ເຮັດບົດບັນທຶກກັບຜູ້ປະກອບການ ທີ່ດຳເນີນກິດຈະການໃນໄລຍະເຝົ້າລະວັງການ ເເຜ່ລະບາດຂອງພະຍາດໂຄວິດ-19
ໃນວັນທີ 22 ເມສາ 2020, ເຈົ້າໜ້າທີ່ສະຖານີກອງວົງຈອນປິດ 1191 ຕາດທອງ ໄດ້ສົມທົບກັບ ປກສ ກຸ່ມໜອງໜ້ຽວ ແລະ ອຳນາດການປົກຄອງບ້ານຈຳປາ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ພ້ອມກັນລົງກວດກາສະໜາມກ໋ອບເເມ່ຂອງ ທີ່ເປີດໃຫ້ບໍລິການລູກຄ້າຢ່າງເປັນປົກກະຕິໃນໄລຍະທີ່ເຝົ້າລະວັງການແຜ່ລະບາດຂອງພະຍາດໂຄວິດ-19.
ຜ່ານການສອບຖາມບຸກຄົນທີ່ກ່ຽວຂ້ອງໂດຍກົງກັບສະໜາມກ໋ອບເເມ່ຂອງ ໄດ້ໃຫ້ການຕໍ່ເຈົ້າໜ້າທີ່ວ່າ: ທາງສະໜາມກ໋ອບເເມ່ຂອງ ໄດ້ເປີດໃຫ້ບໍລິການແກ່ບັນດາລູກຄ້າທີ່ມາໃຊ້ບໍລິການແທ້ ເນື່ອງຈາກອີງໃສ່ຄຳສັ່ງຂອງພະແນກສຶກສາທິການ ແລະ ກິລາ ນະຄອນຫຼວງວຽງຈັນອັນເກົ່າ. ສະນັ້ນນັບແຕ່ວັນທີ 23 ເມສາ 2020 ເປັນຕົ້ນໄປ ທາງສະໜາມກ໋ອບເເມ່ຂອງ ຈະປິດໃຫ້ບໍລິການຈົນກວ່າຈະມີຄຳສັ່ງຈາກພວກສ່ວນທີ່ກ່ຽວຂ້ອງ ຈຶ່ງຈະເປີດໃຫ້ບໍລິການເປັນປົກກະຕິ.
ດັ່ງນັ້ນທາງເຈົ້າໜ້າທີ່ຈື່ງໄດ້ກ່າວເຕືອນ ແລະ ເຮັດບົດບັນທຶກໄວ້ເປັນຫຼັກຖານ ຖ້າຫາກມີການລະເມີດບົດທຶກສະບັບດັ່ງກ່າວ ຈະຖືກດຳເນີນຕາມຂັ້ນຕອນຂອງກົດໝາຍ; ເຊິ່ງການປະຕິບັດການຂອງເຈົ້າໜ້າທີ່ໃນຄັ້ງນີ້ ແມ່ນອີງໃສ່ຄຳສັ່ງເລກທີ 06/ນຍ ວ່າດ້ວຍການເພີ່ມທະວີການເຝົ້າລະວັງການແຜ່ລະບາດຂອງພະຍາດໂຄວິດ-19 ທີ່ໄດ້ຂະຫຍາຍເວລາການຈັດຕັ້ງປະຕິບັດຄໍາສັ່ງດັ່ງກ່າວຈາກວັນທີ 11-20 ມີນາ 2020 ມາເປັນວັນທີ 20 ເມສາ -3 ພຶດສະພາ 2020.
