ໃນວັນທີ 16 ມີນາ ສຳນັກຂ່າວຕ່າງໆປະເທດລາຍງາຍວ່າ ເກີດເຫດທໍ່ສົ່ງນ້ຳມັນລະເບີດໃນເມືອງລາກອົດ ຊຶ່ງເປັນສູນກາງທາງເສດຖະກິດຂອງໄນຈີເຣຍ ໂດຍແຮງລະເບີດສ້າງຄວາມເສຍຫາຍຢ່າງໜັກ ແລະ ມີຜູ້ໄດ້ຮັບບາດເຈັບຫຼາຍຄົນ ເສຍຊີວິດຢ່າງນ້ອຍ 15 ຄົນ ສ່ວນອາຄານບ້ານເຮືອນໄດ້ຮັບຄວາມເສຍຫາຍ 50 ຫຼັງຄາເຮືອນ ຂະນະທີ່ເຈົ້າໜ້າທີ່ຊ່ວຍກັນລຳລຽງຜູ້ໄດ້ຮັບບາດເຈັບສົ່ງໂຮງໝໍຢ່າງຮີບດ່ວນ
ຕຳຫຼວດ ເປີດເຜີຍວ່າ ແຮງລະເບີດດັ່ງກ່າວເຮັດໃຫ້ອາຄານບາງຫຼັງພັງຖະລົ່ມ ແຕ່ຍັງບໍ່ຮູ້ສາເຫດທີ່ເຮັດໃຫ້ເກີດໄຟໄໝ້ທໍ່ສົ່ງນ້ຳມັນ ທັງນີ້ ເຫດໄຟໄໝ້ທໍ່ສົ່ງນ້ຳມັນໃນໄນຈີເຣຍເກີດຂຶ້ນຫຼາຍເທື່ອ ສ່ວນໃຫຍ່ມີສາເຫດມາຈາກການລັກນ້ຳມັນ ແລະ ການວິນາດສະກຳ ໂດຍໄນຈີເຣຍເປັນຊາດຜູ້ຜະລິດນ້ຳມັນລາຍໃຫຍ່ທີ່ສຸດໃນທະວີບອາຟຣິກາ
---------------
ຢ່າລືມກົດຕິດຕາມເພຈ All in LAOS
------------------------------
