ຄົນເຈັບທີ່ໄດ້ອອກໂຮງໝໍພາຍຫຼັງປິ່ນປົວຫາຍດີຈາກພະຍາດ ໂຄວິດ-19 ແມ່ນໄດ້ຮັບການປີ່ນປົວຕາມຂັ້ນຕອນຕ່າງໆເຊັ່ນ ການປິ່ນປົວທາງດ້ານສຸຂະພາບຈິດ, ປີ່ນປົວຕາມອາການ ແລະ ປິ່ນປົວທາງດ້ານໂພສະນາການ.
ຜູ້ຊ່ຽວຊານດ້ານການປິ່ນປົວໄດ້ຊີ້ແຈງວ່າ ການປິ່ິນປົວຕາມວິທີຂ້າງເທິງນີ້ແມ່ນລວມທັງການປະຕິບັດຕາມຫັຼກການແພດສະໄໝໃໝ່ ຕາມຄຳແນະນຳຂອງອົງການອະນາໄມໂລກ, ເຊິ່ງແມ່ນ ປັດໄຈສຳຄັນທີ່ເຮັດໃຫ້ແພດ ລາວມີຜົນສຳເລັດໃນການປິ່ນປົວ ແລະ ສາມາດຊ່ວຍຊີວິດຄົນເຈັບໂຄວິດ-19 ໃຫ້ຫາຍດີ.
ຮສ. ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ວ່າ ການປິ່ນປົວທາງດ້ານສຸຂະພາບຈິດ ແມ່ນການໃຫ້ກຳລັງໃຈ ແກ່ຄົນເຈັບ ລວມທັງການແນະນຳໃຫ້ເຂົາເຈົ້າບໍ່ໃຫ້ກັງວົນຫຼາຍຈົນເກີນໄປ. ຄົນເຈັບຕ້ອງປະຕິບັດໂຕເອງ ຕາມແພດຄຳແນະນຳຈາກແພດ ຢ່າງສະໝໍ່າສະເໝີໂດຍສະເພາະແມ່ນແນະນຳໃຫ້ເຂົາເຈົ້າຮັບເອົາຂໍ້ມູນທີ່ເປັນບວກຕໍ່ຕົນເອງໄດ້.
ການປິ່ນປົວຕາມອາການແມ່ນການປິ່ນປົວໂດຍອີງໃສ່ສຸຂະພາບຂອງຄົນເຈັບຫັຼງຈາກຕິດ ເຊື້ອໂຄວິດ-19 ແລ້ວ ເພາະວ່າປະຈຸບັນຍັງບໍ່ທັນມີສູດຢາສະເພາະໃນການປິ່ນປົວພະ ຍາດນີ້ ແລະ ປິ່ນປົວທາງດ້ານໂພສະນາການແມ່ນການກິນອາຫານທີ່ເປັນປະໂຫຍດຕໍ່ຮ່າງກາຍ.
ຮສ. ດຣ. ພູທອນ ເມືອງປາກ ກ່າວຕື່ມວ່າ ນອກຈາກປິ່ນປົວຕາມວິທີການດັ່ງກ່າວນິີ້ແລ້ວ, ໃນ ໄລຍະຜ່ານມາພວກເຮົາຍັງໄດ້ປະສານງານຢ່າງໃກ້ຊິດກັບຄູ່ຮ່ວມງານ ແລະ ປະເທດເພື່ອນມິດ ລວມທັງທີມແພດທີ່ມາຈາກປະເທດຈີນ, ເຊິ່ງມີປະສົບການໃນການປີ່ນປົວຄົນເຈັບ ພະຍາດໂຄວິດ-19 ເພື່ອແບ່ງປັນເອົາບົດຮຽນທີ່ມີຄຸນຄ່າໃນການຮັບມືກັບການລະບາດ ແລະ ການປິ່ນປົວຄົນເຈັບພາຍໃນປະເທດເຮົາ.
ທ່ານ ດຣ ວັງນະຄອນ ດິດຕະພົງ ຮອງຜູ້ອຳນວຍການ ໂຮງໝໍມິດຕະພາບ ກໍ່ໄດ້ກ່າວວ່າ ການປິ່ນປົວຢູ່ໂຮງໝໍມິດຕະ ພາບ ແມ່ນມີຫ້ອງແຍກປ່ຽວ ສະເພາະຄົນເຈັບໂຄວິດ-19 ແຕ່ລະຫ້ອງມີຄົນເຈັບຢູ່ພຽງ 1 ຄົນ. ຕາມຫັຼກການແພດສະໄໝໃໝ່ ພາຍໃຕ້ການແນະນຳຂອງອົງ ການອະນາໄມໂລກ ບັນດາ ແພດໝໍ ແລະ ພະຍາບານໄດ້ ແບ່ງອອກເປັນທີມເພື່ອເບິ່ງແຍງຄົນເຈັບດ້ວຍການໝູນ ວຽນເປັນ ເວລາ 7 ວັນ. ພາຍຫຼັງປະຕິບັດໜ້າທີ່ໄດ້ປະ ມານໜຶ່ງອາທິດ ແຕ່ລະທີມຈະຖືກຈໍາກັດບໍລິ ເວນຕົນເອງ ເພື່ອຕິດຕາມ ອາການເປັນເວລາ 14 ວັນ ເພື່ອກວດເບິ່ງວ່າພວກເຂົາມີການຕິດເຊື້ອຈາກຄົນເຈັບຫຼືບໍ ເພ່ື່ອໃຫ້ໝັ້ນໃຈວ່າທີມແພດເຫຼົ່ານີ້້ຈະບໍ່ຕິດເຊື້້ອ.
ຂ່າວ: ເພັດໂພໄຊ
---------------
ຢ່າລືມກົດຕິດຕາມເພຈ All in LAOS
------------------------------
