ຫ້ອງອັດບ້ານນາ ແຕ່ຍອດວິວບ້າໄປແລ້ວ! ເປົ້າຮ້ອຍລ້ານວິວ

ຊົ່ວໂມງນີ້ຕ້ອງບອກເລີຍວ່າມາແຮງອີຫຼີ ເມື່ອເວົ້າເຖິງເພງຮິດທາງຊ່ອງຢູທູບ “ຢາກເປັນລູກເຂີຍ” ຍອດວິວທະລຸ 30 ລ້ານວິວເປັນທີ່ຮຽບຮ້ອຍ ຜົນງານຢູທູບຂອງຄົນລາວ “ໂສພະນາ” ແລະ “ແບກື໋” ກັບເພງຢາກເປັນລູກເຂຍ

ໜຶ່ງ​ໃນ​ຜູ້​ສ້າງ​ງານ​ເພງ​ຢາກ​ເປັນ​ລູກ​ເຂີຍ ອີກ​ຄົົນໜຶ່ງທີ່​ໜ້າ​ຈັບ​ຕາມ​ອງ​ຄື T’Jame UNO ຫລື ຈົກ ຢູ​ໂນ ຫລື ຮ້ອງ​ຊື່​ວ່າ ທ້າວ​ແສງ​ປະ​ເສີດ ເທບ​ສຸ​ລິນ​ທອນ

ທ້າວ​ແສງ​ປະ​ເສີດ ອາຍຸ 19 ປີ ເປັນ​ຄົນ​ຮ້ອງ ແລະ ​ບັນ​ທຶກ​ສຽງ​ເພງ​ນີ້ ທີ່​ຫ້ອງ​ອັດ​ສຽງ​ແບບ​ບ້ານ​ບ້ານ​ຂອງລາວເອງ​​ເປັນ​ໄວລຸ້ນລາວ​ຍຸກ​ດິ​ຈິ​ຕອນ ທີ່​ຈັດ​ຢູ່ໃນ​ກຸ່ມ​ສາຍ​ພັນ​ອາ​ຍຸນ້ອຍ​ຮ້ອຍ​ລ້ານ​ວິວ

ກ່ອນໜ້ານີ້ ຈົກ ຢູໂນ ມີງານຜົນງານເພງເຜີຍແຜ່ທາງຢູທູບແລ້ວ 2 ຫາ 3 ເພງ ແຕ່ທີ່ໄດ້ຮັບຄວາມນິຍົມມີຍອດວິວ 17 ລ້ານກວ່າວິວແລ້ວຄືເພງ “ໃສ່ໃຈໄດ້ແຕ່ມອງ” ຮ້ອງໂດຍ GX2 ຫລື ກູດ ນ້ອງຊາຍຂອງລາວເອງ

ປະຈຸບັນ ທ້າວ ​ແສງ​ປະ​ເສີດ ຫລື T’Jame UNO ເປັນ​ຄົນ​ບ້ານ​ຖ້ຳ​ພວງ ເມືອງ​ຍົມ​ມະ​ລາດ ແຂວງ​ຄຳ​ມ່ວນ ຮຽນຈົບ ມ.7 ຈາກ​ໂຮງຮຽນ ມ.ສ.ເມືອງ​ຍົມ​ມະ​ລາດ ແລະ ຕອນນີ້ ກຳ​ລັງ​ສຶກ​ສາ ​ສາ​ຂາ​ວິ​ຊາ​ໄອ​ທີ

ຂໍຂອບໃຈພາບຈາກ: T’Jame UNO