ປກສ ອຸດົມໄຊ: ໃນຕອນແລງຂອງວັນທີ 22 ມິຖຸນາ 2020 ຢູ່ຈຸດເກີດເຫດບ້ານຫ້ວຍຕອງ, ເມືອງໄຊ, ແຂວງອຸດົມໄຊເຈົ້າໜ້າທີວິຊາສະເພາະໄດ້ນຳຕົວຜູ້ຖືກຫາຊື່ທ້າວ ວືຊົງ, ອາຍຸ 55 ປີ, ອາຊີບເຮັດສວນ, ຢູ່ບ້ານຫ້ວຍຕອງ,ເມືອງໄຊ ແຂວງອຸດົມໄຊ ມາທົດສະກຳຄືນສາເຫດຍິງລູກຊາຍຕົນເອງ ຊື່ທ້າວ ນູຊົງ , ອາຍຸ 24 ປີ, ອາຊີວາງງານ,ຢູ່ບ້ານຫ້ວຍຕອງ ຈົນເສຍຊີວິດ.

ທ້າວວືຊົງ (ຜູ້ຖືກຫາ) ໄດ້ໃຫ້ການຮັບສາລະພາບຕໍ່ເຈົ້າໜ້າທີວ່າ: ກ່ອນເກີດເຫດໃນວັນທີ 18 ມິຖຸນາ 2020 ເວລາ 09 ໂມງຜູ້ກ່ຽວໄດ້ຢ່າງໄປເບິ່ງງົວຢູ່ສະໜ່ຳແລ້ວບໍເຫັນງົວ ຈຳນວນ 01 ໂຕ, ເຊິ່ງເປັນງົວເທິກ, ສີເທົາ, ບໍ່ຮູ້ວ່າແມ່ນໃຜເປັນຄົນລັກເອົາໄປ ແຕ່ສົງໄສວ່າແມ່ນລູກຊາຍຂອງຕົນເອງຊື່ທ້າວນູຊົງ ເປັນຄົນລັກ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ຈາກນັ້ນ ຕົນໄດ້ສັ່ງຄວາມນຳທ້າວ ປໍຈົວ ຄົນບ້ານດຽວກັນທີ່ມາຕັດຝື່ນຢູ່ສະໜ່ຳໃຫ້ໄປບອກລູກຊາຍຂອງຕົນອີກຜູ້ໜຶ່ງຊື່ທ້າວບຸນມີວ່າ: ງົວເສຍແລ້ວ, ໃຫ້ມາຊອກຊ່ວຍກັນ, ແຕ່ລູກຊາຍກໍ່ປະຕິເສດ ບໍ່ໄດ້ມາຊ່ວຍພໍ່ມີແຕ່ຟາກຄວາມນຳເຂົາໃຫ້ທ້າວ ປໍຈົວມາຊອກງົວຊ່ວຍຕົນ, ແຕ່ຊອກບໍ່ເຫັນ,

ມາຮອດວັນທີ 21 ເດືອນດຽວກັນ ຕົນໄດ້ຢ່າງໄປຊອກງົວຕາມແຄມທາງລົດ ຈົນຮອດເວລາ 15 ໂມງ ຕົນຈຶ່ງໄດ້ໄປພົບເຫັນງົວຖືກມັດໄວ້ຢູ່ຕົ້ນໄມ້ແຄມທາງເບື້ອງລຸ່ມ, ກົງກັນຂ້າມກັບໂຮງງານຂອງຄົນຈີນ, ແລ້ວຕົນຄິດວ່າຕ້ອງມີຄົນມາຊື້ງົວໂຕດັ່ງກ່າວ, ແລ້ວຈຶ່ງຢ່າງໄປຢູ່ສະໜໍ່າລ້ຽງງົວ,

ຮອດເວລາ 20 ໂມງຂອງວັນດຽວກັນຕົນກໍ່ໄດ້ເອົາປືນແກັບຍັດໃສ່ໝື້, ລູກໂດດ, ລູກຫວານ ແລະ ໝາກແກັບພ້ອມ, ເຊິ່ງເປັນປືນແກັບຂອງລູກຊາຍຊື່ທ້າວ ນູຊົງ ( ຜູ້ເສຍຊີວິດ ) ທີ່ເອົາຊຸກເຊື່ອງໄວ້ຢູ່ຖຽງສະໜ່ຳພ້ອມກັບຖົງໝື້ຢ່າງລົງມາພົກຢູ່ຈຸດທີ່ຄົນເອົາງົວມາພົກໄວ້,

ຮອດເວລາ 21 ໂມງ ຕົນໄດ້ເຫັນລົດຮຸນໄດ, ສີຂາວ ບໍ່ຈື່ໝາຍເລກທະບຽນ ຂັບຂີ່ຂຶ້ນມາຈອດຢູ່ແຄມທາງລົດ, ຕິດກັບຈຸດມັດງົວ ແລະ ໄດ້ເຫັນລູກຊາຍກັບໝູ່ອີກຄົນຊື່ທ້າວຕົວຊົງ ຫຼື ລີເຊັງຊົງ ຄົນບ້ານດຽວກັນ ຍ່າງໄປຈູງເອົາງົວທີ່ມັດໄວ້, ກຽມຈະຈູງງົວຂຶ້ນລົດ,

ເມື່ອຮູ້ດີວ່າລູກຊາຍລັກເອົາງົວມາຂາຍໃຫ້ຄົນອື່ນແທ້ ຈຶ່ງໄດ້ເອົາປືນແກັບຍິງໃສ່ດ້ານຫຼັງລູກຊາຍ ຈຳນວນ 01 ນັດ ແລ້ວໄດ້ຍິນສຽງລູກຊາຍຮ້ອງຂຶ້ນ 01 ບາດ, ສວນໝູ່ລູກຊາຍ ພ້ອມກັບຜູ້ຂັບລົດຮຸນໄດແມ່ນໄດ້ຂັບຂີ່ລົດໜີໄປທາງໂຮງງານຄົບຫີນ, ຫຼັງຈາກນັ້ນຕົນກໍ່ໄດ້ຍ່າງອອກໄປເບິ່ງລູກຊາຍ ເຫັນວ່າລູກຊາຍໄດ້ເສຍຊີວິດແລ້ວ.

ຈຶ່ງຍ່າງກັບໄປນອນຢູ່ສະໜ່ຳ, ຮອດຕອນເຊົ້າຂອງວັນທີ 22 ເດືອນດຽວກັນ ລູກຊາຍຊື່ທ້າວບຸນມີ ໄດ້ໂທລະສັບມາບອກວ່າ: ມີຄົນຍິງທ້າວນູຊົງເສຍຊີວິດແລ້ວ, ຕົກມາຮອດເວລາ 09 ໂມງ ຈຶ່ງມີເຈົ້າໜ້າທີ່ມາກວດກາຊາກສົບຂອງລູກຊາຍ, ໃນເວລາຕໍ່ມາ ຕົນເອງກັບຍາດພີ່ນ້ອງກໍ່ໄດ້ນຳເອົາຊາກກສົບລູກໄປມ້ຽນຄາບສົ່ງສະການ ແລ້ວກໍ່ໄດ້ມາລາຍງານຕໍ່ອຳນາດການປົກຄອງບ້ານວ່າ: ຕົນເອງເປັນຄົນຍິງລູກຊາຍຈົນເສຍຊີວິດ.

LEAVE A REPLY

Please enter your comment!
Please enter your name here