ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ແຄມນ້ຳບໍ່ວ່າແຕ່ຢູ່ໃສລ້ວນເປັນທີ່ຊຸ່ມເຢັນ ໃຫ້ຜູ້ຄົນຢາກໄປພັກຜ່ອນເຕົ້າໂຮມ ແລະເມື່ອມີຕະຝັ່ງກັນເຈື່ອນແລ້ວ ຄວາມປອດໄພກໍ່ສູງຂຶ້ນ ຄວາມສວຍງາມກໍ່ຕ້ອງມາຄວບຄູ່ຄວາມຈະເລີນທາງເສດຖະກິດກໍ່ຄືຮ້ານຄ້າສຳລັບຂາຍເຄື່ອງຂອງຕ່າງໆ ຄືກັນກັບນະຄອນໄກສອນພົມວີຫານທີ່ກຳລັງຈະມີໂສມໜ້າໃໝ່ ຫຼັງການກໍ່ສ້າງຕະຝັ່ງກັນເຈື່ອນສຳເລັດ.


ສຳລັບການສ້າງຕະຝັ່ງກັນເຈື່ອນ ໃນນະຄອນໄກສອນ ພົມວິຫານ, ແຂວງ ສະ ຫວັນນະເຂດ ກຳລັງມີຄວາມຄືບຫນ້າຢ່າງຕໍ່ເນື່ອງ, ຄາດວ່າຈະສໍາເລັດ 100% ໃນຕົ້ນປີ 2021. ໂຄງການດັ່ງກ່າວ ແມ່ນ 1 ໃນ 7 ກິດຈະກໍາທີ່ນອນຢູ່ ໃນໂຄງການພັດທະນາຕົວເມືອງຕາມແລວທາງເສດຖະ ກິດຕາເວັນອອກ-ຕາເວັນຕົກອະນຸພາກພື້ນແມ່ນໍ້າຂອງ ຫລື GMS ຂອງແຂວງ ສະຫວັນນະເຂດ, ເລີ່ມລົງມືກໍ່ສ້າງນັບແຕ່ທ້າຍປີ 2019 ເປັນຕົ້ນມາ, ມູນຄ່າທັງຫມົດ 4,5 ລ້ານກ່ວາໂດລາສະຫະລັດ ໂດຍແມ່ນທະນາຄານພັດທະ ນາອາຊີ ຫລື ADB ສະຫນອງທຶນໃຫ້ ແລະ ຮັບເຫມົາກໍ່ສ້າງໂດຍ ບໍລິສັດ ລາວມີໄຊ ກໍ່ສ້າງ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ທ່ານ ຄໍາຟອງ ວໍລະບຸດ ຮອງຜູ້ອໍານວຍການບໍລິສັດ ລາວມີໄຊກໍ່ສ້າງ ໃຫ້ຮູ້ວ່າ: ໂຄງການນີ້ ປະກອບມີ 2 ຫນ້າວຽກໃຫຍ່ຄືວຽກກໍ່ສ້າງກັນເຈື່ອນແຄມຂອງໃນຄວາມຍາວທັງໜົດ 980 ແມັດ ເລີ່ມຈາກທ່າບັກເກົ່າລຽບລົງໄປ ຕາມລໍາແມ່ຂອງໂດຍຈະໄດ້ມີການຖົມດິນຊາຍອອກຈາກຂອບທາງອອກໄປ 50 ແມ້ດ ແລະ ລຽງຫີນລຽບຕາມແຄມຂອງ, ມີບໍລິມາດຊາຍຖົມທັງໜົດ 246.717 ແມັດກ້ອນ ພ້ອມວຽກຕົບແຕ່ງຄວາມງາມໜ້າເດີ່ນດ້ວຍເບຕົງລວດ ລາຍ, ສວນດອກໄມ້, ບ່ອນຫັດກາຍ, ຈຸດນັ່ງຊົມວິນ-ນັ່ງເບິ່ງເຮືອຊ່ວງ ແລະ ຮ້ານຄ້າຂາຍເຄື່ອງ ເຊິ່ງໜ້າວຽກນີ້ສໍາເລັດແລ້ວຫລາຍກ່ວາ 70%.

ສ່ວນໜ້າວຽກທີ 2 ແມ່ນການກໍ່ສ້າງເສັ້ນທາງເບຕົງເສີມເຫຼັກຄວາມຍາວ 980 ແມັດຕາມຄວາມຍາວກັນເຈື່ອນ, ມີໜ້າທາງກວ້າງ 7 ແມັດ, ທາງ ຍ່າງສອງຂ້າງທາງ ແລະ ບ່ອນຈອດລົດສະເພາະ. ປັດຈຸບັນ ຫນ້າວຽກນີ້ ສໍາເລັດແລ້ວຫລາຍກວ່າ 95%. ປະຈຸບັນຍັງພຽງແຕ່ຈຸດນັ່ງຊົມວິວ-ນັ່ງເບິ່ງເຮືອຊ່ວງ, ຮ້ານຄ້າ, ກໍ່ສ້າງຫ້ອງນໍ້າ, ການຕົບແຕ່ງປະດັບດາ, ປູກຫຍ້າ ແລະ ລະບົບໄຟຟ້າຕ່າງໆ ຄາດວ່າທຸກຫນ້າວຽກ ຈະສໍາເລັດ 100% ໃນຕົ້ນປີ 2021 ຕາມແຜນທີ່ວາງໄວ້.

ໂຄງການນີ້ຫຼັງສ້າງສໍາເລັດຈະຊ່ວຍໃຫ້ເຂດແຄມຂອງໃນນະຄອນໄກສອນ ພົມວິຫານ ມີໂສມຫນ້າໃຫມ່ ແລະ ຈະກາຍເປັນບ່ອນທ່ອງທ່ຽວ, ພັກຜ່ອນ ແລະ ອອກກໍາລັງກາຍແຫ່ງໃຫມ່ຂອງແຂວງ ສະຫວັນນະເຂດ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here