ມີຜູ້ເສຍຊີວິດ 71 ກວ່າຄົນ ຍ້ອນອຸບັດເຫດໃນເດືອນເມສາ

ພຽງເດືອນດຽວມີຜູ້ເສຍຊີວິດແລ້ວ 71 ຄົນຈາກອຸປະຕິເຫດບົນທ້ອງຖະໜົນ ທີ່ເກີດຂຶ້ນ 435 ຄັ້ງ ໃນທົ່ວປະເທດ, ຊຶ່ງນະຄອນຫລວງວຽງຈັນຍັງເປັນອັນດັບໜື່ງທີ່ເກີດອຸປະຕິເຫດຫຼາຍກວ່າແຂວງອື່ນໆ ໂດຍມີອຸປະຕິເຫດເກີດຂຶ້ນ 64 ຄັ້ງເຮັດໃຫ້ມີຜູ້ເສຍຊີວິດ 11 ຄົນ.  

Image may contain: one or more people, night and outdoor

ພະແນກ​ຕຳ­ຫຼວດ​ຈະ­ລາ­ຈອນ ກົມ​ໃຫຍ່​ຕຳ­ຫຼວດ ກະ­ຊວງ​ປ້ອງ​ກັນ​ຄວາມ​ສະ­ຫງົບ ໄດ້ລາຍງານໃນ ​ວັນ​ທີ 13 ພຶດ­ສະ­ພາ 2020 ວ່າ ສະເພາະເດືອນເມ­ສາ 2020 ທົ່ວ​ປະ­ເທດໄດ້ເກີດ​ມີ​ອຸ­ບັດ­ເຫດບົນທ້ອງຖະໜົນ 435 ຄັ້ງ ແລະ ໄດ້ເຮັດໃຫ້ມີ​ຄົນ​ເສຍ​ຊີ­ວິດທັງໝົດ 71 ຄົນ (​ຍິງ 8 ຄົນ), ​ໄດ້​ຮັບ​ບາດ ­ເຈັບ 557 ຄົນ (​ບາດ­ເຈັບ​ເລັກ​ໜ້ອຍ 243 ຄົນ, ສົມ­ຄວນ 227 ຄົນ ແລະ  ສາ­ຫັດ 87 ຄົນ). ນອກນັ້ນໄດ້ເຮັດ​ໃຫ້​ມີ​ພາ­ຫະ­ນະ​ເປ່​ເພທັງໝົດ 719 ຄັນ (​ເປ່​ເພ​ເລັກ​ນ້ອຍ 320 ຄັນ ສົມ­ຄວນ 376 ຄັນ ແລະ ໃຊ້​ການ​ບໍ່​ໄດ້ 23 ຄັນ).

Image may contain: one or more people

ທ່ານ ພັທ ເພັງສະຫວັນ ທໍາມາບູນ ຫົວໜ້າພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໄດ້ກ່າວຕໍ່ທີມຂ່າວວຽງຈັນທາຍ ມື້ເຊົ້ານີ້ວັນທີ 14 ພຶດສະພາ 2020 ວ່າ: ເຖິງແມ່ນວ່າໃນເດືອນເມສາ ເປັນໄລຍະທີ່ມີມາດຕະການຄວບຄຸມ ແລະ ປ້ອງກັນການແຜ່ລະບາດຂອງພະຍາດ ໂຄວິດ-19 ກໍ່ຕາມ ແຕ່ທົ່ວປະເທດຍັງໄດ້ເກີດມີອຸປະຕິເຫດເກີດຂຶ້ນຕາມທ້ອງຖະໜົນເປັນຈໍານວນຫຼາຍ ຍ້ອນຍັງມີການສັງສັນກິນເຫຼົ້າ-ເບຍ ຊຶ່ງເປັນການລະເມີດຄໍາສັ່ງຂອງນາຍົກລັດຖະມົນຕີ ກ່ຽວກັບມາດຕະການການຕ້ານ ແລະ ຄວບຄຸມການແຜ່ລະບາດຂອງພະ ຍາດໂຄວິດ-19, ຊຶ່ງການດື່ມຂອງມືນເມົານີ້ແມ່ນ​ສາ­ເຫດຫຼັກທີ່ກໍ່ໃຫ້​ການ​ເກີດ​ອຸ­ບັດ­ເຫດ ນອກນັ້ນຍັງເກີດຈາກການຂັບຂີ່​ໄວ​ເກີດ​ກຳ­ນົດ, ບໍ່​ເຄົາ­ລົບ​ກົດ​ລະ­ບຽບ​ຈະ­ລາ­ຈອນ ແລະ ອື່ນໆ.

ຂ່າວ: ວຽງຈັນທາຍ

ພາບປະກອບ: ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623

LEAVE A REPLY

Please enter your comment!
Please enter your name here

Stay in Touch

To follow the best weight loss journeys, success stories and inspirational interviews with the industry's top coaches and specialists. Start changing your life today!

Related Articles