ເຈົ້າໜ້າທີ່ລົງເຮັດບົດບັນທຶກ ພ້ອມໃຫ້ປິດ 3 ຮ້ານເກມອອນລາຍທີ່ຍັງເປີດບໍລິການ
ໃນວັນທີ 23 ເມສາທີ່ຜ່ານມາ ເຈົ້າໜ້າທີ່ກອງພັນປ້ອງກັນເຄື່ອນທີ່ ປກສ ນະຄອນຫຼວງວຽງຈັນ ໄດ້ອອກກວດກາລາດຕະເວນຕາມຂອບເຂດເມືອງໄຊເສດຖາ ຫາເມືອງຫາດຊາຍຟອງ ໄດ້ພົບເຫັນຮ້ານເກມອອນລາຍຍັງເປີດໃຫ້ບໍລິການ ລວມມີ 3 ຮ້ານ; ເຊີ່ງຖືວ່າເປັນການລະເມີດ ຝາຝືນຕໍ່ຄໍາສັ່ງເລກທີ 06/ນຍ, ເຈົ້າໜ້າທີ່ຈຶ່ງໄດ້ເຮັດບົດບັນທຶກກ່າວເຕືອນ ແລະ ໃຫ້ປິດຮ້ານ.
ຄື: ເວລາ 14:40 ໂມງ ໄດ້ພົບເຫັນຊາຍໜຸ່ມຄົນໜຶ່ງຢືນຢູ່ໜ້າຮ້ານເກມອອນລາຍ 89 ຢູ່ບ້ານໂນນສະຫງ່າ ເມືອງໄຊເສດຖາ, ກວດຄົ້ນຕົວພົບຢາບ້າ 1 ເມັດ ແລະ ບັດເຕີມເກມ, ຈຶ່ງກັກຕົວໄວ້ກ່ອນ ຄື: ທ້າວ ວົງ, ອາຍຸ 45 ປີ;
ພ້ອມເຂົ້າເຮັດບົດບັນທຶກກ່າວເຕືອນກັບເຈົ້າຂອງຮ້ານເກມດັ່ງກ່າວ ທີ່ຍັງເປີດໃຫ້ບໍລິການ ເວລາ 20:30 ໂມງ ໄດ້ເຂົ້າເຮັດບົດບັນທຶກກ່າວເຕືອນກັບຮ້ານເກມອອນລາຍ ທີທີ, ຢູ່ບ້ານຊໍາເຄ້ ເມືອງໄຊເສດຖາ ແລະ
ເວລາ 22:00 ໂມງ ໄດ້ເຂົ້າເຮັດບົດບັນທຶກກ່າວເຕືອນກັບເຈົ້າຂອງຮ້ານເກມອອນລາຍສະປອດ 777, ຢູ່ບ້ານດົງຄໍາຊ້າງ ເມືອງຫາດຊາຍຟອງ ທີ່ຍັງເປີດໃຫ້ບໍລິການ; ພ້ອມໃຫ້ປິດຮ້ານ.
.
.
.
.
