ນາຍົກລັດຖະມົນຕີ ໄດ້ໃຫ້ຄວາມກະຈ່າງແຈ້ງເພີ່ມເຕີມມື້ວານນີ້ວັນທີ 25 ມິຖຸນາ ທີ່ ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ VIII ກ່ຽວກັບບາງບັນຫາ ຕໍ່ການຊັກຖາມ ແລະ ແລກປ່ຽນຄຳຄິດຄຳເຫັນ ກັບ ບັນດາ ສະມາຊິກສະພາແຫ່ງຊາດ ເປັນຕົ້ນ ແມ່ນຄ່າໄຟຟ້າ, ບັນຫາຢາເສບຕິດ ແລະ ບັນຫາອື່ນໆ.

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຊີ້ແຈງບາງບັນຫາທີ່ສໍາຄັນ, ໂດຍສະເພາະກ່ຽວກັບລາຄາໄຟຟ້າວ່າ: ລັດຖະບານໄດ້ມີການປັບນະໂຍບາຍປັບປຸງໂຄງສ້າງລາຄາໄຟຟ້າໃໝ່ ຄັ້ງທຳອິດ ແຕ່ເຫັນວ່າບໍ່ຕອບສະໜອງຕໍ່ຜູ້ຊົມໃຊ້ຈຳນວນໜຶ່ງ, ສະນັ້ນ ລັດຖະບານຈຶ່ງມີການປັບປຸງຄືນໃໝ່ອີກເປັນຄັ້ງທີສອງ ເພື່ອໃຫ້ສອດຄ່ອງກັບສະພາບຂອງຜູ້ຊົມໃຊ້ໄຟຟ້າ ແຕ່ເປັນການທົດລອງໃຊ້ພາຍໃນປີ 2020 ເທົ່ານັ້ນ ເຖິງແມ່ນວ່າໄຟຟ້າລາວ ຈະຂາດທຶນຫຼາຍຮ້ອຍລ້ານກໍຕາມ. ນອກນັ້ນທ່ານໄດ້ເນັ້ນໃຫ້ລັດວິສາຫະກິດໄຟຟ້າລາວ ກວດຄືນການປະຕິບັດໜ້າທີ່ຂອງພະນັກງານ, ໂດຍສະເພາະພະນັກງານ ເກັບເງິນ, ຈົດເລກກົງເຕີ, ແລະ ຄິດໄລ່ເງິນຄ່າໄຟຟ້າ. ຖ້າພົບການກະທຳທີ່ບໍ່ຖືກຕ້ອງ ໃຫ້ດຳເນີນການຕາມລະບຽບ, ນອກນັ້ນຄວນກວດກາຄືນອຸປະກອນໄຟຟ້າ ທີ່ເກົ່າແກ່ຊຸດໂຊມ ຕ້ອງມີການປັບປ່ຽນຄືນໃຫ້ປະຊາຊົນ.

Image may contain: one or more people, tree, sky, outdoor and nature

ສະເພາະບັນຫາການສ້າງວຽກເຮັດງານທໍາໃຫ້ຄົນລາວ ແລະ ການແກ້ໄຂບັນຫາຢາເສບຕິດ, ທ່ານນາຍົກລັດຖະມົນຕີ ໄດ້ເນັ້ນຢ້ຳໃຫ້ພາກສ່ວນທີ່ກ່ຽວຂ້ອງ ຈົ່ງພະຍາຍາມສົ່ງເສີມ ແລະ ສ້າງວຽກເຮັດງານທຳໃຫ້ແກ່ແຮງງານລາວ ໄດ້ເຮັດວຽກຢູ່ພາຍໃນຫລາຍຂຶ້ນ. ສ່ວນບັນຫາຢາເສບຕິດ ຍັງມີການຄຸກຄາມສັງ ຄົມລາວຢ່າງໜັກໜ່ວງສົມຄວນ ເຖິງແມ່ນວ່າລັດຖະບານໄດ້ສຸມໃສ່ແກ້ໄຂຢ່າງແຂງແຮງ ແລະ ຈິງຈັງ ໃນໄລຍະທີ່ຜ່ານມາ ແລະ ຈະສືບຕໍ່ແກ້ໄຂຢ່າງຕັ້ງໜ້າໃນອະນາຄົດ.

ຂ່າວ: ວຽງຈັນທາຍ

ພາບ: EDL

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here