ໃນວັນທີ 18 ມີຖຸນາ 2020 ຜ່ານມາ ທ່ານ ທອງຈັນ ແພງຈັນທີ ຮອງເລຂາພັກເມືອງ ປະທານກວດກາພັກ-ລັດ ເມືອງພູຄູນ ພ້ອມດ້ວຍຂະແໜງການທີກ່ຽວຂ້ອງ ສົມທົບກັບບໍລິສັດ ເຂືອນໄຟຟ້ານໍ້າງື່ມ 5 ໄດ້ລົງຢ້ຽມຢາມ ແລະ ແຈ້ງເຕືອນປະຊາຊົນບ້ານນໍ້າຕິ່ງ ໃນການຕິດຕາມເຝົ້າລະວັງການເພີ່ມຂື້ນຂອງລະດັບນໍ້າ ເຊິ່ງອາດຈະມີການປອຍນໍ້າຈາກເຂື່ອນໃນຊ່ວງໄລຍະລະດູຝົນນີ້.

ຈຸດປະສົງໃນການລົງຢ້ຽມຢາມປະຊາຊົນໃນຄັ້ງນີ້ ທີມງານໄດ້ແຈ້ງເຕືອນໃຫ້ປະຊາຊົນບ້ານນໍ້າຕິ່ງ ເຊິ່ງເປັນບ້ານທີ່ຕັ້ງຢູ່ລຸ່ມເຂື່ອນນໍ້າງື່ມ 5 ໄດ້ມີສະຕິສູງ ໃນການເປັນເຈົ້າການຕິດຕາມ ແລະ ເຝົ້າລະວັງ ລະດັບນໍ້າທີ່ເພີ້ມຂື້ນຈາກໜ້າເຂື່ອນ ເຊິ່ງອາດຈະມີການປ່ອຍນໍ້າຜ່ານປະຕູລະບາຍນໍ້າ ໃນຊ່ວງໄລຍະລະດູຝົນ.

ທັງນີ້, ກໍ່ເພື່ອເປັນການລີກລ້ຽງໄພພິບັດທີ່ອາດຈະເກີດຂື້ນ ແລະ ທັງເປັນການຮັບປະກັນໃຫ້ຊີວິດ ແລະ ຊັບສິນຂອງປະຊາຊົນມີຄວາມປອດໄພ.

ຂ່າວ: ວັນທຽນ ຄຳທະສິດ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here