ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ໃນວັນທີ 10 ມີນາ ທີ່ຜ່ານມາ, ສຳນັກຂ່າວເອພີ ລາຍງານສະຖານະການການລະບາດຂອງ ໄວຣັສໂຄໂຣນາ (ໂຄວິດ-19) ໃນປະເທດອີຣ່ານ ວ່າ: ກະຊວງສາທາລະນະສຸກ ອີຣ່ານ ເປີດເຜີຍຈຳນວນຜູ້ເສຍຊີວິດໃໝ່ອີກ 54 ຄົນ ໃນຮອບ 24 ຊົ່ວໂມງ ທີ່ຜ່ານມາ ເຮັດໃຫ້ຍອດຜູ້ເສຍຊີວິດສະສົມໃນປະເທດເພີ່ມເປັນ 291 ຄົນ, ສ່ວນຈຳນວນຜູ້ຕິດເຊື້ອໃໝ່ເພີ່ມອີກ 881 ຄົນ ສົ່ງຜົນໃຫ້ຍອດຜູ້ຕິດເຊື້ອສະສົມເພີ່ມເປັນ 8.04 ຄົນ.

ຂະນະດຽວກັນ, ທ່ານ ຈາເວດ ເຣມັນ ຜູ້ລາຍງານພິເສດຂອງ ສະຫະປະຊາຊາດ ດ້ານສິດທິມະນຸດ ໃນອີຣ່ານ ຂໍໃຫ້ລັດຖະບານອີຣ່ານ ປ່ອຍຕົວນັກໂທດທັງໝົດເປັນການຊົ່ວຄາວ ທ່າມກາງການລະບາດຂອງໂຄວິດ-19 ເຖິງແມ່ນວ່າປະທານສານສູງສຸດອີຣ່ານ ຈະມີຄຳສັ່ງປ່ອຍຕົວນັກໂທດ ປະມານ 70.000 ຄົນ ເປັນການຊົ່ວຄາວ ໃນວັນທີ 9 ມີນາ ແລ້ວກໍຕາມ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ແຕ່ນັ້ນມີຜົນສະເພາະນັກໂທດທີ່ມີໂທດຕິດຄຸກ ໜ້ອຍກວ່າ 5 ປີ, ສ່ວນນັກໂທດການເມືອງ ແລະ ນັກໂທດທີ່ມີໂທດໜັກກວ່າ ຍັງຢູ່ໃນຄຸກ ແລະ ທັງໝົດກ່ຽວຂ້ອງກັບ ການປະທ້ວງຕໍ່ຕ້ານລັດຖະບານ ໃນເດືອນມີນາ.

ໃນວັນດຽວກັນ, ໄອອາເອັນເອ (IRNA) ສຳນັກຂ່າວທາງການອີຣ່ານ ລາຍງານຄວາມຄືບໜ້າກະແສຂ່າວລື ເລື່ອງການດື່ມເຫຼົ້າເຖື່ອນ ທີ່ມີສ່ວນປະສົມຂອງ ເມທິວແອວກໍຮໍ ດ້ວຍຄວາມເຊື່ອຜິດໆທີ່ຈະຊ່ວຍປິ່ນປົວ ຫຼື ປ້ອງກັນພະຍາດໂຄວິດ-19 ວ່າ ມີຜູ້ເສຍຊີວິດຈາກພິດເມທິວແອວກໍຮໍ ເພີ່ມເປັນ 44 ຄົນ ອີກ 270 ຄົນ ຖືກນຳສົ່ງໂຮງໝໍ.

ຈຳນວນຜູ້ເສຍຊີວິດເພາະພິດເຫຼົ້າເຖື່ອນສູງສຸດ ມາຈາກແຂວງຄູເຊດສະຖານ ທາງພາກຕາເວັນຕົກສຽງໃຕ້ ເຊິ່ງມີຜູ້ເສຍຊີວິດຈາກ 16 ຄົນ ເປັນ 36 ຄົນ. ທັ້ງນີ້, ເຄື່ອງດື່ມແອວກໍຮໍ ເປັນຂອງຕ້ອງຫ້າມຕາມກົດໝາຍສຳລັບຄົນອີຣ່ານ ຍົກເວັ້ນຊົນກຸ່ມໜ້ອຍທີ່ບໍ່ແມ່ນມຸດສະລິມ, ແຕ່ທີ່ຜ່ານມາ ສື່ທ້ອງຖິ່ນລາຍງານຂ່າວ ຜູ້ເສຍຊີວິດຈາກການດື່ມເຫຼົ້າເຖື່ອນຢູ່ຕະຫຼອດເວລາ.

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here