ໃນວັນທີ 23 ມິຖຸນາ 2020 ສໍານັກຂ່າວຊິນຫົວ ລາຍ​ງານ ຈີນ​ສົ່ງ​ດາວ​ທຽມ​ດວງ​ສຸດ​ທ້າຍ​ຂອງ​ລະບົບ​ດາວ​ທຽມ​ນຳ​ທາງ​ເບ​ໂດ່ (BeiDou) ຫລື BDS ຈາກ​ສູນ​ປ່ອຍ​ດາວ​ທຽມ​ຊີ​ຊາງ ມົນ​ຖົນ​ຊື່​ຊວນ (ເສ​ສວນ) ທາງ​ຕະເວັນ​ຕົກ​ສຽງ​ໃຕ້​ຂອງ​ຈີນ ໃນເວລາ 09:43 AM. ໃນວັນ​ອັງ​ຄານ 23 ມິຖນາ 2020 ຕາມ​ເວລາ​ປັກ​ກິ່ງ.

Image may contain: sky, outdoor and nature

ສູນ​ປ່ອຍ​ດາວ​ທຽມ​ຊີ​ຊາງ ລາຍ​ງານ​ ວ່າ​ດາວ​ທຽມ​ດວງ​ດັ່ງ​ກ່າວ​ນັບ​ເປັນ​ດວງ​ທີ່ 55 ຂອງ​ຕະກູນ​ເບໂດ່ (BeiDou) ຊຶ່ງ​ໝາຍ​ເຖິງ “ກຸ່ມ​ດາວ​ກະ​ບວຍ​ໃຫຍ່” (Big Dipper) ຖືກ​ສົ່ງ​ເຂົ້າ​ສູ່ວ​ົງ​ໂຄຈອນ​ທີ່​ກຳນົດ​ດ້ວຍ​ຈ​ຣວດ​ຂົນ​ສົ່ງ ລອງ​ມາ​ດ​-3ບີ (Long March-3B) ໄດ້​ສຳ​ເລັດ ໂດຍ​ການ​ສົ່ງ​ດາວ​ທຽມ​ດວງ​ລ່າ​ສຸດ​ນີ້​ຖື​ເປັນ​ໝຸດ​ໝາຍ ບົ່ງ​ບອກ​ວ່າ​ລະບົບ​ດາວ​ທຽມ​ນຳ​ທາງ​ເບໂດ່ ຊຶ່ງ​ເປັນ​ລະບົບ​ນຳ​ທາງ​ທົ່ວ​ໂລກ​ທີ່​ຈີນ​ພັດທະນາ​ຂຶ້ນ​ເອງ ມີກຸ່ມ​ດາວ​ທຽມ​ເຂົ້າ​ປະຈຳ​ການ​ຕາມ​ແຜນ​ງານ​ທີ່​ວາງ​ໄວ້​ຄົບ​ຖ້ວນ​ສົມບູນ​ແລ້ວ ໂດຍ​ການ​ຍິງ​ຈ​ະຣວດ​ຂົນ​ສົ່ງ​ໃນ​ມື້​ອັງ​ຄານ 23 ມິຖຸນາ 2020 ນັບ​ເປັນ​ພາລະ​ກິດ​ທີ່ 336 ຂອງ​ຈ​ະຣວດ​ຂົນ​ສົ່ງ​ຕະກູນ​ລອງ​ມາ​ດ

No photo description available.

ດ້ານ ສໍານັກຂ່າວ ບີບີຊີ ລາຍ​ງານ​ວ່າ ຈີນ​ປະ​ສົບ​ຄວາມ​ສຳ​ເລັດ​ໃນ​ການ​ສົ່ງ​ດາວ​ທຽມ​ດວງ​ສຸດ​ທ້າຍ​ເຂົ້າ​ສູ່​ລະບົບ​ດາວ​ທຽມ​ນຳ​ທາງ​ເບ​ໂດ່ ຊຶ່ງ​ຈະ​ເຮັດໃຫ້​ຈີນ​ບໍ່​ຕ້ອງ​ອາໄສ​ລະບົບ​ນຳ​ທາງ Global Positioning System (GPS)ຊຶ່ງ​ເປັນ​ຂອງ​ລັດຖະບານ​ສ​ະຫະລັດ​ ອີກ​ຕໍ່ໄປ

Image may contain: night and sky

ບີ​ບີ​ຊີ​ເຜີຍ​ວ່າ ເຄືອ​ຂ່າຍ​ລະບົບ​ດາວ​ທຽມ​ນຳ​ທາງ​ເບໂດ່​ມູນ​ຄ່າ 10,000 ລ້ານ​ໂດ​ລາ​ ສະຫະລັດ ໃຊ້​ດາວ​ທຽມ 35 ດວງ​ໃນ​ການ​ຄອບ​ຄຸມ​ລະບົບ​ການ​ນຳ​ທາງ​ທົ່ວ​ໂລກ ໂດຍ​ຈີນ​ສົ່ງ​ດາວ​ທຽມ​ດວງ​ສຸດ​ທ້າຍ​ຂຶ້ນ​ສູ່​ລະບົບ​ດາວ​ທຽມ​ນຳ​ທາງ​ເບໂດ່ໃນ​ຂະນະ​ທີ່ ຄວາມ​ຕຶງ​ຄຽດ​ລະຫວ່າງ​ລັດຖະບານ​ສະ​ຫະລັດອາເມລິກາ ກັບ​ຈີນ​ກຳ​ລັງ​ທະວີ​ຫລາຍ​ຂຶ້ນ​ທັງ​ຈາກ​ກໍລະນີ​ວິກິດ​ເຊື້ອ​ໄວ​ຣັສ​ໂຄ​ໂຣ​ນາ​ສາຍ​ພັນ​ໃໝ່ລະ​ບາດ ການ​ຄ້າ ແລະ ​ຮ່ອງ​ກົງ

Image may contain: sky, ocean, cloud, outdoor, water and nature

ກ່ອນ​ໜ້າ​ນີ້ ຈີນ​ມີ​ກຳນົດ​ຈະ​ສົ່ງ​ດາວ​ທຽມ​ດວງ​ສຸດ​ທ້າຍ​ຂອງ​ລະບົບ​ດາວ​ທຽມ​ນຳ​ທາງ​ເບໂດ່ ຕັ້ງ​ແຕ່​ອາທິດ​ກ່ອນ ແຕ່​ຕ້ອງ​ຖືກ​ເລື່ອນ​ມາ​ເປັນ​ມື້ວັນ​ອັງ​ຄານ​ນີ້ ຫຼັງ​ຈາກ​ພົບ​ບັນຫາ​ດ້ານ​ເຕັກ​ນິກ​​ໃນ​ລະຫວ່າງ​ການ​ທົດສອບ​ກ່ອນ​ມີ​ການ​ປ່ອຍ​ຈ​ະຣວດ​

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here