ຖືເປັນຕົວເລກ ທີ່ຍັງບໍ່ມີການຫຼຸດລົງສໍາລັບການລະບາດໃຫຍ່ຂອງ ໄວຣັດ ໂຄວິດ-19, ຈາກລາຍງານຈາກ ເວັບໄຊ worldmeters.info ໃຫ້ຮູ້ໃນເວລາ 11:00 ວັນທີ 25 ພຶດສະພາ 2020 ນີ້ວ່າ ທົ່ວໂລກ ມີຜູ່ຕິດເຊື້ອ ໂຄວິດ-19 ກາຍ 5.5 ລ້ານຄົນແລ້ວ, ໃນນີ້ ມີຜູ່ເສຍຊີວິດ 346,721 ຄົນ ແລະ ປົວດີ 2.3 ລ້ານກວ່າຄົນ.

ໃນນີ້ ມີ 12 ປະເທດ ທີ່ມີຍອດຜູ່ຕິດເຊື້ອ ກາຍ 1 ແສນຄົນ (ດັ່ງຕາຕະລາງຂ້າງລຸ່ມ). ເຊິ່ງ ອາເມຣິກາ ຍັງຄົງມີຍອດຜູ່ຕິດເຊື້ອ ສູງເຖິງ 1,686,436 ຄົນ, ເສຍຊີວິດ ສະສົມ 99,300 ຄົນ ແລະ ປົວດີ 451,702 ຄົນ. ອາເມຣິກາ ຖືເປັນປະເທດ ທີ່ມີການກວດເຊື້ອຫຼາຍທີ່ສຸດໃນໂລກ ເພາະສາມາດກວດໄປແລ້ວເຖິງ 14,749,754 ຄົນ.

ປະເທດອັນດັບສອງຕອນນີ້ ແມ່ນເບຣຊິນ ມີຍອດຕິດເຊື້ອ 365,213 ຄົນ ເສຍຊີວິດ 22,746 ຄົນ ແລະ ປົວດີ 149,911 ຄົນ. ຂະນະທີ່ ຣັດເຊຍ ຢູ່ອັນດັບທີ 3 ທີ່ມີຍອດຜູ່ຕິດເຊື້ອຕອນນີ້ ຢູ່ທີ 344,481 ຄົນນ, ເສຍຊີວິດ 3,541 ຄົນ ແລະ ປົວດີເຖິງ 113,299 ຄົນ.

ສ່ວນ ສປປລາວ ຍັງຄົງຮັກສາ ຕົວເລກ ຕິດເຊື້ອລວມ 19 ຄົນ ປົວດີ 14 ຄົນ ແລະ ຍັງປິ່ນປົວຢູ່ 5 ຄົນ.

ດັ່ງນັ້ນ, ຈິ່ງຮຽກຮ້ອງໃຫ້ປະຊາຊົນລາວ ທຸກຄົນ ຕ້ອງຍົກສູງສະຕິດ ປ້ອງກັນ ໂຄວິດ-19 ແລະ ຕ້ອງປະຕິບັດ ຕາມມາດຕະການຕ່າງໆ ຂອງລັດຖະບານ ແລະ ຄະນະສະເພາະກິດ ວາງອອກຢ່າງເຄັ່ງຄັດ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here