ຄະນະບໍລິຫານງານຊາວໜຸ່ມ ນະຄອນຫຼວງວຽງຈັນ ສົມທົບກັບສູນເລືອດແຫ່ງຊາດ ອົງການກາແດງລາວ ໄດ້ເຊີນຊວນຊາວໜຸ່ມທົ່ວນະຄອນຫຼວງວຽງຈັນ ຮ່ວມໃຈກັນບໍລິຈາກເລືອດ ເພື່ອຊ່ວຍກອບກູ້ຊີວິດເພື່ອນມະນຸດດ້ວຍກັນ ຢູ່ໃນໂຮງຮຽນ ມສ ວຽງຈັນ ໃນວັນທີ 29 ພຶດສະພາ 2020 ໂດຍການເປັນປະທານຂອງທ່ານ ນ. ສຸມາລີ ທຳມະວົງ ກຳມະການຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມ ນະຄອນຫຼວງວຽງຈັນ, ທ່ານ ດຣ ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດ ອົງການກາແດງລາວ, ມີບັນດາເລຂາ-ຮອງເລຂາຊາວໜຸ່ມຂະແໜງການອ້ອມ ແລະ ສະມາຊິກຊາວໜຸ່ມ ( ຜູ້ທີ່ບໍລິຈາກເລືອດ ) ຈຳນວນ 200 ກວ່າກີບ ເຂົ້າຮ່ວມ.
ທ່ານ ນ. ສຸມາລີ ທຳມະວົງ ໄດ້ກ່າວວ່າ: ການບໍລິຈາກເລືອດຄັ້ງນີ້ ແມ່ນການຮ່ວມມືລະຫວ່າງ ຊາວໜຸ່ມນະຄອນຫຼວງວຽງຈັນ ສົມທົບກັບສູນເລືອດແຫ່ງຊາດ ອົງການກາແດງລາວ ການບໍລິຈາກເລືອດແມ່ນການຊ່ວຍເຫຼືອຄົນເຈັບກໍຄືສັງຄົມ, ພ້ອມທັງເປັນການສ້າງຂະບວນການຊົມເຊີຍ ວັນສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວ ຄົບຮອບ 65 ປີ ແລະ ເປັນການສ້າງຂະບວນການຕ້ອນຮັບກອງປະຊຸມໃຫຍ່ ຄັ້ງທີ VIII ຜູ້ແທນຊາວໜຸ່ມ ທົ່ວນະຄອນຫຼວງວຽງຈັນ ໃຫ້ເປັນຂະບວນການຟົດຟື້ນໃນຖັນແຖວຊາວໜຸ່ມ-ເຍົາວະຊົນ.
---------------
ຢ່າລືມກົດຕິດຕາມເພຈ All in LAOS
------------------------------
