ຄະນະສະເພາະກິດ ໄດ້ຢືນຢັນວ່າ ສປປ ລາວ ແມ່ນມີຄວາມເຂັ້ມງວດໃນການເຝົ້າລະວັງຢູ່ຕາມຈຸດຜ່ານດ່ານຕ່າງໆ ໂດຍໃນທຸກດ່ານແມ່ນໄດ້ກວດແທກອຸນຫະພູມຮ່າງກາຍ ແລະ ກັ່ນຕອງຕາມມາດຕະການປ້ອງກັນພະຍາດໂຄວິດ-19 ເປັນຕົ້ນ ແມ່ນການຈໍາກັດບໍລິເວນ 14 ວັນ ຢູ່ສູນທີ່ຄະນະສະເພາະກິດໄດ້ກະກຽມໄວ້.

Image may contain: one or more people, tree, sky, crowd and outdoor
ຮູບພາບປະກອບ

ທ່ານ ຮສ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ ໄດ້ຖະແຫຼງໃຫ້ຊາບໃນຕອນບ່າຍມື້ນີ້ວ່າ ຈໍານວນຜູ້ເດີນທາງເຂົ້າມາ ສປປ ລາວ ໃນວັນທີ 24 ພຶດສະພາ 2020 ມີທັງໝົດ 1,516 ຄົນ, ໃນນີ້ ຈຸດຜ່ານດ່ານລາວ-ໄທ 823 ຄົນ, ໃນນັ້ນມີຜູ້ອອກແຮງງານລາວກັບມາຈາກປະເທດໄທ 26 ຄົນ, ຜ່ານດ່ານສາກົນວັງເຕົົ່າ-ຊ່ອງເມັກ ແຂວງຈຳປາສັກ 17 ຄົນ; ຜ່ານຂົວມິດຕະພາບແຫ່ງທີ 2 ແຂວງສະຫວັນນະເຂດ 9 ຄົນ, ສ່ວນເຫຼືອນັ້ນແມ່ນຄົນຂັບລົດຂົນສົົ່ງສິນຄ້າ.

Laos | World Vision International
ຮູບພາບປະກອບ

ຈຸດຜ່ານດ່ານລາວ-ຈີນ 38 ຄົນ, ໃນນັ້ນມີຄົນລາວກັບມາຈາກປະເທດຈີນ 4 ຄົນ, ມີວິຊາການຄົນຈີນຂອງໂຮງງານຢາສູບລາວທຽນຫຼົງ ແລະ ບໍລິສັດຢາງພາລາຢຸນນານຈໍາກັດ 26 ຄົນ ເຊິ່ງແຮງງານລາວ ແລະ ວິຊາການເຫຼົ່ານັ້ນ ແມ່ນເຂົ້າມາຜ່ານດ່ານບໍ່ເຕັນ, ແຂວງຫຼວງນ້ຳທາ ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ. ນອກຈາກນີ້ ກໍ່ມີຈຸດຜ່ານດ່ານລາວ-ຫວຽດນາມ 665 ຄົນ ທັງໝົດແມ່ນຄົນຂັບລົດຂົນສົ່ງສິນຄ້າ.

Coronavirus disease (COVID-19): What parents should know ...
ຮູບພາບປະກອບ

ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 24 ພຶດສະພາ 2020 ໄດ້ເກັບຕົວຢ່າງມາກວດທັງໝົດມີ 5,795 ຕົວຢ່າງ, ກວດພົບເຊື້ອສະສົມຍັງເປັນ 19 ຄົນເທົ່າເດີມ ແລະ ກໍ່ເປັນ 43 ມື້ແລ້ວທີ່ບໍ່ພົບຜູ້ຕິດເຊື້ອໃໝ່.

COVID-19: Lào không ghi nhận ca mắc bệnh trong 10 ngày liên tiếp
ຮູບພາບປະກອບ

ປັດຈຸບັນ, ມີຜູ້ນອນຕິດຕາມຢູ່ ໂຮງໝໍມິດຕະພາບ 5 ຄົນ ໃນນີ້ເພດຍິງ 4 ຄົນ ທັງໝົດເຫັນວ່າມີອາການປົກກະຕິຈະໄດ້ສືບຕໍ່ຕິດຕາມຕໍ່ໄປຈົນກ່ວາຈະກວດຫາເຊື້ອບໍ່ພົບ.

ຂ່າວ: ວຽງຈັນທາຍ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here