ໃນວັນທີ 2 ມີຖຸນາ 2020 ທີ່ຜ່ານມານີ້ ບັນດາກອງບັນຊາການ ປກສ ເມືອງທີ່ຂຶ້ນກັບກອງບັນຊາການ ປກສ ແຂວງໄຊສົມບູນໄດ້ມອບອາວຸດລ່າເນື້ອ, ທາດແຕກ, ທາດລະເບີດ ແລະ ໝໍ້ຊ໋ອດປາ ໃຫ້ຫ້ອງພະລາທິການ ປກສ ແຂວງ ເຂົ້າຮ່ວມມີບັນດາຜູ້ຕ່າງໜ້າ ຫ້ອງວິຊາສະເພາະ, ກອງບັນຊາການ ປກສ ເມືອງ ແລະ ພະນັກງານວິຊາການທີ່ກ່ຽວຂ້ອງ ເຂົ້້າຮ່ວມ.

Image may contain: shoes and outdoor

ອີງຕາມແຈ້ງການ ຂອງຮັກສາການຫົວໜ້າກອງບັນຊາການ ປກສ ແຂວງໄຊສົມບູນ ສະບັບເລກທີ 955/ປກສ ລົງວັນທີ 20 ພຶດສະພາ 2020 ວ່າດ້ວຍການສົ່ງມອບອາວຸດລ່າເນື້ອທີ່ເກັບກູ້ມາໄດ້; ອີງຕາມການເຄື່ອນໄຫວວຽກງານຕົວຈິງ ໃນການເກັບກູ້ອາວຸດລ່າເນື້ອປະເພດຕ່າງໆ ຂອງຫ້ອງວິຊາສະເພາະ ແລະ ກອງບັນຊາການ ປກສ ເມືອງ. ທັງນີ້ ກໍເພື່ອເປັນການຈັດຕັ້ງຜັນຂະຫຍາຍທິດທາງແຜນການ ຂອງຂັ້ນເທິງທີ່ໄດ້ວາງອອກໃຫ້ປະກົດຜົນເປັນຈິງ ເທື່ອລະກ້າວ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ
Image may contain: 7 people, people standing and shoes

ດັ່ງນັ້ນ, ຫ້ອງວິຊາສະເພາະ, ພະແນກສຳມະໂນຄົວ ແລະ ກໍ່ສ້າງຮາກຖານຂອງແຕ່ລະ ປກສ ເມືອງ ຈຶ່ງເກັບກຳ, ສັງລວມສະຖິຕິອາວຸດລ່າເນື້ອປະເພດຕ່າງໆ ເພື່ອນຳສົ່ງໃຫ້ຫ້ອງພະລາທິການ ປກສ ແຂວງ ຄຸ້ມຄອງ, ເກັບຮັກສາລໍຖ້າການທຳລາຍ ເຊິ່ງອາວຸດທີ່ເກັບກູ້ມາໄດ້ນັ້ນ ປະກອບມີ: ປືນແກັບ 180 ກະບອກ, ປືນດັດແປງຍິງລູກແວ່ງ 1 ກະບອກ, ປືນລູກຊອງ 2 ກະບອກ, ປືນດັດແປງປະເພດປືນສັ້ນ 3 ກະບອກ, ປືນຍິງຕະປູຄອນກີດ 2 ກະບອກ ພ້ອມດ້ວຍລູກກະສູນ 9 ລູກ, ປືນກະບິ່ນ 1 ເຄື່ອງ ພ້ອມດ້ວຍລູກກະສູນ 76 ລູກ, ໝໍ້ຊ໋ອດປາ 5 ເຄື່ອງ, ໝາກແຕກ 1 ເຄື່ອງ ແລະ ໝໍ້ໄຟ 1 ໜ່ວຍ. ຊຶ່ງອາວຸດດັ່ງກ່າວນີ້ ແມ່ນໄດ້ຄຸ້ມຄອງ ແລະ ເກັບຮັກສາໄວ້ຢູ່ໃນສ້າງອາວຸດ ຂອງກອງບັນຊາການ ປກສ ແຂວງເພື່ອລໍຖ້າການທຳລາຍ.

LEAVE A REPLY

Please enter your comment!
Please enter your name here