ລັດຖະບານຈີນຕົກລົງບໍລິຈາກ 20 ລ້ານໂດລາສະຫະລັດໃຫ້ WHO ເພື່ອສະໜັບສະໜູບປະເທດທີ່ພວມພັດທະນາຕ້ານກັບພະຍາດ COVID-19

ລາຍງານຈາກ CRI-FM93 ໃຫ້ຮູ້ວ່າ ວັນທີ 7 ມີນານີ້, ທ່ານເອກອັກຄະລັດຖະທູດ ເຊີນຊີ້ວ ຜູ້ຕາງໜ້າຖາວອນຈີນປະຈຳສຳນັກງານເຊີແນວຂອງອົງການສະຫະປະຊາຊາດແລະອົງການຈັດຕັ້ງສາກົນອື່ນໆທີ່ສະວີສໄດ້ພົບປະທ່ານເຕໂດຼສ ອັດຮັນໂນມ ເກເບຼເຢຊຸສ ຜູ້ອຳນວຍການໃຫຍ່ອົງການອະນາໄມໂລກຫຼື WHO , ແຈ້ງໃຫ້ຊາບວ່າລັດຖະບານຈີນຕົກລົງບໍລິຈາກ 20 ລ້ານໂດລາສະຫະລັດໃຫ້ອົງການອະນາໄມໂລກ, ເພື່ອສະໜັບສະໜູນອົງການອະນາໄມໂລກດຳເນີນການຮ່ວມມືສາກົນສາກົນໃນການຕ້ານກັບພະຍາດCOVID-19, ຊ່ວຍເຫຼືອປະເທດທີ່ພວມພັດທະນາຍົກສູງຄວາມສາມາດທີ່ຮັບມືກັບພະຍາດ,ແລະເພີ່ມທະວີການສ້າງສາລະບົບສາທາລະນະສຸກ.

ໂຮດເວັບໄຊທີ່ຖືກ ແລະ ດີທີ່ສຸດໃນໂລກ

ທ່ານ​ເອກ​ອັກ​ຄະ​ລັດ​ຖະ​ທູດ​ເຊີນ​ຊວີ້​ກ່າວ​ວ່າ,ລັດ​ຖະ​ບານ​ແລະ​ປະ​ຊາ​ຊົນ​ຈີນ​ໄດ້​ນຳ​ໃຊ້​ມາດ​ຕະ​ການ​ທີ່​ມີ​ຜົນ​ສັກ​ສິດ​ຢ່າງ​ຂາດ​ຕົວເພື່ອ​ຕ້ານ​ກັບ​ພະ​ຍາດ COVID-19, ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ທົ່ວ​ປະ​ເທດ​ໄດ້​ພັດ​ທະ​ນາ​​ໄປ​ສູ່​ທິດ​ທາງ​ທີ່ດີ​ຢ່າງ​ໝັ້ນ​ທ່ຽງ​ຕັ້ງ​ໜ້າ,ນີ້​ບໍ່​ພຽງ​ແຕ່​ເປັນ​ການ​ປົກ​ປັກ​ຮັກ​ສາ​ສຸ​ຂະ​ພາບ​​ແລະຊີ​ວິດ​ຂອງ​ປະ​ຊາ​ຊົນ​ປະ​ເທດ​ຕົນ​ເທົ່າ​ນັ້ນ,
ຍັງ​​ເປັນ​ການປະ​ກອບ​ສ່ວນ​ທີ່​ສຳ​ຄັນ​ເຂົ້າ​ໃນ​ຄວາມ​ປອດ​ໄພ​ດ້ານ​ສາ​ທາ​ລະ​ນະ​ສຸກ​ທົ່ວ​ໂລກ.

ທ່ານເຕໂດຼສໄດ້ສະແດງຄວາມຂອບໃຈແລະຍ້ອງຍໍຊົມເຊີຍໃນລະດັບສູງຕໍ່ລັດຖະບານຈີນທີ່ໄດ້ຜ່ານຜ່າຄວາມຫຍຸ້ງຍາກອັນໃຫຍ່ຫຼວງຂອງຕົນ,ຊ່ວຍເຫຼືອປະເທດທີ່ພວມພັດທະນາອື່ນໆຢ່າງເອື້ອເຟື້ອເຜື່ອແຜ່ໂດຍທັນການໃນເວລາຫົວລ້ຽງຫົວຕໍ່ທີ່ທົ່ວໂລກຕ້ານກັບພະຍາດ COVID-19, ທ່ານກ່າວຕື່ມວ່າຈະສືບຕໍ່ເພີ່ມທະວີການປະສານງານຮ່ວມມືກັບຈີນ,
ຊຸກຍູ້ການຮ່ວມມືປ້ອງກັນແລະຄວບຄຸມພະຍາດສາກົນໃຫ້ໄດ້ຮັບການຄືບໜ້າຕົວຈິງຢ່າງບໍ່ຢຸດຢັ້ງ.

LEAVE A REPLY

Please enter your comment!
Please enter your name here