ນັກທຸລະກິດຊາວຫວຽດນາມ ໃນຈຳນວນ 17 ຄົນ ທີ່ຖືກກັກບໍລິເວນຄົບຈຳນວນ 14 ວັນ

ນັກທຸລະກິດຊາວຫວຽດນາມ ໃນຈຳນວນ 17 ຄົນ ຍິງ 4 ຄົນ ທີ່ຖືກກັກບໍລິເວນຄົບຈຳນວນ 14 ວັນ ຕາມຫຼັກການທີ່ທາງການແພດໄດ້ກຳນົດ ໃນການປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໂດຍມີເຈົ້າໜ້າທີ່ ແລະ ພະນັກງານແພດຫມໍ ຕິດຕາມ,ກວດກາ ແລະ ວັດແທກອຸນຫະພູມ ຢ່າງໃກ້ສິດ ແລະ ເປັນປົກະຕິ ໃນແຕ່ລະມື້

ພ້ອມທັງສົ່ງຕົວຢ່າງ ໃຫ້ສູນວິເຄາະ ແລະ ລະບາດວິທະຍາ ເຊິ່ງຜົນກວດທັງຫມົດ ອອກມາເປັນລົບ ດັ່ງນັ້ນ ຄະນະສະເພາະກິດ ແຂວງອຸດົມໄຊ ຈຶ່ງໄດ້ອອກໃບຢັ້ງຢືນ ໃຫ້ກັບນັກທຸລະກິດ ຊາວຫວຽດນາມ ໄວ້ເປັນຫຼັກຖານ ແລະ ອະນຸຍາດໃຫ້ກັບໄປດຳເນີນທຸລະກິດຕາປົກກະຕິ.