ທ່ານ ສົມຊາຍ ສີສະຫວັດ ຮອງຫົວໜ້າພະແນກສຶກສາທິການ-ກິລາແຂວງບໍ່ແກ້ວ ໄດ້ໃຫ້ສຳພາດວ່າ: ໂດຍອີງຕາມແຈ້ງການ ຂອງກະຊວງສຶກສາທິການ-ກິລາ ມາຮອດປະຈຸບັນແຂວງບໍ່ແກ້ວແມ່ນໄດ້ເປີດໂຮງຮຽນທຸກຊັ້ນຮຽນເປັນປົກກະຕິແລ້ວ ເພື່ອໃຫ້ນັກຮງນ-ນັກສຶກສາຈົບຕາມຫຼັກສູດຂອງກະຊວງສຶກສາທິການ-ກິລາ ແຕ່ເພື່ອຮັບປະກັນການປ້ອງກັນພະຍາດCOVID-19
ດັ່ງນັ້ນຈຶ່ງໄດ້ອອກແຈ້ງການແບ່ງຄວາມຮັບຜິດຊອບລົງຕິດຕາມຊຸກຍູ້ຢ່າງໃກ້ຊິດໂດຍສະເພາະໄດ້ແນະນຳ ຜູ້ບໍລິຫານຄູ-ອາຈານ ແລະ ນ້ອງນັກຮຽນເປັນຕົ້ນແມ່ນການຈັດຫ້ອງຮຽນ ແບ່ງຂັ້ນ-ຊັ້ນຮຽນແບ່ງຫ້ອງຮຽນ. ການຈັດບ່ອນນັ່ງ ໂຕະ-ຕັ່ງແຕ່ລະຄົນຫ່າງກັນ 1ແມັດຂື້ນໄປ ແລະ ຄູອາຈານນ້ອງນັກຮຽນແຕ່ລະຄົນຕ້ອງໄດ້ໃສ່ຜ້າປິດປາກ-ດັງເວລາພັກຜ່ອນຕ້ອງລ້າງມືດ້ວຍນຳ້ສະອາດໃສ່ສະບູ ຫຼື ເຈວລ້າງມືທຸກຄັ້ງພ້ອມດຽວກັນນັ້ນໄດ້ແນະນຳຄູບໍ່ໃຫ້ນັກຮຽນຈັດກຸ່ມກ້ອນຮ່ວມກັນເວລາພັກຜ່ອນ ຫຼື ຫຼີ້ນກິດຈະກຳຕ່າງໆຖ້າຈັດແມ່ນໃຫ້ເວັ້ນໄລຍະຫ່າງ 1ແມັດຂຶ້ນໄປ. ການລົງເຄື່ອນໄຫວເກັບກຳຂ່າວຄັ້ງນີ້ແມ່ນການຮ່ວມມືຂອງສູນສື່ສານເພື່ອສຸຂະພາບ-ສຸຂະສຶກສາ ກະຊວງສາທາລະນະສຸກ ແລະ ອົງການອຸຍນີເຊັບ.
