ບ້ານຕະກອຍເມືອງນອງ ເປີດນຳໃຊ້ໂຮງຮຽນປະຖົມສົມບູນຫຼັງໃໝ່

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

ໃນວັນທີ 19 ມິຖຸນາ 2020 ນີ້ຢູ່ທີ່ ອາຄານຮຽນຫຼັງໃໝ່ບ້ານຕະກອຍ ເມືອງນອງ ແຂວງສະຫວັນນະເຂດໄດ້ມີຈັດພິທີມອບ – ຮັບໂຮງຮຽນຫຼັງໃໝ່ຂຶ້ນຢ່າງເປັນທາງການ ໂດຍການເປັນກຽດເຂົ້າຮ່ວມຂອງທ່ານ ແຕງອ່ອນ ຈັນທະລະນອງ ກຳມະການພັກເມືອງ ຮອງເຈົ້າເມືອງໆນອງ,ທ່ານ ກາດຳ ເຜີຍຊະນະວົງ ກຳມະການພັກເມືອງ ຫົວໜ້າໜ້າຫ້ອງການ ສຶກສາທິການ ແລະ ກິລາເມືອງ, ທ່ານ ໝອນຄຳ ຫານຊະນະຕ່າງໜ້າຜູ້ໃຫ້ທຶນ, ມີບັນທ່ານແຂກທີ່ຖືກເຊີນຕະຫຼອດຮອດອຳນາດການປົກຄອງ, ພໍ່ແມ່ປະຊາຊົນບ້ານຕະກອຍເຂົ້າຮ່ວມຢ່າງພ້ອມພຽງ.

ໂຮງຮຽນປະຖົມສົມບູນບ້ານຕາກອຍ ໄດ້ເລີ່ມລົງມືກໍ່ສ້າງແຕ່ຕົ້ນເດືອນ ມັງກອນ 2020 ມາຮອດ ທ້າຍເດືອນມິຖຸນາ 2020ຈຶ່ງໄດ້ສຳເລັດລົງ 100% ເຊິ່ງຂະໜາດຂອງອາຄານຮຽນ ແມ່ນ 8×25 ແມັດ,ຫ້ອງຮຽນຂະໜາດ 4,80 x3,30 ແມັດ, ກໍ່ດ້ວຍດິນຈີ່,ພື້ນເປຕົງ, ມຸງດ້ວຍກະເບື້ອງ, ເພດານເຮັດດ້ວຍແຜ່ນຍິບຊຳ, ຕັ່ງນັ່ງລະບຽງດ້ານນອກເປັນເຫຼັກ, ມີ 3 ຫ້ອງຮຽນ, 1ຫ້ອງການ, ມີໂຕະຄູ 8ຊຸດ,ຕູ້ໃສ່ເອກກະສານ 8ໜ່ວຍ, ກະດານດຳ3ແຜ່ນ,ໂຕະ,ຕັ່ງນັກຮຽນ 45 ຊຸດ, ພາຍໃນໂຮງຮຽນມີດອກໄຟທັງໝົດ 14 ດອກ, ພັດລົມ14 ໜ່ວຍ, ນ້ຳບາດານ 1ບໍ່,ແທັ້ງໂປມນ້ຳ (1000ລິດ) 1ແທັ້ງ, ອ່າງລ້າງມື 4ອ່າງໃຊ້ລະບົບປ່ອຍນ້ຳຈາກແທັ້ງ,ມີເສົາທຸງ, ຫ້ອງນ້ຳຍິງ-ຊາຍ ແລະ ປ້າຍຊື່ຂອງໂຮງຮຽນອາຄານຮຽນຫຼັງໃໝ່

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ບ້ານຕະກອຍແຫ່ງນີ້ແມ່ນໄດ້ທຶນກໍ່ສ້າງຈາກຄອບຄົວຂອງທ່ານ ຕຸລາໄຊ ວໍລະຈິດ ແລະ ຄອບຄົວ ທ່ານ ໝອນຄຳ ຫານຊະນະ ໂດຍແມ່ນບໍລິສັດ ພູມສະຫວັນ ເປັນຜູ້ຮັບເໝົາກໍ່ສ້າງ, ລວມມູນຄ່າໃນການກໍ່ສ້າງທັງໝົດ 707.000.000 ກີບ ໃນພິທີ ກ່າວມອບໂດຍ ທ່ານ ໝອນຄຳ ຫານຊະນະ ແລະ ກ່າວຮັບໂດຍ ທ່ານ ແຕງອ່ອນ ຈັນທະລະນອງໂດຍຊ້ອງໝ້າຂະແໝງການການທີ່ກ່ຽວຂ້ອງ ແລະ ອຳນາດການປົກຄອງເຂົ້າຮ່ວມເປັນສັກຂີພະຍານນຳ.