ທາງ​ການ​ເກົາ​ຫຼີ​ໃຕ້​ເລີ່ມ​ໃຊ້​ມາ​ດຕະ​ການ​ຊື້​ໜ້າ​ກາກ​ອະນາໄມ​ຮູບ​ແບບ​ໃໝ່ ແລະ ​ຈຳ​ກັດ​ການ​ຊື້​ໜ້າ​ກາກ​ອະນາໄມ​ຕໍ່​ອາທິດຫຼັງ​ເກົາ​ຫຼີ​ໃຕ້​ຜະເຊີນກັບ​ບັນຫາ​ໜ້າ​ກາກ​ອະນາໄມ​ຂາດ​ແຄນ ໂຄ​ວິດ​-19 ລະ​ບາດ

ผลการค้นหารูปภาพสำหรับ Covid-19 in korea

ໃນວັນທີ 9 ມີ​ນາ 2020 ສຳ​ນັກ​ຂ່າວ ທີບີເອັສ ຂອງ​ປະເທດ​ເກົາ​ຫຼີ​ໃຕ້​ໄດ້​ລາຍ​ງານ​ວ່າ ທາງ​ການ​ເກົາ​ຫຼີ​ໃຕ້​ໄດ້​ເລີ່ມ​ ຕົ້ນ​ໃຊ້​ມາ​ດຕະການ​ການ​ຂາຍ​ໜ້າ​ກາກ​ອະນາໄມ​ຕາມ​ຕົວ​ເລກ​ຕົວ​ສຸດ​ທ້າຍ​ຂອງ​ປີ​ເກີດ ໂດຍ​ປະຊາຊົນ​ທີ່​ມີ​ປີ​ເກີດ​ລົງ​ທ້າຍ​ດ້ວຍ​ເລກ 1 ແລະ​ ເລກ 6 ຈະ​ສາມາດ​ຊື້​ໜ້າ​ກາກ​ອະນາໄມ​ໄດ້​ໃນ​ມື້​ວັນຈັນ, ເລກ 2 ຫຼື ​ເລກ 7 ຊື້​ໄດ້​ໃນ​ມື້ວັນ​ອັງ​ຄານ, ເລກ 3 ຫຼື​ ເລກ 8 ຊື້​ໄດ້​ໃນ​ມື້​ພຸດ, ເລກ 4 ຫຼື ​ເລກ 9 ຊື້​ໄດ້​ໃນ​ມື້ວັນ​ພະ​ຫັດ​ ແລະ ​ເລກ 5 ຫຼື ເລກ 0 ສາມາດ​ຊື້​ໄດ້​ໃນ​ມື້​ວັນສຸກ​ ສ່ວນ​ປະຊາຊົນ​ທີ່​ບໍ່​ສາມາດ​ຊື້​ໜ້າ​ກາກ​ອະນາໄມ​ໄດ້​ທັນ ທາງ​ການ​ຈະ​ເປີດ​ຂາຍ​ໃຫ້​ປະຊາຊົນ​ກຸ່ມ​ນີ້​ໃນ​ທ້າຍ​ອາທິດ ນອກ​ຈາກ​ນີ້​ຄອບຄົວ​ຂອງ​ເດັກນ້ອຍອາຍຸ​ຕ່ຳ​ກວ່າ 10 ປີ ແລະ ຄອບຄົວ​ຂອງ​ຜູ້​ສູງ​ອາ​ຍຸ​ທີ່​ມີ​ອາ​ຍຸ​ຫຼາຍກວ່າ 80 ປີ ສາມາດ​ຊື້​ໜ້າ​ກາກ​ອະນາໄມ​ແທນ​ໄດ້

ผลการค้นหารูปภาพสำหรับ Covid-19 in korea

ທັງ​ນີ້​ພົນລະເມືອງ​ຊາວ​ເກົາ​ຫຼີ​ໃຕ້​ຈະ​ສາມາດ​ຊື້​ໜ້າ​ກາກ​ໄດ້​ພຽງ 2 ອັນ​ຕໍ່​ອາທິດ ເພື່ອ​ປ້ອງ​ກັນ​ບໍ່​ໃຫ້​ໜ້າ​ກາກ​ອະນາໄມ​ຂາດ​ຕະຫຼາດ ແລະ​ ປະຊາຊົນ​ລວມເຖິງ​ຄົນ​ຕ່າງປະເທດ​ທີ່​ອາໄສ​ໃນ​ປະເທດ​ເກົາ​ຫຼີ​ໃຕ້​ຈຳ​ເປັນ​ຕ້ອງ​ສະແດງ​ບັດ​​ປະຊາຊົນ ​ຫຼື ​ວີຊາຂອງຄົນຕ່າງປະເທດ​ເພື່ອ​ປ້ອງ​ກັນ​ການ​ຂາດແຄນຂອງ​ໜ້າ​ກາກ​ອະນາໄມ

ผลการค้นหารูปภาพสำหรับ Covid-19 in korea

ສູນ​ຄວບ​ຄຸມ ​ແລະ ​ປ້ອງ​ກັນ​ພະຍາດຂອງ​ເກົາ​ຫຼີ​ໃຕ້​ເປີດ​ເຜີຍ​ວ່າ ໃນເມື່ອ​ມື້ວັນ​ອາທິດ 8 ມີນາ 2020 ພົບ​ຜູ້​ຕິດ​ເຊື້ອ​ໂຄ​ໂຣ​ນາ​ສາຍ​ພັນ​ໃໝ່​ເພີ່ມ​ຂຶ້ນ 248 ຄົນ ຊຶ່ງ​ຖື​ເປັນ​ຈຳນວນ​ຕົວ​ເລກ​ທີ່​ນ້ອຍ​ທີ່ສຸດ​ໃນຮອບ​ສອງ​ອາທິດ ແລະ ​ຍັງ​ເປັນ​ວັນທີ 4 ຕິດ​ຕໍ່​ກັນ​ທີ່​ປະເທດ​ເກົາ​ຫຼີ​ໃຕ້​ພົບ​ຜູ້​ຕິດ​ເຊື້ອ​ນ້ອຍ​ລົງ ທັງ​ນີ້​ຮອງ​ລັດຖະມົນຕີ​ກະຊວງ​ສາທາລະນະສຸກ​ເກົາ​ຫຼີ​ໃຕ້​ລະ​ບຸ​ວ່າ “ຍັງ​ໄວ​ເກີນ​ໄປ​ກວ່າ​ທີ່​ຈະ​ສາມາດ​ເວົ້າ​ໄດ້​ວ່າ​ວິກິດ​ໄວ​ຣັສ​ລະ​ບາດ​ສີ້ນສຸດ​ລົງ ເນື່ອງ​ຈາກ​ຍັງ​ພົບ​ຜູ້​ປ່ວຍ​ເພີ່ມ​ຂຶ້ນ​ຢ່າງ​ຕໍ່​ເນື່ອງ”

ເຊິ່ງໃນຂະນະ​ນີ້​ທາງ​ການ​ເກົາ​ຫຼີ​ໃຕ້​ພົບ​ຜູ້​ປ່ວຍ​ພະຍາດ “ໂຄ​ວິດ​-19” ຫຼາຍກວ່າ 7 ພັນ​ຄົນ ແລະ​ ມີ​ຜູ້​ເສຍຊີວິດ​ຢ່າງ​ນ້ອຍ 51 ຄົນ.

LEAVE A REPLY

Please enter your comment!
Please enter your name here