ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ວັນທີ 17 ມີີນາ 2020 ນີ້, ຢູ່ທີ່ສະໂມສອນເມືອງຊະນະຄາມ ແຂວງວຽງຈັນ, ໄດ້ໄຂກອງປະຊຸມໃຫຍ່ຄັ້ງທີ VIII ຂອງຜູ່ແທນແນວລາວສ້າງຊາດເມືອງຂຶ້ນ, ໂດຍການໃຫ້ກຽດເຂົ້າຮ່ວມເປັນປະທານຮ່ວມຂອງທ່ານ ທອງສະຫວັນ ວົງສໍາພັນ ຄະນະປະຈໍາພັກແຂວງ ກໍາມະການສູນກາງແນວລາວສ້າງຊາດ, ປະທານແນວລາວສ້າງຊາດແຂວງວຽງຈັນ, ທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງໆຊະນະຄາມ, ທ່ານ ປະເສີດ ວັນສີ ປະທານແນວລາວສ້າງຊາດເມືອງ, ພຣະອາຈາຣຍ໌ ຫຸມພັນ ສຸຂະທັມໂມ ເຈົ້າຄະນະເມືອງ, ມີບັນດາຄະນະກໍາມະການ ແລະ ພາຄີ, ບັນດາຜູ່ແທນສົມບູນທັງໝົດ 127 ທ່ານ, ຍິງ 6 ທ່ານ ບັນດາແຂກຖືກເຊີນຈາກເມືອງໃກ້ຄຽງ, ບັນດາກົມກອງ, ຫ້ອງການອ້ອມຂ້າງເມືອງ ເຂົ້າຮ່ວມຢ່າງພ້ອມພຽງ.

ກອງປະຊຸມໃຫຍ່ຄັ້ງທີ VIII ຂອງຜູ່ແທນແນວລາວສ້າງຊາດ ເມືອງຊະນະຄາມຄັ້ວັນທີ 17 ມີນາ2020
ກອງປະຊຸມໃຫຍ່ຄັ້ງທີ VIII ຂອງຜູ່ແທນແນວລາວສ້າງຊາດ ເມືອງຊະນະຄາມຄັ້ວັນທີ 17 ມີນາ2020

ກອງປະຊຸມໃຫຍ່ໃນຄັ້ງນີ້ ແມ່ນຂີດໝາຍອັນສໍາຄັນເພື່ອທົບທວນຄືນ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງພັກ-ລັດແຕ່ລະຂັ້ນ, ໂດຍສະເພາະ ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ່ແທນແນວລາວສ້າງຊາດເມືອງຄັ້ງທີ VII ທີ່ຜ່ານມາ, ເພື່ອສັງເກດຕີລາຄາດ້ານດີທີ່ຕັ້ງໜ້າ, ດ້ານອ່ອນຂໍ້ຄົງຄ້າງ ແລະ ຖອດຖອນບົດຮຽນທີ່ສໍາຄັນ ພ້ອມກັນນັ້ນກອງປະຊຸມກໍ່ໄດ້ວາງທິດທາງແຜນການເຄື່ອນໄຫວສໍາລັບ 5 ປີຕໍ່ໜ້າ ( 2020- 2024), ກໍານົດຄາດໝາຍສູ້ຊົນ ແລະ ວຽກງານຈຸດສຸມຕົ້ນຕໍທີ່ສໍາຄັນ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ກອງປະຊຸມໃຫຍ່ຄັ້ງທີ VIII ຂອງຜູ່ແທນແນວລາວສ້າງຊາດ ເມືອງຊະນະຄາມຄັ້ວັນທີ 17 ມີນາ2020

ກອງປະຊຸມ ຍັງຈະໄດ້ພ້ອມກັນຮັບຮອງເອົາບົດລາຍງານການເມືອງທັງສອງພາກ, ບົດສໍາຫຼວດການນໍາພາລວມ ແລະ ມະຕິກອງປະຊຸມໃຫຍ່ຄັ້ງນີ້ ໄປຈັດຕັ້ງຜັນຂະຫຍາຍໃນຊຸມປີຕໍ່ໜ້າ ແລະ ຈະໄດ້ຮັບຟັງການປະກອບຄໍາຄິດຄໍາເຫັນຈາກພາກສ່ວນຕ່າງໆ, ເພື່ອເຮັດໃຫ້ເນື້ອໃນກອງປະຊຸມໃຫ້ມີເນື້ອໃນຄົບຖ້ວນ, ສົມບູນ, ພາວະວິໃສ ແລະ ຖືກຕ້ອງກັບຄວາມເປັນຈິງ.

ກອງປະຊຸມໃຫຍ່ຄັ້ງທີ VIII ຂອງຜູ່ແທນແນວລາວສ້າງຊາດ ເມືອງຊະນະຄາມຄັ້ວັນທີ 17 ມີນາ2020

ໃນຕອນທ້າຍຂອງກອງປະຊມ ຍັງຈະໄດ້ຮັບກຽດຮັບຟັງການໂອ້ລົມຂອງທ່ານ ທອງສະຫວັນ ວົງສໍາພັນ ເຊິ່ງຈະເປັນທິດຊີ້ນໍາ ທາງດ້ານແນວຄິດ-ທິດສະດີ, ພຶດຕິກຳຕົວຈິງໃຫ້ແກ່ຜູ້ແທນກອງປະຊຸມໃນການປະຕິບັດໜ້າທີ່ວຽກງານກໍ່ຄືການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ໃຫ້ປະກົດຜົນເປັນຈິງ.ກອງປະຊຸມຄັ້ງນີ້ຈະໄດ້ດຳເນີນໄປເປັນເວລາ 1 ວັນເຕັມຈຶ່ງຈະອັດລົງ.

ຂ່າວ: ເມືອງຊະນະຄາມ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here