ວັນທີ 17 ມີນາ 2020 ແຂວງສະຫລວັນນະເຂດຢືນຢັນຍັງເປີດໃຫ້ບໍລິການ ແລະ ບໍ່ໄດ້ປິດດ່ານສາກົນມິດຕະພາບລາວ-ໄທແຫ່ງທີ 2 ເຖີງແມ່ນວ່າມີການລະບາດພະຍາດອັກເສບປອດໂຄວິດ-19 ໃນປະເທດໄກ້ຄຽງ ປັດຈຸບັນໄດ້ເພີ່ມມາດຕະການເຄັ່ງຂຶ້ນຫລາຍເທົ່າຢູ່ຂົວມິດຕະພາບລາວ-ໄທແຫ່ງທີ 2 ດ້ວຍໃຊ້ອຸປະກອນເທີໂມ ແລະ ເຄື່ອງອິນພາເລສວັດກວດກາອຸນະພູມຮ່າງກາຍຂອງແຕ່ລະຄົນເຂົ້າອອກດ່ານ ພາຍຫລັງບັນດາປະເທດເພື່ອນມີການລະບາດພະຍາດອັກເສບປອດໂຄວິດ-19 ໂດຍສະເພາະປະເທດໄທມີຜູ້ຕິດເຊື້ອເພີ່ມຂຶ້ນ 147 ຄົນ, ເສຍຊີວິດ 1 ຄົນ; ຫວຽດນາມມີຜູ້ຕິດເຊື້ອ 61 ຄົນ.

ທ່ານ ວິໄລສັກ ພັນທະວົງ ຮອງຫົວຫນ້າດ່ານສາກົນຂົວມິດຕະພາບລາວ-ໄທແຫ່ງທີ 2 ໃຫ້ສໍາພາດນັກຂ່າວສໍານັກຂ່າວສານປະເທດລາວໃນວັນທີ 17 ມີນາ 2020 ນີ້ວ່າ: ນັບແຕ່ມີການລະບາດພະຍາດໂຄວິດໃນປະເທດໄກ້ຄຽງ ແລະ ຕ່າງປະເທດນັ້ນ, ພວກເຮົາບໍ່ໄດ້ຖືເບົາ ແລະ ໄດ້ປະສານສົມທົບຮ່ວມກັບຫນ່ວຍງານກ່ຽວຂ້ອງຜັດປ່ຽນເຮັດວຽກ ແລະ ກວດກາຄົນເຂົ້າ-ອອກຢ່າງເຄັ່ງຄັດເປັນຕົ້ນແມ່ນກວດກາລົດອອກເຂົ້າ, ກວກກາເປັນລາຍບຸກ ແລະ ອື່ນໆ ປັດຈຸບັນມີຄົນລາວ ແລະ ຕ່າງປະເທດເຂົ້າອອກຜ່ານດ່ານປະມານ 1.500 ຄົນຕໍ່ມື້ ສ່ວນໃຫຍ່ແມ່ນຄົນໄທ ຖ້າທຽບກັບເມື່ອກ່ອນຍັງບໍ່ມີການລະບາດພະຍາດໃນຕ່າງປະເທດມີຄົນເຂົ້າອອກປະມານ 3.000 ຄົນຕໍ່ມື້ຢູ່ດ່ານຂອງພວກເຮົາ.

ທ່ານ ຖາວອນ ທຸມມະສອນ ເຈົ້າຫນ້າທີ່ສະເພາະກິດເປີດເຜີຍວ່າພວກເຮົາໄດ້ເຮັດຫນັກ ແລະ ໄດ້ມີການຜັດປ່ຽນກັນເວນຍາມຢ່າງເຄັ່ງຄັດໂດຍແຕ່ລະມື້ສາມາດກວດຄົນເຂົ້າອອກປະມານ 1.500 ຄົນຕໍ່ມື້. ຫລ້າສຸດເວລາ 7:00 ນາທີຂອງວັນທີ 17 ມີນາ 2020 ພົບຜູ້ຕ້ອງສົງໃສເປັນຄົນລາວເພດຍິງອາຍຸ 28 ປີ ເດີນທາງມາຈາກໄທຜ່ານດ່ານສາກົນຂົວມິດຕະພາບລາວ-ໄທແຫ່ງທີ 2 ມີອາການເປັນໄຂ້ໂດຍຜ່ານການກວດກາມີອຸນະພູມ 38.5 ອົງສາ ເຊິ່ງໄດ້ສົ່ງຜູ້ກ່ຽວໄປຈຸດຄວບຄຸມເພື່ອລໍຖ້າຟັງຜົນກວດຢ່າງລະອຽດ.

ປັດຈຸບັນ ພວກເຮົາເຈົ້າຫນ້າທີ່ແພດປະຈໍາດ່ານ 2 ຄົນ, ມີອຸປະກອນອິນພາເລສເຄື່ອງວັດອຸນະພູມ 3 ເຄື່ອງ ແຕ່ຕ້ອງຢາກໄດ້ເພີ່ມ 2 ເຄື່ອງ.

ຂໍຂອບໃຈ ພາບ-ຂ່າວ ເກີດຂວັນໃຈ ມາລີຈັນສີ

LEAVE A REPLY

Please enter your comment!
Please enter your name here