ກະຊວງສາທາລະນະສຸກ ແຈ້ງໃຫ້ຮູ້ໃນວັນທີ 26 ມິຖຸນາ ວ່າ: ມີຜູ້ເສຍຊີວິດຈາກໄຂ້ຍຸງລາຍເພີ່ມອີກ 1 ຄົນແລ້ວຢຸ່ແຂວງບໍລິຄໍາໄຊໝາຍຄວາມວ່ານັບແຕ່ທ້າຍເດືອນທັນວາປີ 2019 ຮອດປັດຈຸບັນ ຄົນລາວເສຍຊີວິດລວມແລ້ວ 6 ຄົນ ( ນະຄອນຫລວງ 2, ບໍລິຄໍາໄຊ 2, ເຊກອງ 1 ແລະ ຄໍາມວນ 1).
ກະຊວງສາທາລະນະສຸກຍັງແຈ້ງໃຫ້ຮູ້ຕື່ມວ່າ: ສະພາບຜູ້ຕິດເຊື້ອໄຂ້ຍຸງລາຍຍັງໜ້າເປັນຫ່ວງເພາະຍັງມີຕົວເລກຜູ້ຕິດເຊື້ອເພີ່ມຂຶ້ນໃນແຕ່ລະມື້ຊຶ່ງຢູ່ນະຄອນຫລວງວຽງຈັນມີີຜູ້ຕິດເຊື້ອຫຼາຍກວ່າໝູ່ ມີ ເຖິງ 479 ກໍລະນີ, ຮອງລົງມາແມ່ນແຂວງວຽງຈັນ ມີ 304 ກໍລະນີ, ບໍລິຄໍາໄຊ ມີ 257 ກໍລະນີ, ແຂວງ ອັດຕະປື ມີ 229 ກໍລະນີ, ຄໍາມ່ວນ 178 ກໍລະນີ, ສະຫວັນນະເຂດ ມີ 172 ກໍລະນີ, ສາລະວັນ 135 ກໍລະນີ, ໄຊຍະບູລີ ມີ 113 ກໍລະນີ ແລະ ແຂວງອື່ນໆ, ຍັງມີພຽງແຕ່ແຂວງຊຽງຂວາງແຂວງດຽວ ທີ່ຍັງບໍ່ພົບຜູ້ຕິດເຊື້ອຈັກກໍລະນີ.
ກະຊວງສາທາລະນະສຸກໄດ້ຮຽກຮ້ອງໃຫ້ທຸກຄົນຈົ່ງຊ່ວຍກັນເພີ່ມທະວີມາດຕະການປ້ອງກັນໄຂ້ຍຸງລາຍ ໂດຍສະເພາະໃຫ້ທໍາລາຍແຫຼ່ງເພາະພັນໜອນນໍ້າ ຫຼື ລູກຍຸງລາຍຢູ່ບໍລິເວນເຮືອນໃຫ້ເປັນປະຈໍາ ແລະ ອື່ນໆ.
ປີ 2019 ທີ່ຜ່ານມາ, ຄົນລາວເສຍຊີວິດສູງເຖິງ 76 ຄົນຍ້ອນໄຂ້ຍຸງລາຍ.
