ສອງສາມວັນກ່ອນໜ້ານີ້ ມາກ ຊັກເກີເບີ ຊີອີໂອ ຂອງເຟສ ບຸກໄດ້ປະກາດ ໃຫ້ທຸກຄົນທີ່ໃຊ້ Messenger ໃສ ອາເມລິກາ ແລະ ການາດີ ສາມາດໃຊ້ Messenger Room ເພື່ອໃຊ້ໃນການປະຊຸມສາຍແບບ ວິດີໂອ ທີ່ມີເຄື່ອງມືຕ່າງໆ ໃຊ້ຢ່າງສະດວກສະບາຍ. ອັນຈະເຮັດໃຫ້ ບັນດາຜູ່ໃຊ້ ເຟສບຸກ Messenger ຢູ່ແລ້ວ ສາມາດ ພົວພັນກັນໄດ້ຫຼາກຫຼາຍ, ໂດຍສະເພາະ ໃຊ້ໃນການປະຊຸມທາງການ ກໍ່ໄດ້, ໃຊ້ໃນການພົບປະ ມ່ວນຊື່ນກໍ່ດີ.

ແລະ ແນ່ນອນ, ອ້າຍໃຫຍ່ Google ທີ່ມີເຄື່ອງມື Google Meet ຢູ່ແລ້ວ ເຊິ່ງກ່ອນໜ້ານີ້ ແມ່ນ ຕ້ອງໄດ້ຈ່າຍເງິນຈິ່ງຈະສາມາດ ໃຊ້ບັນດາເຄື່ອງມື ແລະ ສິ່ງອໍານວຍຄວາມສະດວກ ໃນແອັບນີ້, ແຕ່ມື້ນີ້ ເປີດໃຫ້ໃຊ້ຟຣີແລ້ວ, ຖືເປັນອີກຕົວເລືອກ ສໍາລັບຄົນທີ່ຕ້ອງການ ປະຊຸມສາຍແບບວິດີໂອ ທີ່ຕ້ອງການ ສະເໜີບົດລາຍງານຕ່າງໆ ໄດ້ນໍາອີກ.

ເຊິ່ງການໃຊ້ Google Meet ນີ້ແມ່ນສາມາດ ເຂົ້າໄດ້ໂດຍກົງ ສໍາລັບຜູ່ທີ່ມີບັນຊີ gmail ຢູ່ແລ້ວ ໂດຍເຂົ້າໄປທີ່ https://meet.google.com/ ແລ້ວ ກໍ່ປະຕິບັດ ຕາມຂັ້ນຕອນການແນະນໍາໄດ້ຢ່າງງ່າຍດາຍ. ສາມາດຕັ້ງ ເວລາຈະປະຊຸມກັນ, ສາມາດສົ່ງລິ້ງເພື່ອເຊື້ອເຊີນ ຄົນເຂົ້າຮ່ວມໄດ້ ຢ່າງສະດວກສະບາຍ. ນອກນີ້, ທ່ານຍັງສາມາດ ດາວໂຫຼດ ແອັບ Google Meet ມາຕິດຕັ້ງໄວ້ມືຖືຂອງທ່ານ ເພື່ອຈະສາມາດ ເຂົ້າຮ່ວມປະຊຸມ ຜ່ານມືຖືຂອງທ່ານໄດ້ອີກ.

ຫາກທ່ານຕ້ອງການ ຄໍາອະທິບາຍການນໍາໃຊ້ ສາມາດກົດອ່ານ ນີ້ໄດ້ເລີຍ https://support.google.com/meet/?hl=th#topic=7306097

LEAVE A REPLY

Please enter your comment!
Please enter your name here