ໂອກາດຖະແຫລງຂ່າວຕໍ່ສື່ມວນຊົນ ທີ່ສູນຄວບຄຸມໂຄວິດ19 ກະຊວງສາທາລະນະສຸກ ຕອນເຊົ້າວັນທີ 10 ມິຖຸນາ 2020 ທີ່ກະຊວງສາທາລະນະສຸກ ນະຄອນຫຼວງວຽງຈັນ, ດຣ. ລັດສະໝີ ວົງຄຳຊາວ, ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງສາ ທາລະນະສຸກ ຄະນະສະເພາະກິດໃຫ້ຮູ້ວ່າ: ມື້ຜ່ານມາ ມີຜູ້ເດີນທາງເຂົ້າມາ ສປປ ລາວ ທັງໝົດ 1,859 ຄົນ ໃນນັ້ນຜ່ານດ່ານລາວ-ໄທ 1,240  ຄົນ , ຜ່ານດ່ານລາວ -ຈີນ 53 ຄົນ, ຜ່ານດ່ານລາວ – ຫວຽດນາມ 566 ຄົນ, ຜ່ານສະໜາມບິນສາກົນວັດໄຕບໍ່ມີ. ຜູ້ເຂົ້າມາແຕ່ລະຄົນໄດ້ແທກອຸນຫະພູມຮ່າງກາຍ , ກວດຫາອາການຜິດປົກກະຕິ, ແລະ ເກັບຕົວຢ່າງ ມາກວດ ແລ້ວນຳສົ່ງໄປຫາສະຖານທີ່ ຈຳກັດບໍລິ ເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.


ວັນທີ 9 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 294  ຄົນ, ໃນນັ້ນ ແຮງງານລາວກັບມາແຕ່ໄທ 284 ຄົນ, ກໍລະນີສົງໄສ 10 ຄົນ, ຜົນກວດວິເຄາະທັງໝົດ ມື້ວານນີ້ ບໍ່ພົບເຊື້ອ. ໝາຍຄວາມວ່າໃນວັນທີ 9 ມິຖຸນາ 2020 ບໍ່ມີຜູ້ຕິດເຊື້ອໃໝ່.

ດຣ. ລັດສະໝີ ວົງຄຳຊາວ ຕີລາຄາວ່າ: ສະພາບການລະບາດຢູ່ປະເທດເຮົາ ແລະ ປະເທດທີ່ມີຊາຍແດນຕິດຈອດກັບສປປ ລາວ ແມ່ນຜ່ອນຄາຍລົງຫຼາຍແລ້ວ. ສະເພາະຢູ່ ສປປ ລາວ 59 ມື້ແລ້ວ ບໍ່ມີຜູ້ຕິດ ເຊື້ອໃໝ່, ຜູ້ຕິດເຊື້ອສະສົມ 19 ຄົນ ແລະ ປິ່ນປົວດີ ທັງໝົດ 19 ຄົນແລ້ວ.

ສຳລັບການເຂົ້າ-ອອກ ສປປ ລາວ ໄລຍະຜ່ອນຜັນນີ້ ແມ່ນໃຫ້ປະຕິບັດຕາມຄຳແນະນຳ ສະບັບເລກທີ 1444/ຕປທ.ສພກ, ລົງວັນທີ 1 ມິຖຸນາ 2020. ແລະຮຽກຮ້ອງໃຫ້ປະຊາຊົນບັນດາເຜົ່າ, ທຸກພາກສ່ວນໃນສັງຄົມຈົ່ງສືບຕໍ່ປະຕິບັດແຈ້ງການ ແລະ ຄຳແນະນຳຂອງຂະແໜງການຕ່າງໆ ດ້ວຍຄວາມຮັບຜິດຊອບສູງຈົນກວ່າຈະມີການປ່ຽນແປງໃໝ່, ສ່ວນການຖ່າຍທອດສຽງ ຂອງຖະແຫລງຂ່າວ ແມ່ນໄດ້ຢຸດຕິມາແຕ່ວັນທີ 3 ມິຖຸນາ ຂໍໃຫ້ບັນດາທ່ານຕິດຕາມຂ່າວ ຈາກພາກປົກກະຕິຂອງໂທລະພາບແຫ່ງຊາດ, ວິທະຍຸກະຈາຍສຽງແຫ່ງຊາດ, ໜັງສືພິມ ແລະ ສື່່ຕ່າງໆ. ລາຍລະອຽດຂອງຄຳແນະນຳ, ຂໍ້ມູນທີ່ເປັນທາງການ, ທ່ານຍັງສາມາດຕິດຕາມໄດ້ຈາກເວັບໄຊ້ www.covid19.gov.la ແລະ ເຟດບຸກຂອງສູນສື່ສານເພື່ອສຸຂະພາບ ແລະ ສຸຂະສຶກສາ.

ໂອກາດຖະແຫລງຂ່າວຕໍ່ສື່ມວນຊົນ ທີ່ສູນຄວບຄຸມໂຄວິດ19 ກະຊວງສາທາລະນະສຸກ ຕອນເຊົ້າວັນທີ 10 ມິຖຸນາ 2020 ທີ່ກະຊວງສາທາລະນະສຸກ ນະຄອນຫຼວງວຽງຈັນ, ດຣ. ລັດສະໝີ ວົງຄຳຊາວ, ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງສາ ທາລະນະສຸກ ຄະນະສະເພາະກິດໃຫ້ຮູ້ວ່າ: ມື້ຜ່ານມາ ມີຜູ້ເດີນທາງເຂົ້າມາ ສປປ ລາວ ທັງໝົດ 1,859 ຄົນ ໃນນັ້ນຜ່ານດ່ານລາວ-ໄທ 1,240  ຄົນ , ຜ່ານດ່ານລາວ -ຈີນ 53 ຄົນ, ຜ່ານດ່ານລາວ – ຫວຽດນາມ 566 ຄົນ, ຜ່ານສະໜາມບິນສາກົນວັດໄຕບໍ່ມີ. ຜູ້ເຂົ້າມາແຕ່ລະຄົນໄດ້ແທກອຸນຫະພູມຮ່າງກາຍ , ກວດຫາອາການຜິດປົກກະຕິ, ແລະ ເກັບຕົວຢ່າງ ມາກວດ ແລ້ວນຳສົ່ງໄປຫາສະຖານທີ່ ຈຳກັດບໍລິ ເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

LEAVE A REPLY

Please enter your comment!
Please enter your name here