ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໂອກາດຖະແຫລງຂ່າວຕໍ່ສື່ມວນຊົນ ຕອນບ່າຍວັນທີ 20 ພຶດສະພາ 2020 ນີ້ ທ່ານກອງສີ ແສງມະນີ, ຮອງລັດຖະມົນຕີກະຊວງສຶກສາທິການ ແລະ ກິລາ ຕາງໜ້າໃຫ້ແກ່ຄະນະນຳກະຊວງສຶກສາທິການ ແລະ ກິລາ, ໄດ້ລາຍງານຜົນການຈັດຕັ້ງປະຕີບັດ ການສືບຕໍ່ປະຕິບັດຄຳສັ່ງເລກທີ 06 ຂອງນາຍົກ ລັດຖະມົນຕີ ວ່າດ້ວຍການສືບຕໍ່ປະຕິບັດບັນດາມາດຕະການຜ່ອນຜັນ ແລະ ມາດຕະການປ້ອງກັນ,​ຄວບຄຸມ,​ສະກັດກັ້ນ ແລະ ແກ້ໄຂການລະບາດຂອງພະຍາດ COVID-19 ໃນໄລຍະແຕ່ວັນທີ 18 ພຶດສະພາ ຫາ ວັນທີ 01 ມິຖຸນາ 2020 ກ່ຽວກັບມາດຕະການເປີດຮຽນຄືນໃນສະຖານການສຶກສາ ແລະ ສະຖານທີ່ອອກກໍາລັງກາຍ,​ ກິລາກາງແຈ້ງ ແລະ ໃນຮົ່ມ ເພື່ອຮັບປະກັນການປ້ອງກັນ, ຄວບຄຸມ ແລະ ເຝົ້າລະວັງການລະບາດຂອງພະຍາດໂຄວິດ-19.

Youth on the frontlines: Data analysis training to develop Lao ...
ພາບປະກອບ

ທ່ານຮອງລັດຖະມົນຕີກະຊວງສຶກສາທິການ ແລະກິລາ ໃຫ້ຮູ້ເຖິງການກະກຽມເປີດໂຮງຮຽນຄືນທົ່ວປະເທດທັງພາກລັດ ແລະ ເອກະຊົນ ແມ່ນມີຄວາມພ້ອມ ແຕ່ຈະຕ້ອງໄດ້ປະຕິບັດຕາມຄຳແນະນຳຂອງຄະນະສະເພາະກິດຢ່າງເຂັ້ມງວດ. ການເປີດຮຽນ ປ.5​, ມ.4 ແລະ ມ.7 ໃນວັນທີ 18 ພຶດສະພາ 2020 ທີ່ຜ່ານມາ ມີໂຮງຮຽນປະຖົມສຶກສາ ແລະ ມັດທະຍົມທັງໝົດ 17.462 ແຫ່ງ, ​ມີນັກຮຽນ 293.986 ຄົນ ໃນຂອບເຂດທົ່ວປະເທດກັບເຂົ້າຮຽນ. ຜ່ານການລາຍງານ ແລະ ຕິດຕາມຂອງກະຊວງເຫັນວ່າ, ນັກຮຽນ ແລະ ພໍ່ແມ່ມີຄວາມດີໃຈທີ່ລູກຫຼານໄດ້ກັບເຂົ້າມາຮຽນຄືນ ແຕ່ພໍ່ແມ່ຜູ້ປົກຄອງຈຳນວນໜຶ່ງກໍຍັງມີຄວາມເປັນຫ່ວງເປັນໄຍລູກຫຼານຂອງຕົນຢູ່ ຕໍ່ສະພາບດັ່ງກ່າວຂໍແຈ້ງໃຫ້ທົ່ວສັງຄົມຮູ້ວ່າກະຊວງໄດ້ມີຄຳແນະນຳໃຫ້ໂຮງຮຽນນຳໃຊ້ເງິນຮ່ວງບໍລິຫານໂຮງຮຽນ ເພື່ອຊື້ສະບູ ແລະ ອຸປະກອນສຸຂະອະນາໄມຈຳນວນໜຶ່ງໃຫ້ນັກຮຽນ ແລະ ຄູອາຈານໃຊ້ລ້າງມືໃນເວລາຢູ່ໂຮງຮຽນ. ໂຮງຮຽນຈຳນວນໜຶ່ງທີ່ຢູ່ ພູດອຍຫ່າງໄກສອກຫຼີກທີ່ບໍ່ມີນໍ້າໃຊ້ ແມ່ນໄດ້ແນະນຳໃຫ້ນັກຮຽນ ແລະ ຄູ ເອົານ້ຳມາແຕ່ບ້ານ. ກະຊວງກໍ່ໄດ້ສະເໜີຂໍການຊ່ວຍເຫຼືອຈາກຄະນະສະເພາະກິດ ແລະ ຄູ່ຮ່ວມພັດທະນາ ເພື່ອຊື້ອຸປະກອນປ້ອງກັນ ແລະ ຄວບຄຸມການລະບາດຂອງພະຍາດໂຄວິດ-19 ເຊັ່ນ: ສະບູ, ເຈວລ້າງມື, ໜ້າກາກອະນາໄມ ແລະ ເຄື່ອງວັດແທກອຸນຫະພູມ ເພື່ອແຈກຢາຍໃຫ້ສະຖານການສຶກສາ, ຄູ-ອາຈານ ແລະ ນັກຮຽນໃນຂອບເຂດທົ່ວປະເທດ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

