ພາຍຸລະດູຮ້ອນພັດຖະຫຼົ່ມເມືອງຕຸ້ມລານ 15 ບ້ານໄດ້ຮັບຜົນກະທົບ, ມີຜູ້ບາດເຈັບ 6 ຄົນ ແລະ ເສຍຊີວິດ 1 ຄົນ
ໃນລະຫວ່າງວັນທີ 21-22 ເມສາ 2020 ຜ່ານມານີ້ ຫຼາຍບ້ານຂອງເມືອງຕຸ້ມລານ, ແຂວງສາລະວັນ ໄດ້ຮັບຜົນກະທົບຈາກພາຍຸລະດູຮ້ອນຢ່າງໜັກມີ 15 ບ້ານ 166 ຫຼັງຄາເຮືອນ ລວມມີ: ບ້ານຫ້ວຍໄລ, ນາກະເຈີມ, ດອນຊາດ, ນາໂພ, ຕຸ້ມລານ, ດອນບຸງ, ດິນດາກ, ນາລະຈາງ, ດອນຂະຍຸງ, ນາຮ່ອງໃຫຍ່, ນາວຽງຮອງ, ຕຸກລຸກ, ນາກະຕາວ, ດອນມ່ວງ ແລະ ບ້ານທົ່ງໄກ່ຂວ່າ.
ເຊິ່ງມັນໄດ້ສ້າງຄວາມເສຍຫາຍທັງຊີວິດ ແລະ ຊັບສິ້ນຂອງພໍ່ແມ່ປະຊາຊົນ ເຮືອນເປ່ເພທັງໝົດ 166 ຫຼັງ, ເຫຼົ້າເຂົ້າ 44 ຫຼັງ, ສັງກະສີ 4,458 ແຜນ, ກະເບື້ອງ 96 ແຜນ, ມີຜູ້ທີໄດ້ຮັບບາດເຈັບທັງໝົດ 6 ຄົນ, ຍິງ 2 ຄົນ ແລະ ເສຍຊີວິດ 1 ຄົນ ເປັນແພດຊາຍ ອາຍຸ 1 ປີ ກັບ 1 ເດືອນ, ຜູ້ເສຍຊີວິດ ຊື່ ທ. ຍາຍົມ ຢູ່ບ້ານຫ້ວຍໄລ ສ່ວນສາເຫດໃນການເສຍຊີວິດແມ່ນເກີດຈາກລົມພັດແຮງແລ້ວຖຶກໂຄງຫຼັງຄາເຮືອນເປີດອອກແລ້ວໄປທັບໃສ່ລາວ ເສຍຊີວິດຄາທີ.
ຜ່ານການສັ່ງລວມຄວາມເສຍຫາຍທັງໝົດ 255.958.000 ກີບ, ເສຍຫາຍໜັກ ຄິດໄລ່ເປັນເງິນ 116.914.000 ກີບ, ເສຍຫາຍປານກາງ 22.164.000 ກີບ ແລະ ເສຍຫາຍໜ້ອຍ 116.880.000 ກີບ.
ໂດຍ: ວຽງສະຫວັນ ແສນຄຳ ນັກຂ່າວເມືອງຕຸ້ມລານ
