ພິທີປູກຕົ້ນໄມ້ແຫ່ງຊາດ ປະຈຳປີ 2020 ຢູ່ແຂວງບໍລິຄຳໄຊ ໄດ້ຈັດຂື້ນທີ່ບ້ານຈັດສັນຫ້ວຍຫອຍ ບ້ານຈັດສັນເຂື່ອນໄຟຟ້ານ້ຳເທີນ 1 ໃນຕອນເຊົ້າ ວັນທີ 1 ມິຖຸນາ 2020 ນີ້ ໂດຍເປັນກຽດເຂົ້າຮ່ວມຂອງທ່ານ ປອ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ, ທ່ານ ປອ ສຸວັນນີ ໄຊຊະນະ ປະທານສະພາປະຊາຊົນແຂວງ ພ້ອມການນຳຂັ້ນສູງຂອງແຂວງ, ພະແນກການຂອງແຂວງ, ບັນດາເມືອງທົ່ວແຂວງ ແລະ ອຳຍາດການປົກຄອງບ້ານ ພ້ອມພໍ່ແມ່ປະຊາຊົນເຂົ້າຮ່ວມ.
ທ່ານ ພັດທະຈອນ ແກ້ວພຸດທະວົງ ຮັກສາການຫົວໜ້າພະແນກກະສິກຳ ແລະ ປ່າໄມ້ແຂວງ ໄດ້ລາຍງານວ່າ ທົ່ວແຂວງມີແຜນປູກໄມ້ ຈຳນວນ 4,972 ເຮັດຕ່າ, ຈຳນວນ 1,738,970 ເບ້ຍ ໃນນັ້ນພາກລັດປູກຈຳນວນ 10,280 ເບ້ຍ ນອກນັ້ນແມ່ນພາກເອກະຊົນ ແລະບໍລິສັດປູກ,
ສະເພາະເມືອງວຽງທອງ ເຊີ່ງເປັນສະຖານທີ່ປູກໄມ້ຂອງແຂວງ ຢູ່ບ້ານຈັດສັນຫ້ວຍຫອຍ ເປັນບ້ານໂຄງການຍົກຍ້າຍຈັດສັນຂອງເຂື່ອນໄຟຟ້ານ້ຳເທີນ1 ແມ່ນປູກຕົ້ນໄມ້ປະດັບ 3,000 ເບ້ຍ ໃນຂອບເຂດບ້ານ ຈຳນວນ 3 ເຮັດຕ່າ ເພື່ອປູກເປັນໄມ້ປະດັບບ້ານ ສ້າງເປັນບ້ານສີຂຽວ.
.
