ສຳ​ນັກ​ຂ່າວ ບີບີຊີ ລາຍ​ງານ​ວ່າ ທ່ານໂດໂ​ນ ທຣັມ​ ປະ​ທາ​ນາ​ທິບໍ​ດີສະ​ລັດ​ອາເມລິກາ ຈັດ​ງານຖະແຫຼງ​ຂ່າວຢູ່​ທໍານຽບ​ຂາວ​ເມື່ອ​ມື້​ຈັນ 16 ມີນາ 2020 ເພື່ອ​ປະ​ກາດ​ຄຳ​ແນະ​ນຳ​ເພື່ອ​ຄວບ​ຄຸມ​ການ​ລະ​ບາດ​ຂອງ​ໄວ​ຣັສ​ໂຄ​ວິດ​-19 ໃນ​ປະເທດ ໂດຍ​ທ່ານ​ຮຽກ​ຮ້ອງ​ຊາວ​ອາ​ເມ​ຣິ​ກາ​ຢ່າລວມຕົວກັນ​ເກີນ 10 ຄົນ​ໃນ​ຊ່ວງ 15 ມື້​ຫຼັງ​ຈາກ​ນີ້ ແລະ ​ຫຼີກ​ລ້ຽງ​ການ​ໄປ​ຜັບ​ບາ​, ຮ້ານ​ອາຫານ, ສູນ​ອາຫານ, ໂຮງ​ຢິມ ແລະ​ ບ່ອນ​ທີ່​ມີ​ຄົນ​ຫລາຍ

ผลการค้นหารูปภาพสำหรับ dono trump CoVID

ນອກ​ຈາກ​ນີ້ ຜູ້​ສູງ​ອາ​ຍຸ​ຄວນ​ຢູ່​ແຕ່​ໃນ​ບ້ານ ຂະນະ​ທີ່​ການ​ເຮັດ​ວຽກງານ ​ແລະ​ ການ​ຮຽນ​ກໍ​ຄວນ​ເຮັດ​ຢູ່​ບ້ານ​ເຊັ່ນ​ກັນ ປະຊາຊົນ​ຄວນ​ເພີ່ມ​ຄວາມ​ລະ​ມັດ​ລະ​ວັງ​ໃນ​ການເດິນທາງ ຫຼີກ​ລ້ຽງ​ການ​ໄປ​ຊອບ​ປິ້ງ​ ແລະ ​ຢ້ຽມ​ຢາມ​ເພື່ອນ​ບ້ານ ແລະ​ຄວນ​ຢູ່​ໃຫ້​ຫ່າງ​ຈາກ​ບ້ານ​ພັກ​ຄົນ​ຊະລາ ​ຫຼື ​ສູນ​ເບິ່ງ​ແຍງ​ຜູ້​ກະ​ສຽນ​ອາ​ຍຸ ຂະນະ​ທີ່​ໃຜ​ກໍ​ຕາມ​ທີ່​ຕິດ​ເຊື້ອ​ໂຄ​ວິດ​-19 ຄວນ​ຢູ່​ແຕ່​ໃນ​ບ້ານ​ຂອງ​ຕົວ​ເອງ​ຮ່ວມ​ກັບ​ສະມາຊິກ​ຄອບຄົວ​ຄົນ​ອື່ນ​ໆ

ผลการค้นหารูปภาพสำหรับ covid 19 USA

“ການຕັດ​ສິນ​ໃຈ​ດັ່ງ​ກ່າວ​ກໍ​ເພື່ອ​ເພີ່ມ​ຄວາມ​ເຂັ້ມ​ງວດ​ໃນ​ການ​ແນະ​ແນວ​ທາງ​ຕໍ່ສູ້​ກັບ​ໂຄ​ວິດ​-19 ແລະ ​ຫຼຸດ​ການ​ຕິດ​ຕໍ່​ຂອງ​ເຊື້ອ​ໃນ​ຕອນ​ນີ້” ທ່ານ ​ທຣັມ​ ບ​ອກ​ກັບ​ຜູ້​ສື່​ຂ່າວ ແລະ ​ເມື່ອ​ຖືກ​ຖາມວ່າ​ຄຳ​ສັ່ງ​ສະຖານນະການ​ສຸກ​ເສີນ​ແຫ່ງ​ຊາດ​ຈະ​ຢູ່​ຈົນ​ເຖິງ​ເມື່ອໃດ ທ່ານ ​ທຣັມ​ ບ​ອ​ກວ່າ “ພວກ​ທ່ານ​ຄິດວ່າ​ເຖິງ​ເດືອນ​ສິງ​ຫາ ອາດຈະ​ເດືອນ​ກໍລະກົດ ຫຼື ​ອາດຈະ​ດົນ​ກວ່າ​ນັ້ນ”

ທັງ​ນີ້ ສ​ະຫະລັດອາເມລິກາ ພົບ​ຜູ້​ຕິດ​ເຊື້ອ​ໂຄ​ວິດ​-19 ອີກ 854 ຄົນ​ໃນ​ມື້​ຈັນ​ເຮັດໃຫ້​ຍອດ​ສະ​ສົມ​ເພີ່ມ​ເປັນ 4,534 ຄົນ ຂະນະ​ທີ່​ມີ​ຜູ້​ເສຍຊີວິດ​ອີກ 17 ຄົນ​ເປັນ 85 ຄົນ​ແລ້ວ ໂດຍ​ຈົນ​ເຖິງ​ຕອນ​ນີ້​ມີ​ຢ່າງ​ນ້ອຍ 40 ລັດ​ທົ່ວ​ປະເທດ​ທີ່​ປະ​ກາດ​ພາ​ວະ​ສຸກ​ເສີນ​ເພື່ອ​ຮັບ​ມື​ການ​ລະ​ບາດ​ຂອງ​ໄວ​ຣັສໂຄ​ວິດ​-19 ແລະ 29 ລັດ​ທີ່​ຕັດ​ສິນ​ໃຈ​ປິດ​ໂຮງຮຽນ​ທຸກ​ແຫ່ງ

ຂະນະ​ທີ່​ກຸງ​ວໍ​ຊິງ​ຕັນ ດີ.ຊີ, ຣັດ​ນິວ​ຢອກ, ນິວ​ເ​ອ​ເຈນຊີ, ເພນ​ຊິນ​ເວ​ເນຍ, ໂອ​ໄຮ​ໂອ, ແຄ​ລິ​ຟ​ໍ​ເນຍ, ອິນ​ລິນ​ອ​ຍ, ມິ​ຊິ​ແກນ, ແມດ​ຊາ​ຊູ​ເຊ​ ແລະ​ ຣັດ​ວໍ​ຊິງ​ຕັນ ສັ່ງ​ປິດ​ຈຳ​ກັດ​ການ​ເຂົ້າ​ໃຊ້​ບໍລິການ​ບາ​ ແລະ ​ຮ້ານ​ອາຫານ​ຕ່າງ​ໆ

LEAVE A REPLY

Please enter your comment!
Please enter your name here