ເຈົ້າໜ້າທີ່ກອງຮ້ອຍຈະລາຈອນ ປກສ ເມືອງໄຊທານີ ໄດ້ໃຫ້ຮູ້ວ່າ: ໃນວັນທີ 24 ເມສາ 2020, ເວລາ 20:30 ໂມງ, ໄດ້ມີອຸບັດຕິເຫດເກີດຂຶ້ນ ລົດກະບະ ເລກທະບຽນ ກຂ 5079 ຕຳກັບລົດບັນທຸກ ເລກທະບຽນ ບກ 1434, ຢູ່ທາງເຂດບ້ານສົມສະຫ້ວນ (ເສັ້ນທາງ13ໃຕ້) ເມືອງໄຊທານີ ນະຄອນຫຼວງ. ລົດກະບະທີ່ເກີດອຸບັດຕິເຫດ ເລກທະບຽນ ກຂ 5079 ຂັບຂີ່ໂດຍທ້າວ ທຳມະສິງ ອາຍຸ 26 ປີ, ສັນຊາດລາວ, ປັດຈຸບັນຢູ່ບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ (ຜູ້ກຽ່ວແມ່ນບາດເຈັບສາຫັດ).
ສ່ວນລົດບັນທຸກ ຄູ່ກໍລະນີ ເລກທະບຽນ ບກ 1434 ຂັບຂີ່ໂດຍທ້າວ ບຸນເສີມ, ອາຍຸ 29 ປີ, ສັນຊາດລາວ, ປັດຈຸບັນ ຢູ່ບ້ານນ້ຳຕົ້ມ ເມືອງແປກ ແຂວງຊຽງຂວາງ (ຜູ້ກ່ຽວແມ່ນບໍ່ໄດ້ຮັບບາດເຈັບ).
ສຳລັບລົດທັງ 2 ຄັນ ແມ່ນເປ່ເພ່ສົມຄວນ, ຜູ້ຂັບລົດບັນທຸກ ເປົ່າທາດເຫຼົ້າແມ່ນບໍ່ເກີນກຳນົດ, ສ່ວນຜູ້ຂັບຂີ່ລົດກະບະບໍ່ສາມາດເປົ່າທາດເຫຼົ້າໄດ້ ຍ້ອນຜູ້ກ່ຽວບາດເຈັບສາຫັດ. ສຳລັບສາເຫດຂອງການເກີດອຸບັດຕິເຫດຄັ້ງນີ້ ເຈົ້າໜ້າທີ່ແມ່ນຈະໄດ້ສືບສວນ-ສອບສວນຂໍ້ເທັດຈິງຕາມລະບຽບກົດໝາຍຕໍ່ໄປ.
ປກສ ນວ
---------------
ຢ່າລືມກົດຕິດຕາມເພຈ All in LAOS
------------------------------