China Invests in Lao Students - Laotian Times
ພາບປະກອບ

ພ້ອມກັນນີ້, ກະຊວງໄດ້ແນະນຳໃຫ້ສະຖານການສຶກສາຈັດການຮຽນ-ການສອນ ຜ່ານໂທລະພາບ, ວິທະຍຸ, ອິນເຕີເນັດ ແລະ ອື່ນໆ. ພິເສດກະຊວງສຶກສາ ແລະ ກິລາ ໄດ້ທົດລອງອອກອາກາດຊ່ອງໂທລະພາບສຶກສາ ແລະ ກິລາ ຜ່ານຊ່ອງ 8 ຂອງດາວທຽມລາວແຊັດ ແຕ່ວັນທີ 9 ພຶດສະພາ 2020 ຊຶ່ງອອກອາກາດແຕ່ເວລາ 6 ໂມງເຊົ້າ ເຖິງ 22 ໂມງ. ຊຶ່ງເນື້ອໃນຕົ້ນຕໍການອອກອາກາດແມ່ນການຮຽນ-ການສອນສຳລັບຊັ້ນປະຖົມສຶກສາ ແລະ ຊັ້ນມັດທະຍົມສຶກສາ, ລາຍການກິລາ ກາຍຍະກຳ, ສິລະປະວັນນະຄະດີ, ສາລະຄະດີ, ຂ່າວ ແລະ ອື່ນໆ.

Open Lecture - Criminal Liability of Legal Persons in Lao PDR - ILSTA
ພາບປະກອບ

ສຳລັບສະຖານທີ່ອອກກຳລັງກາຍ ແລະ ປະເພດກິລາໃນຮົ່ມ ແລະ ກາງແຈ້ງແມ່ນໄດ້ຮັບອະນຸຍາດໃຫ້ດຳເນີນກິດຈະການ ແຕ່ວັນທີ 18 ພຶດສະພາເປັນຕົ້ນມາ ນັ້ນເຫັນວ່າສັງຄົມມີຄວາມເພິ່ງພໍໃຈຫລາຍທີ່ໄດ້ອອກກຳລັງກາຍຕາມສະຖານທີ່ສາທາລະນະ, ສູນອອກກຳລັງກາຍ ຕ່າງໆ ແຕ່ພວກເຮົາຮຽກຮ້ອງໃຫ້ທຸກຄົນ ຕ້ອງໄດ້ປະຕິບັດມາດຕະການຂອງຄະນະສະເພາະກິດໃຫ້ເຄັ່ງຄັດສືບຕໍ່ໄປ ສ່ວນກິລາປະເພດທີ່ມີການຈັດການແຂ່ງຂັນທີ່ມີຜູ້ເຂົ້າຊົມຫຼາຍນັ້ນໃຫ້ໂຈະໄວ້ກ່ອນ;

Lao Education Quality Lags Despite Investment: World Bank |

ກະຊວງໄດ້ມີແຜນກຽມຄວາມພ້ອມ ຖ້າລັດຖະບານ ແລະ ຄະນະສະເພາະກິດອະນຸຍາດໃຫ້ເປີດຮຽນຄືນ ໃນທຸກຊັ້ນ ທຸກປີຮຽນຂອງສາມັນສຶກສາ ແລະ ການສຶກສາອື່ນໆ ໃນສະຖານການສຶກສາຄືນເຊັ່ນ:

