ກົດຮູບເພື່ອຮັບສ່ວນຫຼຸດເລີຍພີ່ນ້ອງ


ລັດຖະບານຮຽກຮ້ອງໃຫ້ຜູ້ປະກອບການທີ່ດໍາເນີນທຸລະກິດດ້ານການທ່ອງທ່ຽວໃນທົ່ວປະເທດເລື່ອນການຈັດທົວທ່ຽວຢູ່ປະເທດທີ່ມີລາຍງານການລະບາດຂອງພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ຫລື COVID-19 ມາຮອດປະຈຸບັນມີ 43 ປະເທດແລ້ວທີ່ກວດພົບເຊື້ອພະຍາດໂຄວິດ19 ມີຜູ້ຕິດເຊື້ອທັງໝົດ 78.497 ຄົນ ແລະເສຍຊີວິດ 2.744 ຄົນ. ສຳລັບລາວມີກໍລະນີສົງໃສ 43 ກໍລະນີ ແຕ່ບໍ່ພົບເຊື້ອພະຍາດ COVID-19 ໃນຈຳນວນ 43 ຕົວຢ່າງ.

ໂຄສະນານໍາພວກເຮົາ ຄົນເຫັນຫຼາຍກວ່າ...

ຝາກເວັບໄຊຂອງທ່ານທີ່ໂຮສນີ້ດີທີ່ສຸດ

ກົດຮູບເພື່ອຮັບສ່ວນຫຼຸດເລີຍພີ່ນ້ອງ

foodpanda ສັ່ງອາຫານໄດ້ຕາມໃຈທ່ານ

ໃນໂອກາດຖະແຫລງຂ່າວກ່ຽວກັບພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ຫລື ໂຄວິດ 19 ວັນທີ 27 ກຸມພາ 2020 ທີ່ກະຊວງສາທາລະນະສຸກ ດຣ ຣັດຕະນະໄຊ ເພັດສຸວັນ, ຫົວໜ້າກົມຄວບຄຸມພະຍາດຕິດຕໍ່ ໃຫ້ສຳພາດວ່າ: ປະຈຸບັນຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ ຫລືໂຄວິດ19 ກໍ່ຄືລັດຖະບານ ສະເໜີໃຫ້ຜູ້ປະກອບການດ້ານການທ່ອງທ່ຽວເລື່ອນການຈັດລາຍການທ່ອງທ່ຽວທັງພາຍໃນ ແລະຕ່າງປະເທດໃນໄລຍະນີ້, ລວມເຖິງບໍລິສັດ, ບັນດາໂຄງການທີ່ນໍາໃຊ້ກຳມະກອນຈາກປະເທດທີ່ມີລາຍງານການລະບາດຂອງພະຍາດໂຄວິດ19 ຕ້ອງໄດ້ຕິດຕາມຢ່າງໃກ້ຊິດພາຍຫລັງເດີນທາງກັບມາລາວ, ໂດຍສະເພາະການກວດວັດແທກອຸນຫະພູມ, ການກັ່ນຕອງ ແລະເຝົ້າຕິດຕາມອາການຕົນເອງໃນໄລຍະ 14 ວັນ ພ້ອມທັງສະໜອງອຸປະກອນປ້ອງກັນຕົນເອງໃຫ້ກຳມະກອນ ເປັນຕົ້ນຜ້າອັດປາກອັດດັງ, ເຈວລ້າງມື ເພື່ອຮັບປະກັນໃຫ້ການດຳເນີນວຽກງານການປ້ອງກັນພະຍາດໂຄວິດ19 ມີປະສິດທິພາບ.

ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຍັງຮຽກຮ້ອງເຖິງຜູ້ທີ່ເດີນທາງກັບມາຈາກເຂດທີ່ມີການລະບາດຕ້ອງແຈ້ງ, ສະໜອງຂໍ້ມູນທີ່ແທ້ຈິງໃຫ້ພາກສ່ວນກ່ຽວຂ້ອງຮັບຊາບຢ່າງລະ ອຽດ ແລະບໍ່ຄວນປິດບັງຄວາມຈິງຖ້າຫາກມີອາການ ຊື່ງນອກຈາກຈະສາມາດປ້ອງກັນຄົນພາຍໃນຄອບຄົວຂອງທ່ານໃຫ້ປອດໄພແລ້ວ ຍັງຊ່ວຍໃຫ້ຄົນໃນສັງຄົມປອດໄພຈາກພະຍາດໂຄວິດ19 ແລະບໍ່ສົ່ງຜົນກະທົບຕໍ່ວົງກ້ວາງຕື່ມອີກ

ຂໍຂອບໃຈຂ່າວ: ຈັນທະສອນ ສີຫານາດ

---------------

ຢ່າລືມກົດຕິດຕາມເພຈ All in LAOS


------------------------------

LEAVE A REPLY

Please enter your comment!
Please enter your name here