ສື່ທາງການຈີນລາຍງານວ່າ ຜູ້ທີ່ເດິນທາງມາຈາກປະເທດທີ່ມີການລະບາດຂອງໄວຣັສໂຄໂຣນາຢ່າງຮ້າຍແຮງ ເຂົ້າມາໃນຫຼາຍເມືອງຂອງຈີນຈະຖືກກັກກັນພະຍາດດົນ 14ມື້.
ເຈົ້າຫນ້າທີ່ທາງການຈີນລະບຸວ່າ ຜູ້ທີ່ເດິນທາງມາຈາກປະເທດທີ່ມີການລະບາດຂອງໄວຣັສໂຄໂຣນາສາຍພັນໃໝ່ຢ່າງຮ້າຍແຮງຢ່າງ ເກົາຫຼີໃຕ້, ຍີ່ປຸ່ນ, ອິີຣ່ານ ແລະ ອິດຕາລີເຂົ້າມາຍັງກຸງປັກກິ່ງຂອງຈີນ ຈະຕ້ອງຖືກກັກກັນຕົວ.
ໃນຂະນະທີ່ຄົນຊ່ຽງໄຮ້ ແລະ ມົນຖົນກວາງຕຸ້ງກໍໄດ້ປະກາດມາດຕະການຄ້າຍຄືກັນກ່ອນໜ້ານີ້ແລ້ວ ເຈົ້າຫນ້າທີ່ທາງການກັງວົນວ່າ ໄວຣັສທີ່ແພ່ອອກໄປຈາກປະເທດຈີນ ຈະກັບເຂົ້າມາໃນປະເທດ. ຜູ້ເສຍຊີວິດຈາກໄວຣັສນີ້ສ່ວນໃຫຍ່ຢູ່ໃນປະເທດຈີນ ຂະນະທີ່ມື້ຈັນທີ່ຜ່ານມາ ມີລາຍງານການພົບຜູ້ຕິດເຊື້ອຄົນໃໝ່ນອກປະເທດຈີນ ຫຼາຍກວ່າໃນປະເທດຈີນ 9 ເທົ່າ.
ສ່ວນນະຄອນຊ່ຽງໄຮ້ລະບຸວ່າ ຈະກັກກັນຕັວຜູ້ທີ່ເດີນທາງເຂົ້າມາຈາກຫຼາຍປະເທດ “ທີ່ມີສະຖານນະການໄວຣັສຮ້າຍແຮງ” ແຕ່ບໍ່ໄດ້ລະບຸຊື່ປະເທດ, ເຈົ້າຫນ້າທີ່ທາງການກຳລັງຂໍໃຫ້ຊາວຈີນໃນຕ່າງປະເທດ ທົບທວນແຜນການເດິນທາງ