  1. ສະເໜີເປີດຮຽນຄືນຕື່ມໃນວັນທີ 02 ມິຖຸນາ 2020 ສຳລັບ ຊັ້ນລ້ຽງເດັກ-ອະນຸບານ, ຊັ້ນປະຖົມສຶກສາ ປີທີ 1 ເຖິງ ປີທີ 4, ຊັ້ນມັດທະຍົມສຶກສາ ປີທີ 1 ເຖິງ ປີທີ 3 ແລະ ຊັ້ນມັດທະຍົມສຶກສາ ປີທີ 5 ເຖິງ ປີທີ 6 ຕື່ມອີກ ສົມທົບກັບປີສຸດທ້າຍ ຊັ້ນປະຖົມສຶກສາປີທີ 5, ມັດທະຍົມສຶກສາປີທີ 4 ແລະ ປີທີ 7 ທີ່ໄດ້ເປີດໃນວັນທີ 18 ພຶດສະພາ ແລະ ສະເໜີເພີ່ມເຕີມປີສຸດທ້າຍຂອງວິທະຍາໄລອາຊີວະສຶກສາ, ວິທະຍາໄລຄູ ແລະ ມະຫາວິທະຍາໄລ (ເພາະກຸ່ມເປົ້າໝາຍເລົ່ານີ້ສ່ວນໃຫຍ່ແມ່ນຂຽນບົດຈົບຊັ້ນ). ເພື່ອປະຕິບັດມາດຕະການຮັກສາໄລຍະຫ່າງ ແລະ ບໍ່ໃຫ້ແອອັດ ແມ່ນຈະໄດ້ຜັດ ປ່ຽນກັນຮຽນຄາບເຊົ້າ-ບ່າຍ ສຳລັບຊັ້ນປະຖົມສຶກສາ, ມັດທະຍົມສຶກສາ, ໂຮງຮຽນສົງ, ໂຮງຮຽນກິນນອນຊົນເຜົ່າ ແລະ ໂຮງຮຽນພອນສະຫວັນກິລາ-ກາຍຍະກຳ (ໝາຍຄວາມວ່າຫ້ອງໜຶ່ງ ຖ້າມີຫຼາຍກວ່າ 30 ຄົນ ຂຶ້ນໄປແມ່ນໃຫ້ແບ່ງເປັນ 2 ຫ້ອງຮຽນ ເຄິ່ງໜຶ່ງຮຽນຕອນເຊົ້າ ແລະ ອິກເຄິ່ງໜຶ່ງຮຽນຕອນບ່າຍສ່ວນເວລາທີ່ເຫຼືອແມ່ນໃຫ້ຄູ-ອາຈານມອບວຽກບ້ານໃຫ້ເຮັດຢູ່ເຮືອນ). ສະເພາະຊັ້ນລ້ຽງເດັກ-ອະນຸບານ ຖ້າຈຳນວນເດັກບໍ່ເກີນ 15 ຄົນຕໍ່ຫ້ອງແມ່ນໃຫ້ຮຽນໝົດມື້ ແລະ ຖ້າຫຼາຍກວ່າ 15 ຄົນຕໍ່ຫ້ອງແມ່ນໃຫ້ແບ່ງຫ້ອງຮຽນໜຶ່ງຮຽນແຕ່ເຄິ່ງມື້;
  2. ຖ້າຫາກສະພາບຫາກສືບຕໍ່ຜ່ອນຄາຍ, ລັດຖະບານ ແລະ ຄະນະສະເພາະກິດຜ່ອນຜັນອີກຫຼາຍມາດຕະການ. ຂະແໜງການສຶກສາ ແລະ ກິລາ ຂໍສະເໜີເປີດຮຽນຄືນທຸກຊັ້ນ-ທຸກສາຍ-ທຸກປີຮຽນເປັນປົກກະຕິ ທັງພາກລັດ ແລະ ເອກະຊົນ ໃນວັນທີ 15 ມິຖຸນາ 2020 ແຕ່ໃຫ້ປະຕິບັດບັນດາມາດຕະການຮັກສາຄວາມປອດໄພຂອງຄະນະສະເພາະກິດຢູ່.
  3. ສຳລັັບນັກສຶກສາລາວທີ່ຕ້ອງການກັບໄປຮຽນຄືນຢູ່ຕ່າງປະເທດແມ່ນສາມາດເດີນທາງໄປໄດ້ ແຕ່ຕ້ອງປະຕິບັດຕາມລະບຽບການຂອງ ສປປ ລາວ ແລະ ຂອງປະເທດທີ່ໄປຮຽນຢ່າງເຂັ້ມງວດ ໂດຍໃຫ້ນັກສຶກສາໄປລົງທະບຽນຢູ່ພະແນກສຶກສາທິການ ແລະ ກິລາແຂວງ/ນະຄອນ ຫຼວງ ເພື່ອສັງລວມໃຫ້ກົມກິດຈະການນັກສຶກສາ,​ ກະຊວງສຶກສາທິການ ແລະ ກິລາ ຂໍອະນຸຍາດກັບກະຊວງການຕ່າງປະເທດ;

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here