ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນວັນທີ 15 ພຶດສະພາ 2020ນີ້, ໄດ້ມີພິທີເຊັນສັນຍາການບໍລິການຮັບ-ສົ່ງສັນຍານ ໂທລະພາບຜ່ານດາວທຽມ ລະຫວ່າງກົມໃຫຍ່ການເມືອງກອງທັບ ກະຊວງປ້ອງກັນປະເທດ ແລະ ບໍລິສັດດາວທຽມລາວເອເຊຍ-ປາຊີຟິກ ຈໍາກັດ ໂດຍການເຂົ້າຮ່ວມຂອງ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ, ມີ ດອກເຕີ ທັນສະໄຫມ ກົມມະສິດ ລັດຖະມົນຕີກະຊວງໂທລະຄົມມະ ນາຄົມ ແລະ ການສື່ສານ, ທ່ານ ສະຫັວນຄອນ ຣາຊະມົນຕີ ຮອງລັດຖະມົນຕີ ກະຊວງຖະແຫຼງຂ່າວ,ວັດທະນະທຳ ແລະ ທ່ອງທ່ຽວ, ທ່ານອຳນວຍການໃຫຍ່ບໍລິສັດດາວທຽມລາວເອເຊຍປາຊີຟິກຈໍາກັດ, ມີຄະນະນຳກົມໃຫຍ່ການເມືອງກອງທັບ, ພ້ອມດ້ວຍຄະນະກົມ, ຫ້ອງການ, ກອງ ແລະ ວິຊາການທີ່ກຽວຂອງເຂົ້າຮ່ວມ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ເພື່ອຕອບສະຫນອງຕາມຄວາມຮຽກຮ້ອງຕ້ອງການຂອງສະພາບການວຽກງານໂຄສະນາສຶກສາອົບຮົມ ກໍ່ຄືວຽກງານສື່ມ່ວນຊົນໃນກອງທັບໃນໄລຍະໃຫມ່ ແນ່ໃສ່ປັບປຸງກໍ່ສ້າງກອງທັບໃຫ້ເຂັ້ມແຂງໃນທຸກໆດ້ານ ເຮັດສຳເລັດໜ້າທີ່ ໃນການປົກປັກຮັກສາ ແລະ ພັດທະນາປະເທດຊາດ, ໃນຂົງເຂດວຽກງານສື່ມ່ວນຊົນກໍ່ຕ້ອງໄດ້ມີການພັດທະນາ, ເຊິ່ງ ວິທະຍຸ - ໂທລະພາບກອງທັບ ເປັນຂະແຫນງການຫນຶ່ງ ທີ່ໄດ້ມີການປັບປຸງ ເພື່ອປະກອບສ່ວນຢ່າງຕັ້ງຫນ້າ ໃນການໂຄສະນາແນວທາງ ແຜນນະໂຍບາຍຂອງພັກ-ລັດ, ຫນ້າທີ່ຂອງກອງທັບ, ເຮັດໃຫ້ ພະນັກງານ-ນັກຮົບ ແລະ ປະຊາຊົນລາວບັນດາເຜົ່າ ຮັບຮູ້ ສະພາບການດ້ານຕ່າງໆ ທີ່ເກີດຂຶ້ນພາຍໃນ ແລະ ຕ່າງປະເທດ. ນັບແຕ່ມື້ສ້າງຕັ້ງ ແຕ່ໃນປີ1996 ເປັນຕົ້ນມາ, ໂທລະພາບກອງທັບ ໄດ້ສ້າງລາຍການ ແລະ ໄດ້ກະຈາຍພາບນໍາ ສະຖານີໂທລະພາບແຫ່ງຊາດລາວ ຊ່ອງ1, ຊ່ອງ3, ລາວສະຕາ ແລະ ສະຖານີໂທລະພາບ ປກສ, ມື້ລະ30 ນາທີ ແລະ ມາຮອດປັດຈຸບັນ ກອງທັບປະຊາຊົນລາວ ໄດ້ມີສະຖານີໂທລະພາບເປັນຂອງຕົນເອງແລ້ວ.

ທັງນີ້,ກໍເພື່ອເຮັດໃຫ້ສັງຄົມໄດ້ຊົມໃຊ້, ຮູ້ ເຫັນການເຄື່ອນໄຫວດ້ານຕ່າງໆ ຂອງກອງທັບ ໃນພາລະກິດປົກປັກຮັກສາ ແລະ ພັດທະນາປະເທດຊາດ ໃຫ້ຖຶກຕ້ອງວ່ອງໄວແລະກ້ວາງຂວາງ.

ໃນພິທີເຊັນສັນຍາ ການບໍລິການຮັບ-ສົ່ງສັນຍານໂທລະພາບ ຜ່ານດາວທຽມ ດັ່ງກ່າວຈຶ່ງໄດ້ຈັດຂຶ້ນຢ່າງເປັນທາງການ, ເຊິ່ງລົງລາຍເຊັນຕາງໜ້າກົມໃຫຍ່ການເມືອງກອງທັບ ໂດຍ ທ່ານ ພົນຕີ ສອນທອງ ພົມມາວົງ ຄະນະພັກກະຊວງປ້ອງກັນປະເທດ, ຮອງຫົວຫນ້າກົມໃຫຍ່ການເມືອງກອງທັບ ແລະ ຕາງໜ້າບໍລິສັດ ດາວທຽມເອເຊຍ - ປາຊີຟິກຈຳກັດ ໂດຍ ທ່ານ ຕີ່ງ ຢ່ອງບີ່ງ ຜູ້ອໍານວຍການໃຫຍ່ ບໍລິສັດດາວທຽມລາວເອເຊຍ-ປາຊີຟິກ ຈໍາກັດ ໂດຍຊ່ອງໜ້າການນໍາກະຊວງປ້ອງກັນປະເທດ ແລະ ພະນັກງານທຸກພາກສ່ວນເຂົ້າຮ່ວມ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here