ມາຮອດປັດຈຸບັນ, ປະຊາຊົນແຂວງຫລວງນ້ຳທາທີ່ໄດ້ຮັບຜົນກະ ທົບຈາກໂຄງການກໍ່ສ້າງທາງລົດໄຟລາວ-ຈີນ ໄດ້ຮັບເງິນຊົດເຊີຍແລ້ວ ຈຳນວນ 70 ກ່ວາສ່ວນຮ້ອຍຂອງຈຳນວນເງິນຊົດເຊີຍທີ່ຕ້ອງຈ່າຍທັງໝົດ 178,5 ຕື້ກີບ, ໃນຂະນະທີ່ໂຄງການນີ້ຈັດຕັ້ງປະຕິບັດສໍາເລັດແລ້ວ 90 ກ່ວາສ່ວນຮ້ອຍຂອງໜ້າວຽກທັງໝົດ. ທ່ານ ຈັນ ທະຈອນ ແກ້ວລະຄອນ, ຫົວໜ້າປະສານງານໂຄງການກໍ່ສ້າງທາງລົດໄຟລາວ-ຈີນ ປະຈໍາແຂວງຫລວງນ້ຳທາ ໃຫ້ສໍາພາດວ່າ: ເສັ້ນທາງລົດໄຟລາວ-ຈີນ ທີ່ຜ່ານແຂວງ ຫລວງນ້ຳທາ ມີຄວາມຍາວ 16,9 ກິໂລແມັດ ສົ່ງຜົນກະທົບຕໍ່ເນື້ອທີ່ດິນຂອງປະຊາຊົນທັງໝົດ 86,7 ເຮັກຕາ, ໃນນີ້ ມີເນື້ອທີ່ສວນ 50,7 ເຮັກຕາ, ດິນປຸກສ້າງ 28,2 ເຮັກຕາ ແລະ ເນື້ອທີ່ນາ 7,8 ເຮັກຕາ. ນອກຈາກນີ້ ຍັງມີເຮືອນຊານ ແລະ ອາຄານຕ່າງໆ ເສຍຫາຍ 153 ຫລັງ, ລວມມູນຄ່າທັງໝົດ 178,5 ຕື້ກີບ, ໂດຍໃນນີ້, ມີປະຊາຊົນທີ່ໄດ້ຮັບຜົນກະທົບທັງໝົດ 321 ຄອບຄົວ.

ผลการค้นหารูปภาพสำหรับ รถไฟลาวจีนแขวงหลวงนำทา

ມາຮອດປັດຈຸບັນ, ທາງໂຄງການໄດ້ສໍາເລັດການເບີກຈ່າຍເງິນຊົດເຊີຍໃຫ້ປະຊາຊົນແລ້ວ 7 ງວດ, ໂດຍມີ 218 ຄອບຄົວ, ເທົ່າກັບ 70 ກ່ວາສ່ວນຮ້ອຍຂອງຄອບຄົວທີ່ໄດ້ຮັບຜົນກະທົບທັງໝົດ, ລວມເງິນທີ່ໄດ້ເບີກຈ່າຍທັງໝົດ ແມ່ນ 131,9 ຕື້ກີບ, ເທົ່າກັບ 70 ກ່ວາສ່ວນຮ້ອຍຂອງຈຳນວນເງິນຊົດເຊີຍທີ່ຕ້ອງຈ່າຍທັງໝົດ. ສຳລັບໂຄງການກໍ່ສ້າງນີ້ ສະເພາະໄລຍະທາງຜ່ານແຂວງຫລວງນ້ຳທາ ມາຮອດປັດຈຸບັນ ແມ່ນກໍ່ສ້າງສໍາເລັດແລ້ວ 90 ກ່ວາສ່ວນຮ້ອຍ, ຊຶ່ງຄາດວ່າການກໍ່ສ້າງຈະໃຫ້ສໍາເລັດໂດຍສົມບູນ ຮ້ອຍສ່ວນຮ້ອຍໃນອີກບໍ່ດົນນີ້.

Image may contain: sky, mountain, outdoor and nature

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here