ລາຍງານຈາກ ຄະນະສະເພາະກິດ ໃນເວລາ 14:40 ວັນທີ 15 ພຶດສະພາ 2020 ໃຫ້ຮູ້ວ່າ, ຄະນະສະເພາະກິດ ໄດ້ມີການສະເໜີ ໃຫ້ລັດຖະບານ ພິຈາລະນາ ແລະ ອານຸມັດ ມາດຕະການຜ່ອນຜັນ ເລີ່ມແຕ່ ວັນທີ 18 ພຶດສະພາ 2020 ເປັນຕົ້ນໄປແມ່ນມີດັ່ງນີ້
ມາດຕະກາດຜ່ອນຜັນເພີ່ມມີດັ່ງນີ້
- ອານຸຍາດ ໃຫ້ປະຊາຊົນທຸກຄົນ ສາມາດ ເດີນທາງພາຍໃນປະເທດໄດ້ແລ້ວ (ແຕ່ຕ້ອງປະຕິບັດ ຕາມມາດຕະການປ້ອງກັນ ໂຄວິດ-19 ຕາມຄໍາແນະນໍາ ຂອງຄະນະສະເພາະກິດ)
- ອານຸຍາດ ເປີດການບໍລິການຂົນສົ່ງທາງບົກ, ທາງນໍ້າ, ທາງອາກາດ ໄດ້ແລ້ວ (ແຕ່ຕ້ອງປະຕິບັດ ຕາມມາດຕະການປ້ອງກັນ ໂຄວິດ-19 ຕາມຄໍາແນະນໍາ ຂອງຄະນະສະເພາະກິດ)
- ອານຸຍາດ ໃຫ້ສາມາດຫຼິ້ນກິລາ ໄດ້ທຸກປະເພດ (ແຕ່ຕ້ອງປະຕິບັດ ຕາມມາດຕະການປ້ອງກັນ ໂຄວິດ-19 ຕາມຄໍາແນະນໍາ ຂອງຄະນະສະເພາະກິດ)
- ອານຸຍາດ ໃຫ້ເປີດດໍາເນີນລະກິດຕ່າງໆ ໄດ້ແລ້ວ ເຊັ່ນ ຮ້ານອາຫານ, ຮ້ານນວດ-ສະປາ, ຮ້ານຂາຍເຄື່ອງ ແລະ ຮ້ານອື່ນໆ (ແຕ່ຕ້ອງປະຕິບັດ ຕາມມາດຕະການປ້ອງກັນ ໂຄວິດ-19 ຕາມຄໍາແນະນໍາ ຂອງຄະນະສະເພາະກິດ)
- ອານຸຍາດ ໃຫ້ແຮງງານ ແລະ ນັກສຶກສາ ທີ່ຕ້ອງການເດີນທາງໄປເຮັດວຽກ ຫຼື ຮຽນ ຢູ່ຕ່າງປະເທດ, ແຕ່ຕ້ອງປະຕິບັດຕາມ ມາດຕະການຂອງປະເທດເຈົ້າພາບ
- ອານຸຍາດໃຫ້ ເປີດຮຽນ ຊັ້ນ ປ5, ມ4, ມ7 ແລະ ໂຮງຮຽນ ຂອງ ປກຊ, ປກສ ໃນວັນທີ 18 ພຶດສະພາ 2020, ສ່ວນຊັ້ນຮຽນອື່ນໆ ແມ່ນ ໃຫ້ເປີດຮຽນ ວັນທີ 2 ມິຖຸນາ 2020 ເປັນຕົ້ນໄປ
ມາດຕະການຫ້າມ ທີ່ຕ້ອງສືບຕໍ່ປະຕິບັດ
- ຕະຫຼາດກາງຄືນ, ຮ້ານກິນດຶ່ມ, ຮ້ານບັນເທີງ, ຮ້ານເກມ, ຮ້ານຄາຣະໂອເກະ, ການຈັດກິລາທີ່ມີການຊຸມນຸມ, ງານບຸນ, ງານລ້ຽງ, ງານຕ່າງໆ ທີ່ມີຄົນຫຼາຍ ແລະ ສ່ຽງຕໍ່ການຕິດເຊື້ອ
- ປິດດ່ານປະເພນີ, ດ່ານທ້ອງຖິ່ນ ແລະ ດ່ານສາກົນ. ຫ້າມຄົນເດີນທາງເຂົ້າອອກ, ຍົກເວັ້ນ ລົດຂົນສົ່ງສິນຄ້າ
- ໂຈະການອອກວີຊາ ໃຫ້ຄົນຕ່າງປະເທດ ທີ່ມາແຕ່ປະເທດ ທີ່ມີການລະບາດຂອງພະຍາດ, ຍົກເວັ້ນບາງກໍລະນີທີ່ຈໍາເປັນ ທີ່ຄະນະສະເພາະກິດ ອານຸຍາດ
ໝາຍເຫດ: ນີ້ແມ່ນ ມາດຕະການຜ່ອນຜັນ ຊົ່ວຄາວ, ຫາກແຂວງໃດ ມີຄົນຕິດເຊື້ອ ແຂວງນັ້ນ ຈະຕ້ອງໄດ້ປະຕິບັດ ມາດຕະການ ຄືນໃໝ່, ຫາກ ມີຄົນຕິດເຊື້ອຫຼາຍຄົນ ແລະ 2 ແຂວງຂຶ້ນໄປ ຈະໄດ້ຮຽກຄືນມາດຕະການເຂັ້ມງວດຕ່າງໆ ມານໍາໃຊ້ອີກຄັ້ງ.
ລາຍລະອຽດ ແຈ້ງການຂອງ ຫ້ອງການລັດຖະບານ ເລກທີ່ 580/ຫສນຍ ລົງວັນທີ 15 ພຶດສະພາ 2020
.
.
.
ກົດຊົມຄລິບ ຖະແຫຼງຂ່າວ
