ສຳນັກຂ່າວ ຊີເອັນເອັນ ລາຍງານວ່າ ກະຊວງສາທາລະນະສຸກຂອງປະເທດອິນເດຍເປີດເຜີຍໃນມື້ວັນທີ 21 ມິຖຸນາ 2020 ວ່າພົບຜູ້ຕິດເຊື້ອໄວຣັສໂຄວິດ-19 ລາຍໃໝ່ 15,413 ລາຍ ໃນ 24 ຊົ່ວໂມງນັບຕັ້ງແຕ່ມື້ວັນເສົາ ເຮັດໃຫ້ຍອດສະສົມຂອງຜູ້ຕິດເຊື້ອເພີ່ມຂຶ້ນເປັນ 410,461 ລາຍແລ້ວ
ລາຍງານດັ່ງກ່າວໝາຍຄວາມວ່າ ອິນເດຍທຳລາຍສະຖິຕິສູງສຸດຂອງຍອດຜູ້ຕິດເຊື້ອລາຍວັນເປັນມື້ທີ 2 ຕິດຕໍ່ກັນ ຂະນະທີ່ມີຜູ້ເສຍຊີວິດເພີ່ມອີກ 306 ສົບໃນຊ່ວງເວລາດຽວກັນ ລວມມີຜູ້ເຄາະຮ້າຍທັງໝົດ 13,254 ສົບແລ້ວ
ທັງນີ້ ປະຈຸບັນອິນເດຍເປັນປະເທດທີ່ມີຍອດຜູ້ຕິດເຊື້ອໄວຣັສໂຄໂຣນາສູງທີ່ສຸດເປັນອັນດັບ 4 ຂອງໂລກ ຮອງຈາກສະຫະລັດອາເມລິກາ, ບຣາຊິນ ແລະ ຣັດເຊຍ ໂດຍໄດ້ມີການກວດພະຍາດປະຊາຊົນໄປແລ້ວ 6,807,226 ເທື່ອ ຫຼື ປະມານ 0.5% ຂອງປະຊາກອນທົ່ວປະເທດ
---------------
ຢ່າລືມກົດຕິດຕາມເພຈ All in LAOS
------------------------------
