ໃນວັນທີ 8 ເມສາ 2020, ທີ່ພະແນກສາທາລະນະສຸກແຂວງອັດຕະປື, ບໍລິສັດ ໄຟຟ້ານໍ້າກົງ 3 ຈໍາກັດ ໄດ້ມອບເງີນສົດ ມູນຄ່າ 250 ລ້ານກີບ ໂດຍການໂອນເຂົ້າໝາຍເລກບັນຊີໂຄວິດ-19 ຂອງທະນາຄານການຄ້າຕ່າງປະເທດລາວ, ເພື່ືອເປັນການປະກອບສ່ວນຊ່ວຍເຫຼືອແຂວງອັດຕະປື ໃນການຈັດຊື້ອຸປະກອນເຄື່ອງຊ່ວຍຫາຍໃຈ ເພື່ອຮ່ວມປ້ອງກັນການແຜ່ລະບາດຂອງເຊື້ອພະຍາດໂຄວິດ-19.

ພິທີມອບ-ຮັບເງີນຈຳນວນດັ່ງກ່າວໄດ້ຈັດຂື້ນລະຫວ່າງທ່ານ ທອງໃສ ທຳມະວົງ, ຮອງຜູ້ຈັດການໂຄງການເຂື່ອນໄຟຟ້າ ນໍ້າກົງ 3 ຈຳກັດ ແລະ ທ່ານ ອຸ່ນຫລ້າ ໄຊຍະສິດ, ຮອງເຈົ້າແຂວງໆອັດຕະປື ທັງເປັນຮອງຄະນະສະເພາະກິດຂັ້ນແຂວງ ເພື່ອປ້ອງກັນ ແລະ ຄວບຄຸມພະຍາດໂຄວິດ-19 ໂດຍຊ້ອງຫນ້າຜູ້ຕາງໜ້າພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ. ໃນໂອກາດນີ້, ທ່ານ ອຸ່ນຫລ້າ ໄຊຍະສິດ, ຮອງເຈົ້າແຂວງໆອັດຕະປື ໂດຍຕາງໜ້າໃຫ້ອໍານາດການປົກຄອງແຂວງ ໄດ້ຂື້ນມອບໃບຍ້ອງຍໍໃຫ້ແກ່ບໍລິສັດໄຟຟ້ານໍ້າກົງ 3 ຈຳກັດ ພ້ອມທັງໄດ້ສະແດງຄວາມຂອບໃຈມາຍັງບໍລິສັດດັ່ງກ່າວທີ່ມີຄວາມເປັນຫ່ວງເປັນໃຍຕໍ່ຊີວິດ ແລະ ສຸຂະພາບຂອງປະຊາຊົນພາຍໃນແຂວງອັດຕະປື ພາຍໃຕ້ສະພາບການພະຍາດຮ້າຍແຮງກຳລັງແຜ່ລະບາດໃນປະຈຸບັນນີ້.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ພ້ອມນີ້, ທ່ານຍັງໄດ້ຕາງໜ້າໃຫ້ປະຊາຊົນ ກໍ່ຄື ພະນັກງານແພດໝໍ ພາຍໃນແຂວງອັດຕະປື ສະແດງຄວາມຂອບໃຈມາຍັງບໍລິສັດ ທີ່ມອບເງີນປະກອບສ່ວນຊ່ວຍເຫຼືອປ້ອງກັນພະຍາດໂຄວິດ-19 ໃນຄັ້ງນີ້ ແລະ ຈະນໍາໃຊ້ເຄື່ອງມືດັ່ງກ່າວ ໃຫ້ຖືກເປົ້າໝາຍ ແລະ ເກີດປະໂຫຍດສູງສຸດ ໂດຍຜ່ານໝາຍເລກບັນຊີໂຄວິດ-19 ຂອງ ທະນາຄານການຄ້າຕ່າງປະເທດລາວ.

ຂ່າວ: ວັດທະນາ ຫລວງອາໄພ (ນັກຂ່າວແຂວງອັດຕະປື)

LEAVE A REPLY

Please enter your comment!
Please enter your name here