳ ເປັນຕົວແບບໜື່ງໃນການປະຕິບັດແຜນການ 5 ປີຂອງນະຄອນ ຫຼວງພະບາງ ເື່ອກ້າວຂື້ນເປັນນະຄອນທີ່ສະອາດ ສີຂຽວໃນອານາຄົດ, ເຊີ່ງເມືອງກ່ອນເສັ້ນທາງພາຍໃນບ້ານ ເປັນເສັ້ນທາງດີນແດງ ປູູດ້ວຍຫີນກາບ ເຮັດໃຫ້ພົບຄວາມຫຍຸ້ງຍາກ ໃນການໄປມາຫາສູ່ກັນ ທັງບໍ່ມີຄວາມເປັນລະບຽບຮຽບຮ້ອຍໃນຕົວເມືອງ,

ທ່ານກ່າວຕື່ມວ່າ: ຜົນສຳເລັດຂອງການປູເສັ້ນທາງເບຕົງພາຍໃນບ້ານນາວຽງຄຳ ແມ່ນການປະກອບສ່ວນນັບທັງວັດຖຸ-ເງີນຄຳ ແລະເຫື່ອແຮງຂອງປະຊາຊົນພາຍໃນບ້ານ ເຊີ່ງຈະເປັນແບບຢ່າງໃຫ້ກັບບ້ານອື່ນ ນຳໄປໝູນໃຊ້ ແລະປະຕິບັດຕໍ່ໄປ ເພື່ອເຮັດໃຫ້ບັນດາບ້ານ ພາຍໃນນະຄອນຫຼວງພະບາງ ໄດ້ມີເສັ້ນທາງເບຕົງຊົມໃຊ້.

ບ້ານນາວຽງຄຳ ເປັນບ້ານໜື່ງຕັ້ງຢູ່ໃນເທດສະບານຂອງແຂວງ ກໍ່ຄືນະຄອນ ຫຼວງພະບາງ ປະກອບມີ 239 ຄອບຄົວ, ສະເພາະເສັ້ນທາງເບຕົງ ທີ່ສ້າງສຳເລັດແລ້ວມີຄວາມຍາວທັງໝົດ 407 ແມັດ, ນໍາໃຊ້ທືນທັງໝົດ 41 ລ້ານກ່ວາກີນ, ໃນນັ້ນ ແມ່ນການປະກອບສ່ວນຂອງປະຊາຊົນຜູ້ນຳໃຊ້ເສັ້ນທາງ ຈຳນວນ 55 ຄອບຄົວ, ຄອບຄົວ ລະ 4 ແສນກີບ ລວມ 32 ລ້ານກີບ, ໃນແຜນການຕໍ່ໜ້າ ອົງການປົກຄອງບ້ານຈະສືບຕໍ່ໃນການສ້າງທາງເບຕົງ ໃຫ້ປະຊາຊົນພາຍໃນບ້ານຊົມໃຊ້ຕື່ມ ໂດຍປັບຈາກເສັ້ນທາງປູຫີນທີ່ຍັງເຫຼືອ 1 ເສັ້ນ ມີຄວາມຍາວປະມານ 200 ແມັດ ໃຫ້ເປັນເສັ້ນທາງເບຕົງ ໃນທ້າຍປີນີ້.

ໂດຍ: ຂ່າວສານ ຫຼວງພະບາງ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here