ໃນວັນທີ 4 ມີນາ 2020 ອົງການອະນາໄມໂລກໄດ້ສະແດງຄວາມເປັນຫ່ວງໄປຢັງທົ່ວໂລກ ຫຼັງພົບບັນຫາການຂາດແຄນອຸປະກອນທາງການແພດທັງຊຸດປ້ອງກັນການຕິດເຊື້ອໜ້າກາກ ອີກທັງຍັງງພົບວ່າລາຄາຂອງສິນຄ້າທີ່ກ່ຽວກັບການປ້ອງກັນພະຍາດໂຄວິດ-19 ເພີ່ມສູງຂຶ້ນຢ່າງໜ້າຕົກໃຈ ຈາກຄວາມຕ້ອງການທີ່ເພີ່ມຫລາຍຂຶ້ນ ພ້ອມກັນນີ້ຍັງຮ້ອງຂໍໄປຢັງບໍລິສັດຜູ້ຜະລິດອຸປະກອນທາງການແພດທັງຫມົດທັງລັດຖະບານຂອງແຕ່ລະປະເທດໃຫ້ເພີ່ມກຳລັງການຜະລິດອຸປະກອນທາງການແພດໃຫ້ໄດ້ຮ້ອຍລະ 40 ເພື່ອໃຫ້ພຽງພໍຕໍ່ຄວາມຕ້ອງການ ແລະ ການໃຊ້ງານ ຫຼັງພົບວ່າອັດຕາການເສຍຊີວິດຂອງພະຍາດໂຄວິດ-19 ເພີ່ມຫຼາຍຂຶ້ນຢ່າງວ່ອງໄວ
ໃນວັນອັງຄານທີ່ຜ່ານມານີ້ ທະນາຄານສະຫະລັດ ໄດ້ປະກາດຫຼຸດຜ່ອນອັດຕາດອກເບ້ຍອີກຮ້ອຍລະ 0.5 ເປັນກໍລະນີສຸກເສີນ. ເພື່ອປ້ອງກັນບໍ່ໃຫ້ເສດຖະກິດໂລກຜະເຊີນສະພາວະຖົດຖອຍ ລວມທັງການປົກປ້ອງສະຫະລັດຈາກຜົນກະທົບຂອງພະຍາດCovid-19 ທີ່ອາດຈະສົ່ງຜົນກະທົບທາງລົບຕໍ່ເສດຖະກິດຫຼາຍກວ່າທີ່ຄາດໄວ້
ດ້ານທະນາຄານໂລກໄດ້ປະກາດຈະອັດສີດຫງົບປະມານກວ່າ 12,000 ລ້ານໂດລາ ເພື່ອຊ່ວຍປະເທດຕ່າງໆ ຕໍ່ສູ້ກັບການແພ່ລະບາດຂອງພະຍາດໂຄວິດ-19 ໂດຍໃນຂະນະນີ້ໄວຣັສໂຄໂຣນາສາຍພັນໃໝ່ 2019 ຍັງຄົງແພ່ລະບາດໜັກໃນເກົາຫຼີໃຕ້ ຍີ່ປຸ່ນ ຢຸໂຣບ ອີຣ່ານ ແລະ ສະຫະລັດອາເມລິກາ ຂະນະທີ່ຍັງມີອີກຫຼາຍປະເທດທີ່ຫາກໍ່ພົບຜູ້ຕິດເຊື້ອຄົນທໍາອິດ ເຮັດໃຫ້ໃນເວລານີ້ມີປະເທດທີ່ພົບຜູ້ຕິດເຊື້ອເກືອບ 80 ປະເທດທົ່ວໂລກແລ້ວ
