ໂຄງການກໍ່ສ້າງໂຮງໝໍ ມະໂຫສົດ ຫລັງໃໝ່ ທີ່ໄດ້ວາງສີລາເລີກ ໂດຍ ທ່ານ ເລຂາທິການໃຫຍ່ ແລະ ປະທານປະເທດ ສະຫາຍ ບຸນຍັງ ວໍລະຈິດ ແລະ ເລຂາທິການໃຫຍ່ ແລະ ປະທານປະເທດແຫ່ງ ສປ ຈີນ ສະຫາຍ ສີ ຈິ້ນຜິງ ໄດ້ເຂົ້າຮ່ວມພິທີວາງສິລາເລີກໂຄງການກໍ່ສ້າງໂຮງໝໍມະໂຫສົດຫລັງໃໝ່ ໃນວັນທີ 14 ພະຈິກ 2017, ໂດຍມີການນຳຂັ້ນສູງພັກ-ລັດຖະບານ ແຫ່ງ ສປປ ລາວ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໂຄງການກໍ່ສ້າງໂຮງໝໍມະໂຫສົດຫລັງໃໝ່ ເປັນໂຮງໝໍຂະໜາດ 600 ຕຽງ, ສູງ 8 ຊັ້ນ, ເນື້ອທີ່ດິນກໍ່ສ້າງ 31 ພັນຕາແມັດ, ພື້ນທີ່ຊົມໃຊ້ 54 ພັນຕາແມັດ, ລວມມູນຄ່າການກໍ່ສ້າງທັງໝົດ 600 ລ້ານກວ່າຢວນ, ຄາດວ່າຈະສ້າງສຳເລັດໃນປີ 2020. ໂຄງການດັ່ງກ່າວ, ເປັນໂຄງການຂະໜາດໃຫຍ່ທີ່ສຸດ, ຈຳນວນຕຽງ ແລະ ມູນຄ່າການກໍ່ສ້າງຫລາຍທີ່ສຸດທີ່ລັດຖະບານຈີນ ໄດ້ໃຫ້ການຊ່ວຍເຫລືອໃນການກໍ່ສ້າງໂຮງໝໍແກ່ຕ່າງປະເທດ.
ມື້ນີ້ພວກເຮົາມາຕິດຕາມຄວາມຄືບໜ້າຂອງການສ້າງຕຶກດັ່ງກ່າວ, ຈາກແຜນຂອງໂຄງການ ຈະມີການສ້າງທັງໝົດ 6 ຕຶກ, ເຊິ່ງຄວາມຄືບໜ້າ ແມ່ນມີ 2 ຕຶກ ທີ່ຂຶ້ນມາເປັນຮູບເປັນຮ່າງ ແລ້ວ, ແຜນການທີ່ຄາດວ່າ ຈະໃຫ້ສໍາເລັດ ທັງໝົດ ໃນປີ 2020 ອາດບໍ່ທັນສາມາດເປັນໄປຕາມແຜນ. ເນື່ອງຈາກຫຼາຍປັດໃຈ.
ຊົມພາບແບບ 360 ອົງສາ
ຊົມພາບແບບ 360 ອົງສາ
ຄລິບຂ້າງລຸ່ມ ແມ່ນຄວາມຄືບໜ້າ ຂອງການກໍ່ສ້າງຕຶດດັ່ງກ່າວ ທີ່ຖ່າຍ ໃນວັນທີ 25 ພຶດສະພາ 2020
ພາບຈາກ: TF Travel
