ເມືອງນາກາຍ ມີ 67 ຫຼັງຄາເຮືອນ ໄດ້ຮັບຜົນເສຍຫາຍຈາກພາຍຸລະດູຮ້ອນ
ທ່ານສົມພົງ ວັນໄພທອງ ເຈົ້າເມືອງໆນາກາຍ, ແຂວງຄຳມ່ວນ ພ້ອມດ້ວຍຄະນະນຳພາຍໃນເມືອງ ແລະ ພາກສ່ວນທີ່ກ່ຽວຂ້ອງໄດ້ລົງຕິດຕາມຜົນເສຍຫາຍຈາກ ພາຍຸລະດູຮ້ອນທີ່ພັດເຂົ້າບ້ານດອນ ເມືອງນາກາຍ ອີງຕາມການລາຍງານຂອງອໍານາດການປົກຄອງບ້ານດອນໄດ້ໃຫ້ຮູ້ວ່າພາຍຸລະດູຮ້ອນດັ່ງກ່າວແມ່ນໄດ້ເລີ່ມພັດເຂົ້າມາໃນ ເວລາປະມານ 16:50 ໂມງ ຂອງວັນທີ 23 ພຶດສະພາ 2020
ເຊິ່ງເຮັດໃຫ້ບ້ານເຮືອນຂອງປະຊາຊົນ, ໂຮງຮຽນ, ເຮືອນພັກຄູ ແລະ ເຄື່ອງປູກຂອງຝັງ ຂອງປະຊາຊົນໄດ້ຮັບຄວາມເສຍຫາຍເປັນຈຳນວນຫຼວງຫຼາຍ ເຊີ່ງໃນນັ້ນມີເຮືອນປະຊາຊົນຈໍານວນ 67 ຫຼັງຄາ, ໂຮງຮຽນ 2 ຫຼັງ, ເຮືອນພັກຄູ 1 ຫຼັງ ເຮັດໃຫ້ປະຊາຊົນພາຍໃນບ້ານມີຄວາມຢ້ານກົວ ແລະ ວິຕົກກັງວົນ.
ຈາກເຫດການດັ່ງກ່າວເຮັດໃຫ້ມີຜູ້ໄດ້ຮັບບາດເຈັບຈຳນວນ 2 ຄົນ ແລະ ໄດ້ນຳສົ່ງໄປໂຮງໝໍແຂວງ ປັດຈຸບັນແມ່ນອາການດີຂຶ້ນແລ້ວ, ສ່ວນມູນຄ່າການເສຍຫາຍຕົວຈິງນັ້ນແມ່ນຍັງຢູ່ໃນການເກັບກໍາຂໍ້ມູນໃນເບື້ອງຕົ້ນ.
ຂ່າວ: ແຂວງຄໍາມ່ວນ
ຄລິບສະພາບຄວາມເສຍຫາຍ ທີ່ບ້ານດອນ ເມືອງນາກາຍ ແຂວງຄໍາມ່ວນ
ກົດຊົມຄລິບ
ຂ່າວກ່ອນໜ້ານີ້
____
ລາຍງານຈາກປະຊາຊົນໃຫ້ຮູ້ວ່າ ພາຍຸລະດູຮ້ອນໄດ້ພັດເຂົ້າບ້ານດອນ ເມືອງນາກາຍ ແຂວງຄຳມ່ວນ ມື້ວານນີ້ 23 ພຶດສະພາ 2020 ເວລາ ປະມານ 16:50ນາທີ
ໄດ້ສ້າງຄວາມເສຍຫາຍ ແກ່ບ້ານເຮືອນ ແລະ ໂຮງຮຽນປະຊາຊົນ ຢ່າງໜັກ. ໃນນີ້ມີຄົນໄດ້ຮັບບາດເຈັບຈໍານວນໜຶ່ງ.
ຫຼາຍຫຼັງຄາເຮືອນ ຫຼັງຄາ ສັງກະສີແມ່ນຖືກພັດປິວກະຈັດກະຈາຍ. ບາງເຮືອນກໍ່ຖືກພັດລົ້ມລົງ.
ປະຈຸບັນປະຊາຊົນ ແລະ ທາງອໍານາດການປົກຄອງ ບ້ານແລະເມືອງ ເລັ່ງຊ່ວຍປະຊາຊົນ ແລະ ປະເມີນຄວາມເສຍຫາຍ.
ພາບຄວາມເສຍຫາຍບາງສ່ວນ
.
.
.
.
.
.
.
.
.
.
.
.
ລາຍງານໂດຍ
---------------
ຢ່າລືມກົດຕິດຕາມເພຈ All in LAOS
------------------------------
