ສຳ​ນັກ​ຂ່າວ​ຊິນ​ຫົວ​ລາຍ​ງານ​ເມື່ອ 30 ມີນາ 2020 ໜ່ວຍ​ງານ​ທ້ອງ​ຖິ່ນ​ໃນ​ເມືອງ​ເຊີນ​ໂຈ ເຜີຍ ເກີດ​ເຫດ​ລົດ​ໄຟ​ຕ​ົກລາງ​ໃນ​ມົນ​ຖົນ​ຫູ​ໜານ ທາງ​ຕອນ​ກາງ​ຂອງ​ຈີນ ສົ່ງ​ຜົນ​ໃຫ້​ມີ​ຜູ້​ໄດ້ຮັບ​ບາດ​ເຈັບ​ຫລາຍກວ່າ 20 ຄົນດ້ານການ​ລົດ​ໄຟ​ຈີນ​ກວາງ​ໂຈ ລະ​ບຸ​ວ່າ ເຫດ​ລົດ​ໄຟ​ຕ​ົກລາງ​ເທື່ອ​ນີ້​ເກີດ​ຂຶ້ນ​ທີ່ຄຸມ​ຢົ່ງ​ຊິງ ເມືອງ​ເຊີນ​ໂຈ ຕອນເວລາ 11.40 ໂມງ. ຂອງ​ວັນທີ 30 ມີ​ນາ 2020 ຕາມ​ເວລາ​ທ້ອງ​ຖິ່ນ ໂດຍ​ລົດ​ໄຟ​ຂະບວນ​ດັ່ງ​ກ່າວ​ແລ່ນ​ມາ​ຈາກ​ເມືອງ​ຈີ່​ໜານ ມົນ​ຖົນ​ຊານ​ຕົງ ທາງ​ຕະເວັນ​ອອກ​ຂອງ​ຈີນ ມຸ້ງ​ໜ້າ​ໄປ​ຍັງ​ເມືອງ​ກວາງ​ໂຈ ມົນ​ຖົນ​ກວາງ​ຕົງ (ກວາງ​ຕຸ້ງ) ທາງ​ຕອນ​ໃຕ້​ຂອງ​ຈີນ

ການ​ສືບ​ສວນ​ເບື້ອງ​ຕົ້ນ​ເຮັດໃຫ້​ຮູ້ວ່າ​ສາ​ເຫດ​ຂອງ​ລົດ​ໄຟ​ຕ​ົກລາງ​ໃນ​ເທື່ອ​ນີ້​ເກີດ​ຈາກ​ດິນ​ຖະລົ່ມ ຊຶ່ງ​ເປັນ​ຜົນ​ມາ​ຈາກ​ຝົນ​ທີ່​ຕົກລົງ​ມາ​ຢ່າງ​ຕໍ່​ເນື່ອງ​ຕະຫລອດ 2-3 ວັນທີ​ຜ່ານມາ ພະ​ນັກ​ງານ​ຂັບ​ລົດ​ໄຟ​ໄດ້​ຢຸດ​ລົດ​ໄຟ​ສຸກ​ເສີນ​ທັນ​ທີ​ທີ່​ເຫັນ​ດິນ​ຖລົ່ມ ຢ່າງໃດ​ກໍ​ຕາມ ລົດ​ໄຟ​ຢັງ​ຄົງ​ພຸ່ງ​ເຂົ້າຕໍາ​ດິນ​ຖະລົ່ມ ເຮັດໃຫ້​ເກີດໄຟ​ລຸກ​ໄໝ້​ບໍລິເວນ​ຫົວ​ລົດ​ໄຟ ແລະ ​ຕູ້​ໂດຍ​ສານ 5 ຕູ້ປີ້ນ​ຄວ່ຳ

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ຈົນຮອດ​ຕອນ​ນີ້​ຍັງ​ບໍ່​ມີ​ລາຍ​ງານ​ຜູ້​ເສຍຊີວິດ ຂະນະ​ທີ່​ຜູ້​ໂດຍ​ສານ​ ແລະ​ ພະນັກ​ງານ​ລົດ​ໄຟ​ທີ່​ໄດ້ຮັບ​ບາດ​ເຈັບ​ຖືກ​ສົ່ງ​ຕົວ​ໄປ​ໂຮງ​ໝໍ ໃນ​ຈຳນວນ​ນັ້ນ​ມີ​ຜູ້​ໄດ້ຮັບ​ບາດ​ເຈັບ​ສາ​ຫັດ 3 ຄົນ ທາງ​ດ້ານ​ເຈົ້າ​ຫນ້າທີ່​ທີ່​ກ່ຽວ​ຂ້ອງ​ກຳ​ລັງ​ເລັ່ງ​ກໍ່ການ​ກູ້​ໄພ ​ແລະ ​ສືບ​ສວນ​ສອບ​ສວນ​ກໍລະນີ​ທີ່ເກິດຂື້ນ​ຕໍ່ໄປ

LEAVE A REPLY

Please enter your comment!
Please enter your name here