ຄູຝຶກຂັ້ນແຂວງຫຼວງພະບາງ ສ້າງຄວາມເຂັ້ມແຂງວຽກງານນຳໃຊ້ຫຼັກສູດໃໝ່ຊັ້ນປະຖົມສຶກສາປີທີ 2

ເພື່ອສ້າງຄວາມເຂັ້ມແຂງໃຫ້ແກ່ຄູຝຶກປະຈຳແຂວງຫຼວງພະບາງກ່ຽວກັບການນຳໃຊ້ຫຼັກສູດໃໝ່ຊັ້ນປະຖົມສຶກສາປີທີ 2 ເມື່ອວັນທີ 22 ມິຖຸນາ 2020 ຜ່ານມາທີ່ວິທະຍາໄລຄູຫຼວງພະບາງແຂວງຫຼວງພະບາງ ໄດ້ຈັດກອງປະຊຸມຝຶກອົບຮົມວຽກງານການນຳໃຊ້ຫຼັກສູດໃໝ່ຊັ້ນປະຖົມສຶກສາປີທີ 2 ໂດຍການເປັນປະທານຮ່ວມຂອງທ່ານ ນາງ ບົວທອງ ຕັນແສນສີຮອງຫົວຣ້າພະແນກສຶກສາທິການ ແລະ ກິລາແຂວງຫຼວງພະບາງ, ທ່ານ ສອນເພັດ ສີສະອາດ ຮອງຜູ້ອຳນວຍການວິທະຍາໄລຄູຫຼວງພະບາງ, ເຂົ້າຮ່ວມມີ່ຄູຝຶກຫຼັກແຫຼ່ງຈາກກະຊວງສຶກສາທິການ ແລະ ກິລາ, ສະຖາບັນຄົ້ນຄວ້າວິທະຍາສາດ, ວິທະຍາໄລຄູຫຼວງນໍ້າທາ, ພ້ອມດ້ວຍວິທະຍາກອນ, ສຳມະນາກອນຈາກ 11 ເມືອງ ແລະ 1 ນະຄອນຫຼວງພະບາງ ເຂົ້າຮ່ວມ.

Image may contain: one or more people, people sitting, table and indoor

ໃນກອງປະຊຸມ, ຜູ້ເຂົ້າຮ່ວມຈະໄດ້ຮຽນຮູ້ກ່ຽວກັບການນຳໃຊ້ຫຼັກສູດໃໝ່ຊັ້ນປະຖົມສຶກສາປີທີ 2 ເຊີ່ງປະກອບມີ ວິຊາ ພາສາລາວ, ວິທະຍາສາດ ແລະ ສິ່ງແວດລ້ອມ, ຫັດຖະກຳ-ສິລະປະກຳ, ສິລະປະດົນຕີ, ພາລະສຶກສາ ແລະ ຄຸນສົມບັດສຶກສາ ໃນນີ້ ແມ່ນຈະໄດ້ເນັ້ນໃສ່ການປະຕິບັດກິດຈະກຳປະຕິບັດຕົວຈິງໂດຍການປະເມີນກ່ອນການອົບຮົມ, ກິດຈະກຳທີ່ສະທ້ອນຄືນການຝຶກອົບຮົມຄູສອນຜ່ານມາ, ການວາງແຜນສຳສັບການສອນທົດລອງ, ເຕັກນິກການສອນ, ການສອນໂດຍການໃຊ້ປື້ມນິທານ ແລະ ປື້ມອ່ານເສີມ, ການສອນຫ້ອງຄວບ, ວິທີການສຳລັບຄູເພື່ອພັດທະນາຕົນເອງ, ວິທີການສະແກນຄິວອາໂຄດກ່ຽວກັບວິທີການສອນວິຊາຕ່າງໆ, ການແນະນຳເອກະສານການຮຽນຮ່ວມ ແລະ ການແນະນຳເອກະສານການປ້ອງກັນພະຍາດໂຄວິດ-19.

Image may contain: 2 people, people sitting, table and indoor
Image may contain: one or more people, people sitting, table and indoor

ໂອກາດດັ່ງກ່າວ, ທ່ານ ນາງ ບົວທອງ ຕັນແສນສີ ໄດ້ໃຫ້ກຽດມີຄຳເຫັນໂອ້ລົມ ເຊີ່ງທ່ານໄດ້ເນັ້ນໜັກຫຼາຍບັນຫາ ເປັນຕົ້ນການສິດສອນຂອງຄູຜູ້ປະຈຳການ, ການແຕ່ງບົດສອນ, ສື່ການຮຽນ-ການສອນ, ການປະຕິບັດກິດຈະກຳຕ່າງໆ ພ້ອມກັນນັ້ນ ທ່ານຍັງຮຽກຮ້ອງມາຍັງທຸກພາກສ່ວນຈົ່ງໄດ້ພ້ອມກັນເພີ່ມທະວີຄວາມຮັບຜິດຊອບເປັນເຈົ້າການໃນການແລກປ່ຽນປະກອບຄຳຄິດຄຳເຫັນ, ປັບປຸງແກ້ໄຂບັນຫາທີ່ຍັງຄົງຄ້າງ ແລະ ປະກົດການຫຍໍ້ທໍ້ທີ່ຍັງເປັນສິ່ງທ້າທ້າຍຕໍ່ກັບເນື້ອໃນຫຼັກສູດໃໝ່ໂດຍສະເພາະຫຼັກສູດໃໝ່ຊັ້ນປະຖົມສຶກສາປີທີ2 ໃຫ້ມີຄຸນນະພາບດີຂື້ນເລື້ອຍໆ.

Image may contain: 2 people, people sitting, child and indoor
Image may contain: 1 person, sitting, table and indoor


ໂດຍແຈັກກີ້ ສກຂ ຫຼວງພະບາງ.

LEAVE A REPLY

Please enter your comment!
Please enter your name here

Stay in Touch

To follow the best weight loss journeys, success stories and inspirational interviews with the industry's top coaches and specialists. Start changing your life today!

Related Articles