ຫຼັງ​ຈາກ​ກວດ​ພົບ​ເຊື້ອ​ໂຄ​ວິດ​-19 ໄປ​ຕັ້ງ​ແຕ່​ວັນທີ 12 ມີນາ 2019 ທີ່​ຜ່ານມາ ຕອນ​ນີ້ ແມດ​ທິວ ດີນ ກໍ​ເຂົ້າ​ຖືຮັກສາ​ຕົວ​ຢູ່ໂຮງໝໍ​ມາ 7 ມື້​ແລ້ວ ລ່າ​ສຸດ ແມດ​ທິວ ໄດ້​ອັບ​ເດດ​ອາການ​ໃຫ້​ຟັງ​ໂດຍ​ເຜີຍ​ວ່າ​ຫຼັງ​ຈາກ​ບໍ່​ມີ​ໄຂ້ ໃນມື້​ວັນທີ 18 ມີນາ 2020 ໄດ້​ມີ​ອາການ​ໄຂ້​ກັບ​ມາ​ຊຶ່ງ​ສ້າງ​ຄວາມ​ຕົກ​ໃຈ​ໃຫ້​ຄືກັນ ໂດຍ​ສະຫຼຸບ​ອາການ​ອັບ​ເດດ​ຈາກ​ປາກ ແມດ​ທິວ ມີ​ດັ່ງ​ນີ້:

1. ເລີ່ມ​ຕົ້ນ​ອາການຄືກັນກັບ​ຄົນ​ເປັນ​ໄຂ້ເປັນ​ຫວັດ ປວດ​ເມື່ອຍ​ຕາມ​ຮ່າງກາຍ ມີ​ອາການ​ຄັນ​ດັງຄືຄົນເປັນພູມແພ້ ແລະ​ ເລີ່ມ​ມີອາການ​ໄຂ້ ​ຄວນ​ໄປ​ຫາແພດໝໍ

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

2. ຖ້າ​ບໍ່​ເຄີຍ​ກວດ ຫຼື ​ຖ້າ​ເຄີຍ​ກວດ​ແລ້ວ​ແຕ່​ຖ້າ​ຢູ່ໃນ​ກຸ່ມ​ສ່ຽງ​ກໍ​ໄປ​ປຶກ​ສາ​ແພດ​ອີກເທື່ອໜຶ່ງ ເພາະ​ການ​ມີ​ໄຂ້​ເປັນ​ຕົວ​ຊີ້ ​ແລະ​ ອັນຕະລາຍ

3. ເຖິງຈະດີໄຂ້ແລ້ວ ກໍ​ບໍ່​ຄວນ​ດີ​ໃຈ​ເພາະ​ພະຍາດ​ນີ້​ເປັນ​ພະຍາດ​ໃໝ່ ໝໍ​ທົ່ວ​ໂລກ​ຍັງ​ບໍ່​ເຂົ້າໃຈ​ມັນ ແລະ ໂອ​ກາດ​ທີ່​ມັນຈະ​ກັບ​ມາ​ເປັນ​ໄຂ້​ອີກເທື່ອໜຶ່ງ​ກໍມີ

4. ຫຼັງ​ຈາກ​ທີ່​ບໍ່​ເປັນ​ໄຂ້​ມາ 4 ມື້ ແຕ່​ກັບ​ມາ​ເປັນໄຂ້​ອີກ ໝໍ​ເລີ່ມ​ໃຫ້​ກິນ​ຢາ 3-4 ສຸດ​ເພື່ອ​ຂັບ​ໄລ່​ມັນ​ອອກຈາກ​ຮ່າງກາຍ​ໃຫ້​ໄວ​ທີ່ສຸດ

5. ຖ້າ​ບໍ່​ກິນ​ຢາ ປ່ອຍ​ໃຫ້​ຫາຍ​ເອງ​ອາດຈະ​ດົນ​ ບາງ​ຄົນ​ອາດຈະ 5-7 ມື້ ບາງ​ຄົນ​ອາດຈະ 20-30 ມື້ ບໍ່​ມີ​ຫຍັງ​ແນ່ນອນ

6. ຢາ​ທີ່​ໝໍ​ໃຫ້​ກິນ​ມີ​ຢາຕ້ານ​ມາ​ລາ​ເຣຍ ຢາ​ຕ້ານ HIV ຢາ​ອີກ 2 ສຸດ ເປັນ​ສູດ​ມາດຕະຖານ​ທີ່​ຄົນ​ທັ່ວ​ໂລກ​ກິນ​ຢູ່ໃນ​ຕອນ​ນີ້ ເປັນ​ສູດ​ທີ່​ດີ​ທີ່ສຸດ​ໃນ​ການ​ຖືຮັກສາ​ໂຄ​ວິດ​-19

7. ເລື່ອງ​ຄວາມ​ເຈັບ​ຄວາມ​ທໍລະມານ​ນັ້ນແມ່ນບໍ່​ມີ ມີ​ແຕ່​ຄວາມ​ກັງ​ວົນ​ໃຈ ເນື່ອງ​ຈາກ​ຄວາມ​ບໍ່​ຮູ້ ໝໍ​ທົ່ວ​ໂລກ​ບໍ່​ມີ​ຄຳ​ຕອບ​ທີ່​ຊັດເຈນ​ໃນ​ຫຼາຍ​ໆ ເລື່ອງ ກ່ຽວກັບ​ໂຄ​ວິດ​-19 ຈຶ່ງ​ເຮັດໃຫ້​ເກີດ​ຄວາມ​ກັງ​ວົນ ເຮັດເຮົາໃຫ້​ຄິດ​ໄປ​ໃກ ການ​ລໍຖ້າ​ທີ່​ບໍ່​ມີ​ຄຳ​ຕອບ ມັນ​ເຈັບ​ປວດ​ຫຼາຍ​ທີ່ສຸດ

8. ຄວາມເປັນຕາ​ຢ້ານ​ຂອງ​ພະຍາດ​ນີ້ ຄວນ​ຫຼີກ​ລ້ຽງ​ການ​ໄປ​ຢູ່ບ່ອນ​ທີ່​ມີ​ຄວາມ​ສ່ຽງ ເພື່ອ​ຫຼຸດ​ການ​ແພ່​ລະ​ບາດ ​ແລະ​ ການ​ຮັບ​ເຊື້ອຖ້າຫາກ​ເຮັດ​ໄດ້ ຈະ​ເຮັດໃຫ້​ທີມ​ແພດ​ມີ​ເວລາ​ໃນ​ການສຶກສາ​ຫາ​ວິທີ​ຮັກສາ​ໂຄ​ວິດ​-19 ໄດ້​ຫຼາຍ​ຂຶ້ນ

9.ໃຜ​ທີ່​ກັກ​ຕົວ​ຄົບ 14 ມື້ ຢ່າ​​ຊະ​ລ່າ​ໃຈ ຢ່າ​ຟ້າວກັບ​ໄປ​ໃຊ້​ຊີວິດ​ຢູ່ບ່ອນທີ່ມີ​ຄວາມ​ສ່ຽງ ໂດຍການໄປພົບປະກັບ​ຜູ້​ຄົນຈໍານວນຫຼວງ​ຫລາຍ

10. ບໍ່​ຕ້ອງ​ໃຊ້​ຊີວິດ​ແບບກັງວົນ​ຢ້ານ​ກົວ​ກັບ​ພະຍາດ​ນີ້ ແຕ່​ຄວນ​ໃຊ້​ຊີວິດ​ດ້ວຍ​ຄວາມ​ລະ​ມັດ​ລະ​ວັງ

LEAVE A REPLY

Please enter your comment!
Please enter your name here