ວັນທີ 30 ພຶດສະພາ 2020 ເວລາ 20:10 ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວ ໄດ້ຮັບແຈ້ງວ່າມີເຫດສຸກເສີນ ໄຟໄໝ້ເຮືອນປະຊາຊົນ ຢູ່ເຂດບ້ານສີໃຄທ່າ ເມືອງສີໂຄດຕະບອງ ນະຄອນຫລວງວຽງຈັນ.
ເມື່ອໄດ້ຮັບຮູ້ຂໍ້ມູນຈາກຜູ້ແຈ້ງເຫດ ຈື່ງໄດ້ແຈ້ງໃຫ້ທີມປະຕິບັດການພິເສດ ທີ່ໄດ້ຮ່ຳຮຽນແລະເຝິກອົບຮົມທາງດ້ານເຫດອັກຄີໄພ ອອກປະຕິບັດໜ້າທີ່ຢ່າງສຸດຄວາມສາມາດ.
ເມື່ອທີມງານໄປຮອດຈຸດເກີດເຫດກໍພົບວ່າໄຟກຳລັງລຸກໄໝ້ເຮືອນປະຊົນຢ່າງຮຸນແຮງແລະລຸກລາມເຂົ້າສູ່ເຮືອນຫລັງທີ່ 2
ດັ່ງນັ້ນທີມງານຈຶ່ງໄດ້ເຂົ້າສົມທົບກັບເຈົ້າໜ້າທີ່ດັບເພີງນະຄອນຫລວງ ແລະ ໜ່ວຍກູ້ໄພອື່ນໆ ເພື່ອຕອບໂຕ້ເຫດອັກຄີໄພໃນຄັ້ງໃຫ້ດີທີ່ສຸດ.
ເຊິ່ງໄດ້ໃຊ້ເວລາປະມານ 2 ຊົ່ວໂມງຈຶ່ງສາມາດຄວມຄຸມເຫດອັກຄີໄພໃນຄັ້ງນີ້ໄດ້
ຄວາມເສຍຫາຍ
ເຮືອນປະຊາຊົນ 2 ຫຼັງ (ບໍ່ສາມາດນຳສິ່ງຂອງມີຄ່າອອກມາໄດ້) (ບໍ່ມີຜູ້ໄດ້ຮັບບາດເຈັບ). ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກ ແຫ່ງ ສປປ ລາວ ຂໍສະແດງຄວາມເສຍໃຈກັບຄອບຄົວຜູ້ເສຍຫາຍໃນຄັ້ງນີ້
ສາເຫດຂອງໄຟໄໝ້ຄັ້ງນີ້ເຈົ້າໜ້າທີ່ຈະກວດສອບໃຫ້ລະອຽດຕໍ່ໄປ.
.
ຄລິບຕອນເກີດເຫດ
