ວີໂກ້ປີ້ນຫງາຍທ້ອງ ທາງເມືອງສັງທອງ

ລາຍງານຈາກກູ້ໄພ ມູນນິທິຈີນ 1628 ໃຫ້ຮູ້ໃນວັນທີ່ 23 ມິຖຸນາ 2020 ເກີດເຫດລົດກະບະວີໂກ້ ເສຍຫຼັກປີ້ນເຂົ້າແຄມປ່າ ຢູ່ເຂດບ້ານ ຫ້ວຍຍາງ ເມືອງສັງທອງ ນະຄອນຫຼວງວຽງຈັນ

ເຊິ່ງພາຍໃນລົດແມ່ນມີຜູ້ໂດຍສານ 5 ຄົນ ລວມທັງໂຊເຟີ.

ພາຍຫຼັງເກີດເຫດປະຊາຊົນ ແລະ ໜ່ວຍກູ້ໄພກໍ່ໄດ້ເຂົ້າໃຫ້ກາຍຊ່ວຍເຫຼືອ ແລະ ຊ່ວຍເອົາຜູ້ປະສົບເຄາະຮ້າຍອອກມາຈາກລົດໄດ້ຢ່າງປອດໄພ ໂຊກດີທີ່ບໍ່ມີຄົນໄດ້ຮັບບາດເຈັບໜັກ ຫຼື ເຖິງຂັ້ນເສຍຊີວິດ ເຊິ່ງມີແຕ່ຜູ້ທີ່ໄດ້ຮັບບາດເຈັບເລັກໜ້ອຍເທົ່ານັ້ນ.

ເຕືອນໄພທຸກທ່ານຂັບລົດໃຫ້ລະມັດລະວັງ.